Mme Ntọt

◼ Mme n̄wed ẹnọde ke March: Ukpọhọde Inemesịt Ubon. April ye May: Editobo Enyọn̄-Ukpeme. Ke utom ufọturua ye ke efakutom oro ẹsinamde utom ndien ndien, ẹkeme ndikama obufa ediye uduot ekpri n̄wed oro, Nso ke Abasi Oyom Oto Nnyịn? June: Ifiọk Oro Adade Osịm Nsinsi Uwem. Nọ ntịn̄enyịn ke nditọn̄ọ mme ukpepn̄kpọ Bible. TỊM FIỌK: Mme esop oro ẹdiyomde mme n̄wed ubịnikọt oro ẹsiakde ke enyọn̄ emi ẹkpenyene ndinọ eben̄e mmọ ẹdi ke Literature Order Form (S-14) eke ọfiọn̄ ke ọfiọn̄ mmọ efen.

◼ Esenyịn oro etiede ibuot m̀mê owo en̄wen oro enye emekde ekpenyene ndidụn̄ọde ibatokụk esop ke March 1 m̀mê usọp usọp nte ekekeme ke oro ebede. Tọt esop ke ẹma ẹkenam emi.

◼ Ẹyenọ akpan utịn̄ikọ an̄wa ini Editi isua emi ke ata ediwak esop ke Sunday, April 6. Ibuotikọ utịn̄ikọ oro edi “Ẹsana Ẹbọhọ Mme N̄kpọ Ererimbot Ẹmi Ẹsabarede Owo.” Kpukpru nnyịn ikpenyene ndidụk, nnyịn ikponyụn̄ inyene ndin̄wam mbon ẹmi ẹnyenede udọn̄ ẹmi ẹkedụkde Editi ndidụk utịn̄ikọ oro. Ke akpanikọ se ikopde ayafiak edemerede ubiere nnyịn ndinem Abasi esịt.

◼ Ke kpukpru obio, ke nsio nsio ini ke isua, mme ini nduọkodudu ererimbot ẹsidu ẹmi ẹsinọde nditọwọn̄ ifet nditre ufọkn̄wed ye nduọkodudu ke utom idịbi udia. Mmọemi ẹnọ esop ata nti ifet ndinyene n̄kaiso ebuana ke utom ukwọrọikọ. Mbiowo ẹkpenyene ndibem iso nda n̄kụt mme ini ẹmi mme idaha ẹmi ẹdidude ẹnyụn̄ ẹtọt esop mme ndutịm oro ẹnamde kaban̄a edinọ ikọ ntiense otu ke mme ini nduọkodudu oro.