NTE ỌKPỌTỌN̄ỌDE NNEME
UKPEPN̄KPỌ 6
Kûfehe Owo Enyịn
Se Bible Etịn̄de: ‘Ikada uko ke Abasi nnyịn itan̄a eti mbụk.’—1 Thess. 2:2.
Se Jesus Akanamde
1. Se VIDIO emi, mîdịghe kot Luke 19:1-7. Ekem bọrọ mme mbụme emi:
Ekere ke nso ikanam ndusụk owo ẹkûdian idem ye Zacchaeus?
Edi nso ikanam Jesus osụk ọkwọrọ ikọ ọnọ enye?
Nso ke Ikpep Ito Jesus?
2. Ana inyene uko man ikeme ndikwọrọ ikọ nnọ kpukpru owo, isarike owo ndomokiet.
Kpebe Jesus
3. Nịm ke Jehovah ayan̄wam fi. Spirit Abasi akan̄wam Jesus ọkwọrọ ikọ, onyụn̄ ekeme ndin̄wam fi n̄ko. (Matt. 10:19, 20; Luke 4:18) Ben̄e Jehovah ọnọ fi uko man ekeme ndikwọrọ ikọ nnọ mbon emi ẹnamde fi ndịk.—Utom 4:29.
4. Kûbem iso ubiere ke owo idimaha ndikop. Imekeme nditre ndikwọrọ ikọ nnọ owo ke ntak nte enye etiede, ke ntak emi edide imọ owo m̀mê ọwọrọde etop, ke ntak nte owo esinamde n̄kpọ, m̀mê se enye enịmde. Edi ti:
Jehovah ye Jesus ẹsidiọn̄ọ se isịnede owo ke esịt; edi nnyịn idiọn̄ọke.
Ikpanaha ikere ke odu eke Jehovah mîdinyan̄ake.
5. Nyene uko ye mbufiọk nyụn̄ kpeme idem. (Matt. 10:16) Kûfan̄a n̄kpọ ye owo. Emekeme ndida mbufiọk ntre nneme edieke owo mîmaha ndikop ukwọrọikọ, mîdịghe edieke etiede nte ẹkeme ndinam fi n̄kpọ.—N̄ke 17:14.