Watchtower LIBRARY EKE INTANET
Watchtower
LIBRARY EKE INTANET
Efịk
Ẹ,Ê,Ị,Ọ,Ụ,Û,N̄
  • Ẹ
  • ẹ
  • Ê
  • ê
  • Ị
  • ị
  • Ọ
  • ọ
  • Ụ
  • ụ
  • Û
  • û
  • N̄
  • n̄
  • BIBLE
  • MME N̄WED
  • MBONO ESOP
  • w92 10/15 p. 19
  • Baptism “Ẹsịn Ke Enyịn̄”

Vidio ndomokiet idụhe mi.

Kûyat esịt, n̄kpọ anam vidio emi okûbre.

  • Baptism “Ẹsịn Ke Enyịn̄”
  • Enyọn̄-Ukpeme Ọnọ Ntọt Obio Ubọn̄ Jehovah—1992
  • Ukem Ibuot Nneme
  • Se Baptism Fo Ọwọrọde
    Tuak Ibuot nọ Ata Abasi Kierakiet
  • ‘Ke Enyịn̄ Edisana Spirit’
    Enyọn̄-Ukpeme Ọnọ Ntọt Obio Ubọn̄ Jehovah—1992
  • Ntak Anade Baptism?
    Enyọn̄-Ukpeme Ọnọ Ntọt Obio Ubọn̄ Jehovah—2002
  • Nam Edi Utịtmbuba Fo Ndinam N̄kpọ Abasi ke Nsinsi
    Ifiọk Oro Adade Osịm Nsinsi Uwem
Se En̄wen En̄wen
Enyọn̄-Ukpeme Ọnọ Ntọt Obio Ubọn̄ Jehovah—1992
w92 10/15 p. 19

Baptism “Ẹsịn Ke Enyịn̄”

NDỤN̄ỌDE ẹkenamde ke ediwak tọsịn uwetn̄kpọ ikpan̄wed n̄kukịp eset oro ẹkefiọhọde ke ntan ke Egypt ke ntọn̄ọ ntọn̄ọ isua ikie emi ẹsiwak ndisịn ọnọ-nsịnudọn̄ un̄wana ke N̄wed Abasi usem Greek. Didie? Ke ndikere mban̄a usụn̄ emi ẹkedade ndusụk ikọ, ẹda nnyịn usụn̄ ẹkesịm ata nnennen ifiọk aban̄ade mme ukem usem oro ke nte ẹdade mmọ ke N̄wed Abasi.

Uwụtn̄kpọ kiet edi nte Jesus adade ikọ oro “ke enyịn̄” ke ini enye ọkọnọde mme mbet esie ewụhọ mbemiso ọdọkde ke heaven ete: “Mbufo ẹka ẹkenam kpukpru mme idụt ẹdi mbet Mi, ẹnịm mmọ baptism ẹsịn ke enyịn̄ Ete ye Eyen ye edisana spirit.” Nso ke ikọ Jesus ọkọwọrọ?—Matthew 28:19.

Nditọ ukpepn̄kpọ ẹma ẹkụt ẹte ke ẹda ikọ oro “ke enyịn̄,” m̀mê “ẹsịn ke enyịn̄” (Kingdom Interlinear), ke mme uwetn̄kpọ ererimbot nditịn̄ mban̄a edikpe okụk “nsịn ke okụk oro owo ekededi onịmde.” Akwa ekpep ukpepn̄kpọ ido ukpono oro Dr. G. Adolf Deissmann onịm ke akpanikọ ete ke ẹkerede ẹban̄a uyarade otode ikpan̄wed oro, “ekikere oro ọsọn̄ọde . . . mme ikọ oro ndinịm baptism nsịn ke enyịn̄ Ọbọn̄, m̀mê ndinịm ke akpanikọ ke enyịn Eyen Abasi, edi nte ke baptism m̀mê mbuọtidem edi ubak ke otu inyene Abasi m̀mê eke Eyen Abasi.”—Sịghi sịghi ubọkn̄wed edi eke Deissmann.

