Nu Kae Wòbia Be Ame Nadze Yesu Yome?

9:62

Ne agbledela aɖe di be yeadzobo anyigba ɖe fli me wòadzɔ la, ke mele be wòana nu si le dzɔdzɔm le emegbe la nahe eƒe susu o. Le mɔ sia ke nu la, mele be Kristotɔ nana nu siwo wògblẽ ɖe megbe le xexe sia me la nahe eƒe susu o.—Flp 3:13.

Ne míele nɔnɔme sesẽwo me tom la, anɔ bɔbɔe be ‘míaƒe susu nayi ale si nuwo de mía dzi tsã,’ ɖewohĩ hafi míeva srɔ̃ nyateƒea la dzi. Ne míele esia wɔm la, zi geɖe la, míaƒe susu katã nɔa ale si nuwo de mía dzi va yi la ko ŋu eye míeŋlɔa kuxiawo ya be. Nu sia tututue Israel-viwo wɔ esi woʋu tso Egipte megbe. (4Mo 11:5, 6) Ne míeyi edzi le nu mawo ŋu bum la, ava dzro mí be míagava nɔ agbe nɔm abe ale si míenɔnɛ tsã ene. Anyo wu be míana míaƒe susu nanɔ yayra siwo kpɔm míele fifia kple esiwo míava kpɔ ne Fiaɖuƒea le dzi ɖum la ŋu boŋ!—2Ko 4:16-18.