Nte Ikpadade N̄wed Du Ata Uwem ke Nsinsi! Ikpep Owo Bible

Mbemiso ọtọn̄ọde ukpepn̄kpọ

1. 

   1. Nen̄ede tịm idem. Nte osụk etịmde idem, kere ban̄a se idin̄wamde enye, nte n̄kpọ etiede ye enye, ye se enye enịmde. Kere ban̄a mme n̄kpọ oro ẹdisọn̄de ndin̄wan̄a enye m̀mê oro ẹdisọn̄de enye ndinam. Kere nte mme n̄kpọ oro ẹdọn̄de ke ikpehe “Kpep N̄kpọ En̄wen” ekemede ndin̄wam owo emi esikpepde Bible, nyụn̄ ben̄e idem ndida mmọ nnam n̄kpọ ke ini ẹkpepde n̄kpọ.

Ke ini ẹkpepde n̄kpọ

1. 2. Tọn̄ọ nyụn̄ tre ye akam edieke enye enyịmede.

2. 

   3. Kûtịn̄ ikọ awak akaha. Neme se idude ke n̄wed ukpepn̄kpọ oro, nyụn̄ nọ owo emi ekpepde Bible ufan̄ etịn̄ ikọ.

3. 4. Ke ini oyomde nditọn̄ọ ikpehe en̄wen, kot se idude ke se aban̄ade nyụn̄ siak ibuotikọ ifan̄ ke ikpehe oro.

4. 5. Ama ekpep ikpehe kiet kiet okụre, neme se idude ke ikpehe oro se m̀mê emeti man an̄wam owo emi ekpepde Bible eti se ẹkenemede.

5. 6. Nte ekpepde ukpepn̄kpọ kiet kiet:

   1. Kot ikpehe.

   2. Kot kpukpru itie Bible oro ẹwetde “Kot.”

   3. Kot mme itie Bible eken oro ẹsiakde ẹsịn oro oyomde.

   4. 

      Bre kpukpru vidio oro ẹwetde “Bre” (edieke enyenede).

   5. Bụp owo oro kpukpru mbụme.

   6. Dọhọ enye ese mme ndise oro ẹdude ke ikpehe “Sịn Idem Kpep,” nyụn̄ dọhọ enye etịn̄ n̄kpọ aban̄a mme ndise oro.

   7. Da ekebe “Se Afo Edinamde” n̄wam owo emi ekpepde Bible ese m̀mê enye ke anam se enye ekebierede ndinam nnọ Abasi. Emekeme ndidọhọ enye ada se ẹwetde ke ikpehe oro ebiere se edinamde, mîdịghe anam mbiba.

   8. Bụp owo emi esikpepde Bible m̀mê enye esima mme ibuotikọ m̀mê mme vidio oro ẹdude ke ikpehe “Kpep N̄kpọ En̄wen” enye ama eben̄e idem ọnọ ukpepn̄kpọ oro.

   9. Domo ndikụre ibuot ukpepn̄kpọ kiet ini kiet.

Ke ẹma ẹkekụre ukpepn̄kpọ

1. 

   7. Ka iso kere ban̄a owo emi esikpepde Bible. Bọn̄ akam ben̄e Jehovah ọdiọn̄ ukeme oro enye esịnde onyụn̄ ọnọ fi ifiọk ada an̄wam enye.