Afi kae nàte ŋu akpɔ mɔfiame si dzi nàka ɖo la le egbea?
Le xexe sia si le tɔtrɔm kabakaba me la, aleke nàwɔ aka ɖe edzi be tiatia siwo nèwɔna la nye nyuitɔ? Aleke nàwɔ aka ɖe edzi be nu siwo amewo buna egbea be wonye nu nyui la, womava bu wo le etsɔme be wonye nu vɔ̃ o?
Biblia ate ŋu akpe ɖe ŋuwò nàtso nya me nyuie eye mava ve wò akpɔ gbeɖe o. Aleke míewɔ nya? Elabe mía Wɔla gbɔe Biblia tso, eye enya nu si ana míakpɔ dzidzɔ ahanɔ dedie ŋutɔŋutɔ.
“Egblɔ nu si nyo la na wò.”—Mika 6:8.
Míate ŋu aka ɖe aɖaŋuɖoɖo nyui siwo le Biblia me dzi. Nyateƒee, míate ŋu “aɖo ŋu ɖe wo ŋu ɖaa tegbee.”—Psalmo 111:8.
Anyo be nàdzro Biblia me be nàkpɔ ale si wòate ŋu akpe ɖe ŋuwò le xexe sia si le tɔtrɔm kabakaba la me.