Nya si Míagblɔ le Magazineawo Ŋu

Gbetakpɔxɔ Nov. 1

“Egbea vihehe ŋuti nukpɔsusu vovovo siwo tsi tre ɖe wo nɔewo ŋue le amewo si. Ðe nèbu be dzilawo ate ŋu ake ɖe aɖaŋuɖoɖo siwo dzi woate ŋu aka ɖo la ŋua? [Ðe mɔ wòaɖo eŋu. Emegbe xlẽ Psalmo 32:8.] Àkpɔ vihehe ŋuti mɔfiame nyui siwo tso Biblia me le magazine sia me.”

Awake! Nov.

“Ðe nèbia ɖokuiwò kpɔ be, ne Mawu lɔ̃ame, si le dzɔdzɔe, si nye ŋusẽtɔ triakɔ aɖe li ɖe, ke nu ka tae fukpekpe bɔ ɖe agbea me alea gbegbe ɖo hã? [Ðe mɔ wòaɖo eŋu.] Kpɔ nu si mawunyakpukpui sia gblɔ le afi si fukpekpewo tso ŋu ɖa. [Xlẽ Yohanes I, 5:19.] Magazine sia ɖe nu si Biblia gblɔ be Mawu le wɔwɔm be yeatsɔ aɖe fukpekpewo ɖae la me.”

Gbetakpɔxɔ Nov. 15

“Le xexe sia si me nufitifitiwɔwɔ xɔ aƒe ɖo me la, ame aɖewo abia be, ‘Nu ka tae wòle be manɔ ʋiʋlim alea be mawɔ nu dzɔdzɔe?’ Ewɔ na wò hã nenema kpɔa? [Ðe mɔ wòaɖo eŋu.] Se dzideƒonamenya siawo ɖa. [Xlẽ Lododowo 2:21, 22.] Magazine sia gblɔ susu vevitɔ si ta wòle be míanɔ nu dzɔdzɔe wɔm ɖo.”

Awake! Nov.

“Ewɔna na ame aɖewo be Mawu gbɔe nu sia nu si dzɔna la tsona. Ne afɔku aɖe dzɔ la, wogblɔna be susu aɖe kokoko tae Mawu na wòdzɔ ɖo. Nu kae nye wò ya wò susu? [Ðe mɔ wòaɖo eŋu. Emegbe xlẽ Yakobo 1:13.] Biblia gblɔ tso nu si ta fukpekpe li ɖo kple nu si wɔm Mawu le be yeaɖee ɖa. Magazine sia ɖe nya mawo me.”