NSIONDI EKE UKPEPN̄KPỌ

MME IBUOTIKỌ UKPEPN̄KPỌ

▪ Nyene Uko—Jehovah Odu ye Afo!

Ediwak owo oro ẹtịn̄de ẹban̄a ke N̄wed Abasi ẹma ẹnyene mbuọtidem ye uko. Edieke inemede se ikọwọrọde ndusụk mmọ, emi eyesịn udọn̄ ọnọ nnyịn ndinyene mbuọtidem ke Jehovah nnyụn̄ nnam n̄kpọ esie uko uko. Ibuotikọ emi eneme ibuotikọ isua 2013.

▪ Kûyak N̄kpọ Ndomokiet Adian̄ade Fi Ọkpọn̄ Jehovah

▪ Dọdiọn̄ San̄a Kpere Jehovah

Odu ediwak n̄kpọ emi nnyịn mîkemeke ndimemek, ndien emi esịne ete ye eka nnyịn, nditọeka nnyịn, ye ebiet emana nnyịn. Edi idịghe ntre ye ufan emi inamde ye Jehovah. Imekeme ndimek ndisan̄a n̄kpere enye m̀mê nditre ndisan̄a n̄kpere. Ibuotikọ mbiba emi ẹyeneme n̄kpọ itiaba emi nnyịn mîkpayakke ẹdian̄ade nnyịn ẹkpọn̄ Jehovah.

▪ Nte Ikpanamde N̄kpọ Abasi edi Ituaha N̄kpọfiọk

Enyene se kpukpru nnyịn ikanamde emi ituade n̄kpọfiọk iban̄a. Edi ikpanaha iyak utọ n̄kpọfiọk oro anam idem emem nnyịn ndinam n̄kpọ Abasi. Ke ibuotikọ emi, iyekpep nte ikemede ndikpebe apostle Paul emi akanamde n̄kpọ Jehovah edi ituaha n̄kpọfiọk.

▪ Mbiowo Ẹdi ‘Nsan̄autom Emi Ẹnamde Nnyịn Inyene Idatesịt’

Ke udiana leta oro Paul ekewetde ọnọ mbon Corinth, enye ama etịn̄ ke imọ ye mme n̄kpet n̄kpet nsan̄a imọ idi ‘nsan̄autom ndinam mmọ ẹnyene idatesịt.’ (2 Cor. 1:24) Didie ke ikọ Paul emi enen̄ede ebehe mbiowo? Ndien didie ke owo nnyịn kiet kiet ekeme ndinam esop enen̄ede okop idatesịt? Ẹyeneme mme ibọrọ mbụme emi ke ibuotikọ emi.