Nte enemde, mme Jew eke eyo Jesus ẹma ẹda ukem ikọ oro, nte ẹnamde an̄wan̄a ke Theological Dictionary of the New Testament ete: “Ẹnam una mbobi eke mme okpono Abasi ke ido mme Jew . . . ‘ke enyịn̄ okpono Abasi ke ido mme Jew,’ man ẹda enye ẹsịn ke Ido Ukpono Jew. Una mbobi emi ada itie . . . ‘ke enyịn̄ ediomi,’ man ẹda enye ẹsịn ke ediomi.” Itie ebuana odu ke ntre ndien owo oro mîdịghe Jew akabade edi okpono Abasi ke ido mme Jew ke idak odudu ediomi.

Ntre ye Christian, baptism emi etienede uyakidem anam n̄kpet n̄kpet itie ebuana odu ye Jehovah Abasi, Eyen esie Jesus Christ, ye edisana spirit. Owo oro akabarede esịt mi ọdiọn̄ọ odudu mmọ kiet kiet ke obufa uwem esie. Kere nte emi edide akpanikọ ye enyịn̄ mbita ẹmi kiet kiet.

Ebede ke ndidiọn̄ọ odudu Abasi, nnyịn imesịk ikpere enye inyụn̄ idụk ke itie ebuana ye enye. (Mme Hebrew 12:9; James 4:7, 8) Nnyịn imakabade idi inyene Abasi nte ifịn esie, ẹmi ẹkedepde ke ekọmurua uwa ufak Jesus Christ. (1 Corinth 3:23; 6:20) Apostle Paul ama asian mme Christian akpa isua ikie n̄ko ete ke mmọ ẹkenyene Jesus Christ, inyeneke owo ndomokiet oro ekemede ndidi enye akada akpanikọ ọsọk mmọ. (1 Corinth 1:12, 13; 7:23; men Matthew 16:24 domo.) Baptism ke enyịn̄ Eyen ọwọrọ ndidiọn̄ọ akpanikọ emi, ndinyịme Jesus nte “usụn̄ ye akpanikọ ye uwem.”—John 14:6.

Edisana spirit n̄ko edi akpan n̄kpọ ke nnennen itie ebuana nnyịn ye Jehovah ye Jesus Christ. Baptism ke enyịn̄ edisana spirit owụt ete ke nnyịn imọdiọn̄ọ udeme oro spirit enyenede ke mme edinam oro Abasi anamde ye nnyịn. Oyom nnyịn itiene ndausụn̄ esie, ifụmike enye m̀mê ndinam n̄kpọ ndibiọn̄ọ enye, ibiọn̄ọde enye ndida nnyịn nnam n̄kpọ. (Ephesus 4:30; 1 Thessalonica 5:19) Idaha spirit oro mîdịghe owo inọhọ mfịna ndomokiet ke nte ẹdade enye m̀mê nte ke se enye ọwọrọde, kpa nte edida ikọ oro “ke enyịn̄ ediomi” mînọhọ mfịna ke Ido Ukpono Jew.

Ke ntre, ke ini uyakidem ye baptism, oyom nnyịn ikere ke akam iban̄a se obufa itie ebuana nnyịn abuanade. Emi oyom nsụkibuot nnọ uduak Abasi, nte ẹwụtde ke uwụtn̄kpọ ye enọ ufak Jesus Christ, emi ẹnamde ẹbe ke edisana spirit nte enye adade kpukpru mme asan̄autom Abasi usụn̄ ke ima ye edidianakiet ke ofụri ererimbot.

    Mme N̄wed Ikọ Efịk (1982-2025)
    Wọrọ
    Dụk
    • Efịk
    • Share
    • Mek nte amade
    • Copyright © 2025 Watch Tower Bible and Tract Society of Pennsylvania
    • Nte Ẹkpedade Ikpehe Intanet Emi Ẹnam N̄kpọ
    • Ediomi
    • Privacy Settings
    • JW.ORG
    • Dụk
    Share