Yesue Nye Mawu Ŋusẽkatãtɔa?

Ale si Bibia ɖo eŋui

Yesu ƒe futɔwo tsɔ nya ɖe eŋu be etsɔ eɖokui sɔ kple Mawu. (Yohanes 5:18; 10:30-33) Ke hã Yesu megblɔ kpɔ be yele tasɔsɔ me kple Mawu Ŋusẽkatãtɔ la o. Egblɔ be: “Fofo la lolo wum.”—Yohanes 14:28.

Yesu yomedzelawo mebu Yesu be esɔ kple Mawu Ŋusẽkatãtɔ la o. Le kpɔɖeŋu me, apostolo Paulo ŋlɔ ɖi be esi wofɔ Yesu ɖe tsitre megbe la, “Mawu [do Yesu] ɖe dzi wòle nɔƒe kɔkɔ aɖe.” Eme kɔ ƒãa be Paulo mebui be Yesue nye Mawu Ŋusẽkatãtɔ la o. Ne menye nenema o la, aleke wɔ Mawu agado Yesu ɖe dzi wòava nɔ ɖoƒe kɔkɔ?—Filipitɔwo 2:9.