Mme Ntọt
◼ Mme n̄wed ẹnọde ke March: Ifiọk Oro Adade Osịm Nsinsi Uwem ke ₦55. Wụk ntịn̄enyịn ke nditọn̄ọ mme ukpepn̄kpọ Bible. April ye May: Kpukpru usem—Mme editobo Enyọn̄-Ukpeme ye Awake! June: Ekededi ke otu n̄wed oro ẹtienede mi oro enyenede page 192 emi esop enyenede ke itie ubon n̄wed: Edibọhọ Ndụk Obufa Isọn̄, Edikpañ Utöñ nö Aqua Andikpep, Inemesịt—Nte Ẹkemede Ndinyene Enye, Ndidiana Kiet ke Utuakibuot Ata Abasi Kierakiet, True Peace and Security—How Can You Find It?, Uyen Fo—Ndibọ Se Itịmde Ifọn Ikan Nto Enye, Worldwide Security Under the “Prince of Peace,” ye “Yak Obio Ubọn̄ Fo Edi.” TỊM FIỌK: Mme esop oro ẹdiyomde mme n̄wed ubịnikọt oro ẹsiakde ke enyọn̄ emi ẹkpenyene ndinọ eben̄e mmọ ẹdi ke Literature Order Form (S-14) eke ọfiọn̄ ke ọfiọn̄ mmọ efen.
◼ Mme asuanetop oro ẹyomde ndinam utom nte mme asiakusụn̄ unọ un̄wam ke April ye May ẹkpenyene ndinam ndutịm mmọ idahaemi ẹnyụn̄ ẹbabak ẹsịn eben̄e mmọ. Emi ayan̄wam mbiowo ndinam mme ndutịm an̄wautom oro oyomde ẹnyụn̄ ẹnyene mme magazine ye mme n̄wed oro ekemde. Ẹkpenyene nditọt enyịn̄ kpukpru owo oro ẹnọde unyịme ndinam utom usiakusụn̄ unọ un̄wam nnọ esop.
◼ Esenyịn oro etiede ibuot m̀mê owo en̄wen oro enye emekde ekpenyene ndidụn̄ọde ibatokụk esop ke March 1 m̀mê usọp usọp nte ekekeme ke oro ebede. Tọt esop ke ẹma ẹkenam emi.
◼ Mme esop ẹkpenyene ndinam ndutịm oro ẹdotde ndinịm Editi isua emi ke Saturday, April 11, ke utịn ama okosụhọde. Okposụkedi ẹkemede ndibak ntọn̄ọ utịn̄ikọ, edimen mme n̄kpọ idiọn̄ọ Editi nsan̄a n̄kanade ikpenyeneke nditọn̄ọ ibọhọke ke utịn ama okosụhọde. Ẹdụn̄ọde ye itieutom n̄kann̄kụk man ẹbiere ini utịn esisụhọrede ke edem mbufo. Okposụkedi esop kiet kiet akpamade ndinịm usọrọ Editi esie, emi ekeme ndidi ididịghe mmemmem n̄kpọ kpukpru ini. Ke ebiet emi ediwak esop ẹsidade Ufọkmbono Obio Ubọn̄ ẹnam n̄kpọ, ndusụk esop kiet m̀mê awakde akan oro ekeme ndibọ itie efen ndida nnam n̄kpọ ke mbubịteyo oro. Editi ikpọtọn̄ọke ke ata idiọk ini tutu eyedi se mîfereke inọ mbufa mbon oro ẹnyenede udọn̄ ndidụk. Ndutịm ikpafahake ikaha tutu ini idụhe ndikọm isenowo mbemiso m̀mê ke ẹma ẹkekụre edinam, ndinam mme ndutịm kaban̄a n̄kaiso un̄wam eke spirit nnọ mbon ẹnyenede udọn̄, m̀mê ndidara nsịnudọn̄ ofụri owo. Ke ẹma ẹkekere ọyọhọ ọyọhọ ẹban̄a kpukpru n̄kpọ oro ẹbuanade, mbiowo ẹkpenyene ndibiere m̀mê mme ndutịm ewe ẹdinam mbon oro ẹdụkde Editi ẹbọ ufọn ọyọhọ ọyọhọ ẹto edinam oro.
◼ Ọtọn̄ọde ke January 1, 1998, owo iditịn̄ke iban̄a Mme Itie Mbono nnyịn ntre. Ẹkot mme itie ẹmi Ufọk Mbono idahaemi.