Do Gbe Ða Na Yehowa Be Wòakpe Ðe Ŋuwò

Yehowae nana nyateƒea ƒe ku miena eye wòtsina ɖe amewo ƒe dzi me. (1Ko 3:6-9) Eya ta be míakpɔ dzidzedze le subɔsubɔdɔa mea, ele be míabia Yehowa be wòakpe ɖe mía kple míaƒe Biblia nusrɔ̃viwo ŋu.

Do gbe ɖa na Yehowa be wòakpe ɖe wò nusrɔ̃viwo ŋu woanɔ te ɖe tetekpɔwo kple nyaƒoɖeamenuwo nu. (Flp 1:9, 10) Gbedodoɖaa neku ɖe nane koŋ ŋu. Do gbe ɖa be gbɔgbɔ kɔkɔea nàkpe ɖe ŋuwò naɖo kpɔɖeŋu nyui na wo le nuƒoƒo kple nuwɔna me. (Lk 11:13) Fia wò Biblia nusrɔ̃viwo ale si woado gbe ɖa, eye nàde dzi ƒo na wo be woanɔ ewɔm. Yɔ woƒe ŋkɔ ne èle gbe dom ɖa kpli wo alo le edom ɖa ɖe wo ta.

MIKPƆ WƆWƆFIA ƑE VIDEO SI NYE KPƆ DZIDZƆ LE NUSRƆ̃LAWƆWƆDƆA ME—WƆ NU SIWO YEHOWA NA MÍ LA ŊU DƆ—GBEDODOÐA, EYOME MIAÐO BIABIA SIAWO ŊU:

• Kuxi kae Rut va do goe esi wònɔ nu srɔ̃m kple Dzidzɔ?

• Aleke 1 Korintotɔwo 3:6 kpe ɖe Rut ŋu?

• Nu kae Rut wɔ tsɔ kpɔ kuxia gbɔ?