Di Aɖaŋuɖoɖo Nyui Siwo Nu Nànɔ Agbe Ðoa Le JW.ORG

Mawu ƒe Nyaa kpena ɖe mía ŋu le go sia go me be míanɔ te ɖe xaxawo nu le ŋkeke mamlɛ siawo me. (2Ti 3:1, 16, 17) Ke hã, ɣeaɖewoɣia míahiã kpekpeɖeŋu be míake ɖe Biblia me mɔfiame siwo ku ɖe nɔnɔme aɖe koŋ ŋua ŋu. Le kpɔɖeŋu me, ɖe nènye dzila si le aɖaŋuɖoɖo dim ku ɖe vihehe ŋua? Ðe nènye sɔhɛ si le xɔse ƒe dodokpɔwo me toma? Ðe nènye aho alo ahosi si le nu xam le srɔ̃wò ƒe ku ta? Àkpɔ nyatiwo le jw.org siwo ana nàke ɖe Biblia me mɔfiame siwo akpe ɖe ŋuwò le nɔnɔme siawo kple bubu geɖewo mea ŋu.—Lod 2:3-6.

Le jw.org nyatakakadzraɖoƒea ƒe gɔmedzeƒea, te asi ɖe BIBLIA ƑE NUFIAFIAWO dzi. (Kpɔ foto 1.) Àkpɔ nyatiwo ƒe hatsotso vovovowo, te asi ɖe esi dim nèlea dzi. Alo te asi ɖe AGBALẼWO KPLE NU BUBUWO > NYATI VOVOVOWO dzi, eye nàtia nyatiwo ƒe hatsotso si nèdi. (Kpɔ foto 2.) Àte ŋu ake ɖe hatsotso mawo ke ŋu le JW Library^® me.a Ðewohĩ ŋkudada ɖe nyatiawo me ɖeɖe dzaa le jw.org alo JW Library ado dzidzɔ na wò. Mɔnu bubu hãe nye be nàzã nyadiƒe si le jw.org atsɔ ake ɖe nyati aɖe koŋ ŋu.

Ŋlɔ nya siwo gbɔna ɖe nyadiƒea eye nàde dzesi nyati siwo adzea dometɔ si nàdi be yeaxlẽ.

• Vihehe

• Sɔhɛwo ƒe blanuiléledɔ

• Ne srɔ̃wò ku