Esi Mawu Fiaa Nu Mí Ta La Míedea Vovototo Amewo Me O

Yehowa mekpɔa ame ŋkume o. (Dɔw 10:34, 35) Exɔa ame siwo “tso dukɔ sia dukɔ, to sia to, ame ƒomeviwo katã kple gbegbɔgblɔ sia gbegbɔgblɔ me” ameŋkumemakpɔmakpɔtɔe. (Nyɖ 7:9) Eya ta nazãbubu alo ameŋkumekpɔkpɔ aɖeke mele Kristo-hamea me o. (Yak 2:1-4) Esi Mawu fiaa nu mí ta la, míewɔ tɔtrɔwo le míaƒe agbenɔnɔ me si na míele gbɔgbɔmeparadiso me. (Yes 11:6-9) Ne míedze agbagba vevie ɖu vovototo dede amewo me dzi le míaƒe dzi me la, ekema míaɖee afia be míenye Mawu srɔ̃lawo.—Ef 5:1, 2.

MIKPƆ VIDEO SI NYE JOHNY KPLE GIDEON: WONYE FUTƆWO TSÃ, GAKE FIFIA WOZU NƆVIWO. EMEGBE MIÐO BIABIA SIWO LE ETE LA ŊU:

• Aleke ale si Mawu fiaa nu mí la ƒo agbagba ɖe sia ɖe si dzem amegbetɔwo le be yewoaɖe vovototo dede amewo me kple nazãbubu ɖa ta sãsãsã?

• Nu kae wɔ dɔ ɖe dziwò tso nɔviwo ƒe habɔbɔ si le xexea me katã la ŋu?

• Aleke míedoa Yehowa ɖe dzi ne míewɔ ɖeka abe Kristotɔwo ene?