Mme Esoputom Eke May
Urua Ọtọn̄ọde May 6
Ikwọ 153 (225)
Min. 10: Mme ntọt n̄kann̄kụk. Dụn̄ọde “Ndi Mbufo Ẹma Ẹnam Enye ke April?”
Min. 15: “Nam ke Ofụri Esịt!” Mbụme ye ibọrọ. Nte ini ayakde, tịn̄ ban̄a “Points to Discuss as a Family” (Mme N̄kpọ Ndineme nte Ubon), ke Enyọn̄-Ukpeme (Ikọmbakara) eke October 15, 1981, page 25.
Min. 20: “Tịn̄ Akpanikọ nọ Mbọhọidụn̄ Fo.” Mbụme ye ibọrọ. Dụn̄ọde mme nneme ẹmi ẹnọde ekikere. Sịn udọn̄ nọ mbufa owo ndibuana ke edisuan magazine, ẹdade mbio mbio utịn̄ikọ nditọn̄ọ nneme. Nam nnamn̄wụt kiet m̀mê iba.
Ikwọ 148 (74) ye akam ediberi.
Urua Ọtọn̄ọde May 13
Ikwọ 63 (32)
Min. 5: Mme ntọt n̄kann̄kụk.
Min. 18: “Akananam Nnyịn Inyeneke Akpakịp N̄kpọ eke Spirit Ntem!” Mbụme ye ibọrọ. Dọhọ asuanetop iba m̀mê ita, esịnede uyen kiet, ẹtịn̄ ndusụk edidiọn̄ mmọ. Beri ke ndiwụt nte esịtekọm oro ọkọride-kọri onụkde nnyịn ndinam edisana utom ifịk ifịk.
Min. 22: “Mbono District ‘Mme Isụn̄utom Emem Abasi’ eke Mme Ntiense Jehovah eke 1996.” Ewetn̄wed edikụre ke mbụme ye ibọrọ. Ke ikpehe oro “Ẹyom Edidianakiet Fo,” dori nsọn̄uyo nte ke mme edumbet Bible ẹban̄ade edinam akpanikọ, n̄kopuyo, ima ima edikere mban̄a mbon en̄wen, ye ntre ntre eken, ẹnyene n̄kpọ ndinam ke kpukpru idaha ye mbon oro ẹdade itieidụn̄ oro N̄ka odiomide ẹnam n̄kpọ. Toro mbon oro ẹdianade kiet ye ndutịm itieidụn̄ N̄ka.
Ikwọ 193 (6) ye akam ediberi.
Urua Ọtọn̄ọde May 20
Ikwọ 126 (92)
Min. 10: Mme ntọt n̄kann̄kụk. Ntọt ibatokụk. Dụn̄ọde ndutịm oro ẹnamde ẹnọ utom an̄wautom ke utịturua emi. Sịn udọn̄ nọ kpukpru owo ndibuana ke edisuan magazine.
Min. 15: “Ka Iso Nditịn̄ Akpanikọ.” Dori nsọn̄uyo ke ufọn edinam mfiakn̄ka, ye utịtmbuba editọn̄ọ mme ukpepn̄kpọ. Dọhọ mbon oro ẹwụtde ata udọn̄ ẹnam editobo. Nam nnamn̄wụt iba.
Min. 20: “Nso ke Oyom Man Okop Inemesịt?” Utịn̄ikọ emi ọkọn̄ọde ke Enyọn̄-Ukpeme eke June 1, 1993, page 19-22.
Ikwọ 28 (5) ye akam ediberi.
Urua Ọtọn̄ọde May 27
Ikwọ 121 (68)
Min. 5: Mme ntọt n̄kann̄kụk.
Min. 15: Ndinọ Ifiọk Oro Adade Osịm Nsinsi Uwem ke June. Esenyịn utom ebem iso eneme ntak emi ẹkemịn̄de n̄wed Ifiọk. Ekem enye odụn̄ọde ndusụk akpan n̄kpọ oro ẹdude ke enye ye asuanetop iba m̀mê ita ẹmi ẹsọn̄de idem. N̄wed ọbọrọ mbụme oro ẹban̄ade ini iso nnyịn, ndutụhọ owo, Obio Ubọn̄ Abasi, ido uten̄e Abasi, uwem ubon, ye mme ufọn akam. Owo iba ke otu ẹnam usụn̄ oro ẹkemede ndida ntọn̄ọ ukpepn̄kpọ ẹwụt edide ke akpa ediwaha m̀mê ke mfiakn̄ka. Ekem esenyịn utom eneme mme n̄kpọ ẹtienede mi. Oyom ẹnịm ekese ukpepn̄kpọ Bible ẹmi ẹnyenede uforo ke ekpri ibio ini. Ẹketịm n̄wed emi san̄asan̄a ẹnọ uduak oro. Enye eneme akpanikọ ke in̄wan̄în̄wan̄, ibio ibio usụn̄. Mme mbụme ẹdude ke ikpehe ekikere kiet kiet, ọkọrọ ye ke utịt ibuot kiet kiet, ẹn̄wam nnyịn ndiwụk ntịn̄enyịn ke mme akpan n̄kpọ. N̄wed oro ẹsịne mme ibọrọ mbụme ẹmi ẹsibụpde mbufa mbon oro ẹyakde idem ẹnọ ẹmi ẹyomde ndina baptism. Sịn udọn̄ nọ kpukpru owo ndinam utom ye utịtmbuba editọn̄ọ mme ukpepn̄kpọ ke June.
Min. 10: Ekebe Mbụme. Kot nyụn̄ neme ye otuowo.
Min. 15: “Nte Afo Amanana Ini Akaha?” Mbụme ye ibọrọ. Nte ini ayakde, sịn se ẹtịn̄de ke Awake! eke June 8, 1990, page 14-16. Nam asuanetop kiet m̀mê iba ẹtịn̄ ibio ibio se mmọ ẹkenamde ke ndinam n̄kpọ uforo uforo ye ndutịm ukara Abasi emi ọyọhọde ye utom.
Ikwọ 155 (49) ye akam ediberi.