Mme Ntọt
◼ Mme n̄wed ẹnọde ke September: Kpukpru usem—Afo Emekeme Ndidu Uwem ke Nsinsi ke Paradise ke Isọn̄ (akamba udomo, ₦240; ekpri udomo, ₦120). Ẹkpenyene ndisịn ukeme nditọn̄ọ mme ukpepn̄kpọ Bible. October: Kpukpru usem—Editobo Awake! m̀mê Enyọn̄-Ukpeme. Sịn san̄asan̄a ukeme ndinịm mme magazine. Ẹkeme n̄ko ndinọ mme editobo ke mme mfiakn̄ka. November: Ikọmbakara—New World Translation of the Holy Scriptures ye n̄wed oro The Bible—God’s Word or Man’s? Yoruba—New World Translation of the Christian Greek Scriptures. Mme usem eken—N̄wed Mi eke Mme Mbụk Bible m̀mê Afo Emekeme Ndidu Uwem ke Nsinsi ke Paradise ke Isọn̄. TỊMFIỌK: Mme esop oro ẹdiyomde mme n̄wed ubịnikọt oro ẹsiakde ke enyọn̄ emi ẹkpenyene ndinọ eben̄e mmọ ẹdi ke Literature Order Form (S-14) eke ọfiọn̄ ke ọfiọn̄ mmọ efen.
◼ Esenyịn oro etiede ibuot m̀mê owo oro enye emekde ekpenyene ndidụn̄ọde ibatokụk esop ke September 1 m̀mê usọp usọp nte ekekeme ke oro ebede. Tọt esop ke ẹma ẹkenam emi.
◼ Ẹti mbiowo ndinam n̄kpọ mban̄a ntọt oro ẹkenọde ke page 21-23 ke Enyọn̄-Ukpeme eke April 15, 1991, kaban̄a owo ekededi oro ẹkesiode ẹfep m̀mê oro ẹkekpọn̄de esop ke idemmọ ẹmi ẹkemede ndinam n̄kpọ mban̄a edidi se ẹfiakde ẹda.
◼ Mme asuanetop oro ẹdiomide ndinam utom usiakusụn̄ unọ un̄wam ke October ẹkpenyene ndibabak nnọ n̄wed eben̄e mmọ. Emi eyen̄wam mbiowo ndinam mme ndutịm oro ẹyomde kaban̄a mme n̄wed ye efakutom.
◼ Mme N̄wed Ẹdude Idahaemi:
Hausa: Spirit Mme Akpan̄kpa—Nte Mmọ Ẹkeme Ndin̄wam Fi m̀mê Ndinọ Fi Unan? Nte Mmọ Ẹnen̄ede Ẹdu? Igala: Ndọn̄esịt Ẹnọde Mbon Mfụhọ (Tract Nọ. 20); Nso ke Mme Ntiense Jehovah Ẹnịm ke Akpanikọ? (Tract Nọ. 14); “Sese! Mmanam Kpukpru N̄kpọ Ẹdi Mbufa.” Ikọmbakara: N̄wed Mi eke Mme Mbụk Bible; Sing Praises to Jehovah (akamba udomo); Sing Praises to Jehovah (ẹmịn̄de ke ikpọ abisi); eboho Enyọn̄-Ukpeme (Ikọmbakara) eke 1985. Tiv: Afo Emekeme Ndidu Uwem ke Nsinsi ke Paradise ke Isọn̄. Yoruba: Questions Young People Ask—Answers That Work.
◼ Obufa Kaset Odude:
Ikọmbakara: Efọk Kingdom Melodies (otu esịnede kaset itiaita).
◼ Ke October 21, ẹyeberi okụre Bethel. Ntre, mbọk kûdi ndisan̄a n̄kanade m̀mê ndimen n̄wed ke usenọfiọn̄ emi.
◼ Ibatutom An̄wautom eke Ọfiọn̄ ke Ọfiọn̄: Ke utịtọfiọn̄ kiet kiet, ẹkpenyene ndida kad S-1 nnọ ibatutom an̄wautom esop eke ọfiọn̄ ke ọfiọn̄ ẹsọk ọfis ke eti ini. Edi ata akpan n̄kpọ ndiwet enyịn̄ esop ye ibat mme asuanetop ẹmi ẹnọde ibatutom ọfiọn̄ oro ke kad emi. Edieke ntọt emi mîdụhe, kad emi idinyeneke ufọn inọ nnyịn. Ẹkpenyene ndiwet mme nọmba ibatutom an̄wautom eken nte an̄wan̄ade: ofụri ibat n̄wed, n̄kpri n̄wed ye ndiye uduot n̄kpri n̄wed, hour, mme editobo, mme magazine kiet kiet, mme mfiakn̄ka, ye mme ukpepn̄kpọ Bible. N̄ko, ẹkpenyene ndiwet nọmba esop in̄wan̄în̄wan̄ ke kad emi. Emi eyenam edi mmemmem ndinọ kad emi ẹfiak ẹsọk esop oro enyenede edieke oyomde ẹnam ntre. Ọkpọfọn esenyịn oro etiede ibuot ye mbiowo eken ẹse kad ibatutom man ẹkụt ẹte ke ẹwet kpukpru ntọt oro ẹyomde ẹsịn ke kad emi, mbemiso ẹnọde ẹsọk N̄ka.