Mme Uyo Oro Ẹsọn̄ọde Se Ẹnịmde ke Akpanikọ

NTE isua ikie emi ekebede okosịmde utịt, mme uyo oro ẹsọn̄ọde ifiọk ntaifiọk, ukpepn̄kpọ akwaifiọk, ye mme edinam ererimbot ke ẹkebiat edinịm Abasi ke akpanikọ ye edida oro ẹdade odudu spirit Abasi ẹwet Bible.

Edi mmọ ikedịghe n̄kukụre uyo oro ẹkekopde. Ediwak mme anam ndụn̄ọde ẹma ẹkụt ke ẹkeme nditịn̄ ekese n̄kpọ ndisọn̄ọ edinịm Abasi ke akpanikọ utu ke unana edinịm Abasi ke akpanikọ. Ndụn̄ọde mmọ ẹma ẹnọ akpakịp uyarade n̄ko nte ke Bible edi Ikọ Abasi eke odudu spirit.

N̄wọrọnda uyo kiet ekedi C. T. Russell. Ediwak miliọn owo ẹma ẹkot n̄wed esie eke 1886 oro The Divine Plan of the Ages. Okopodudu ibuot kiet ke enye ekedi “Ẹsọn̄ọ Edidu Akakan Enyene-Ọniọn̄ Andibot.”

Ke ediwak isua oro ẹketienede, Russell ama ewet mme ibuotikọ, mme tract, ye mme n̄wed ẹmi ẹkenọde mme okopodudu ntak ndinịm Abasi ye Bible ke akpanikọ. Watch Tower Bible and Tract Society ekemịn̄ mmọemi. Udiana etieibuot esie, J. F. Rutherford, ama ewet Creation (1927) ye mme n̄wed eken ẹmi ẹkekade iso ndisọn̄ọ uyo oro adade ọnọ se ẹnịmde ke akpanikọ.

N̄ka oro ke ndondo emi omotịm ntọt efen efen emi edide eke idahaemi ke mme n̄kpọ ẹmi. Mme Ntiense Jehovah ẹkeme ndinọ fi utọ n̄wed oro man otịm anam ndụn̄ọde.

Edieke afo edimade ndinyene n̄kaiso ntọt m̀mê edimade owo edi edinịm ukpepn̄kpọ Bible mfọn ye afo, mbọk wet n̄wed nọ ẹsọk Watch Tower, P.M.B. 1090, Benin City, Edo State, mîdịghe nọ ẹsọk nnennen adres oro odude ke page 2.