Nya Si Míagblɔ Le Magazineawo Ŋu

Gbetakpɔxɔ November

“Edze ƒãa be vivisese le ƒomegbenɔnɔ me yi edzi le sesẽm na ƒome geɖewo. Alekee nèsusu be nuwo anɔ ne ƒomea me tɔwo dze agbagba srɔ̃ Yesu ƒe nɔnɔme si ŋu woƒo nu tsoe le afi sia? [Xlẽ Mateo 20:28. Na wòaɖo eŋu.] Nyati sia dzro nu atɔ̃ aɖewo siwo ƒomewo ate ŋu asrɔ̃ tso kpɔɖeŋu si Yesu ɖo ɖi me la me.” Tsɔ nyati si dze egɔme tso axa 16 lia fiae.

Awake! November

“Ðe nèkpɔe be subɔsubɔhawo nana lɔlɔ̃ kple ŋutifafa nɔa amewo domea, alo dzrehehe kple ʋunyaʋunyawɔwɔ boŋ wodea amewo mea? [Na wòaɖo eŋu.] Edze abe ame geɖe mele wɔwɔm ɖe Yesu ƒe nya siwo le afi sia la dzi o ene. [Xlẽ Mateo 5:44, 45.] Nyati sia ɖo biabia si nye, Ðe wòanya wɔ be míalɔ̃ míaƒe futɔwoa? ŋu.” Tsɔ nyati si dze egɔme tso axa 10 lia fiae.

Gbetakpɔxɔ December

“Èsusu be Mawu ava he fukpekpewo ava nuwuwui gbe ɖeka? [Na wòaɖo eŋu.] Se Biblia me ŋugbedodo sia si na mɔkpɔkpɔ mí la ɖa. [Xlẽ kpukpui siwo dze le aɖaka si le axa 7 lia me la dometɔ ɖeka.] Magazine sia ƒo nu tso nu si Biblia gblɔ tso ɣeyiɣi si me Mawu ahe fukpekpewo katã ava nuwuwui kple ale si wòawɔe hã ŋu.”

Awake! December

“Ame aɖewo xɔe se be ɖe wowɔ xexea, gake ame bubuwo hã susu be ɖeko xexea dzɔ le eɖokui si, eye tameɖoɖo gobi aɖeke mele eŋu o. Aleke nèsusu? [Na wòaɖo eŋu.] Se nu si Biblia gblɔ tso nya sia ŋu ɖa. [Xlẽ Hebritɔwo 3:4.] Magazine sia na numeɖeɖe si me susu le tso ale si xexea wɔ va dzɔ kple tameɖoɖo si le eŋu la ŋu.”