Miɖo Ŋku Lot Srɔ̃ Dzi

Nu ka tae Lot srɔ̃ kpɔ megbe esi wònɔ sisim le Sodom? Biblia megblɔ nu si tae o. (1Mo 19:17, 26) Nya si gblɔm Yesu nɔ hafi ƒo nu tso Lot srɔ̃ ŋu la ɖee fia be anya nɔ nu siwo wògblẽ ɖe megbe la susum. (Lk 17:31, 32) Nu kae ana be Mawu magakpɔ ŋudzedze ɖe mía ŋu o abe ale si wòdzɔ ɖe Lot srɔ̃ dzi ene? Mele be míana ŋutilãmenuwo didi nanye nu vevitɔ na mí o. (Mt 6:33) Yesu fia nu be míate ŋu “anye Mawu kple Kesinɔnuwo siaa ƒe kluviwo o.” (Mt 6:24) Ke ne míeva de dzesii be ŋutilãmenuwo va le vuvum tsyɔ nu siwo le vevie le agbe me dzi ya ɖe? Míate ŋu ado gbe ɖa na Yehowa be wòana nunya mí be míade dzesi nu siwo me wòle be míawɔ asitɔtrɔ le, eye míabia dzideƒo kple nu si ado ŋusẽ mí be míawɔ tɔtrɔa.

MINƆ TE ÐE VIDEO SI NYE MIÐO ŊKU LOT SRƆ̃ DZI SI LE AKPA ETƆ̃ ME LA DZI, EYE MIAÐO BIABIA SIAWO ŊU:

• 

  Aleke ale si woƒoe ɖe Akpenɛ nu be wòadi ga geɖe la kpɔ ŋusẽ ɖe eƒe nuŋububu, nuƒoƒo kple nuwɔnawo dzi?

• Nu kae míate ŋu asrɔ̃ tso Lot srɔ̃ ƒe kpɔɖeŋua me egbea?

• Aleke Biblia ƒe mɔfiamewo dzi wɔwɔ kpe ɖe Kudzo ƒe ƒomea ŋu?

• Ŋusẽ kae ame siwo Ana nɔ ha dem kplii le dɔwɔƒe la kpɔ ɖe edzi le gbɔgbɔ me?

• Nu ka tae wòle be dzi nanɔ mía ƒo ne wole eƒom ɖe mía nu be míati ga yome?

• Nu kae kpe ɖe Eɖem kple Akpenɛ ŋu be wogatsɔ gbɔgbɔmenuwo ɖo nɔƒe gbãtɔ?

• Biblia ƒe mɔfiame kawo dzie video sia te gbe ɖo?