Mme Ntọt

◼ Mme n̄wed ẹnọde ke January: Ikọmbakara—San̄asan̄a edinọ otu n̄wed iba ke ₦40 ye n̄wed inan̄ ke ₦80 emi ẹketobode ẹto n̄kọk itieutom nte ẹkewụtde ke leta nnyịn eke March 23, 1998. N̄ko, ẹkeme ndinọ n̄wed ekededi ẹnyenede page 192 ke usem ekededi oro esop ekemede ndinyene ke san̄asan̄a etịbe edide ₦20, ke ẹsiode Ẹtịm Man Inam Utom Nnyịn Ima, Ifiọk Oro Adade Osịm Nsinsi Uwem, Ñwed-item Ufök-ñwed Utom Ukara-Abasi, ye Ukpọhọde Inemesịt Ubon, ẹfep. Ẹkeme ndibọ mmọ ẹmi ke isọn nte ẹkewụtde ke leta nnyịn. February: Ukpọhọde Inemesịt Ubon. Se ẹnọde ke ukpụhọ: Akani n̄wed ekededi oro enyenede page 192 oro ẹnyenede. March: Ifiọk Oro Adade Osịm Nsinsi Uwem. Se ẹnọde ke ukpụhọ: N̄wed efen ekededi oro enyenede page 192 ke etịbe oro ẹsinọde. Ẹyesịn san̄asan̄a ukeme nditọn̄ọ mme ukpepn̄kpọ Bible. April: Kpukpru usem—Editobo Enyọn̄-Ukpeme ye Awake! Kama ediye uduot ekpri n̄wed Oyom kaban̄a mbon oro ẹnyenede udọn̄, nyụn̄ domo nditọn̄ọ mme ukpepn̄kpọ Bible.

◼ Ẹyenọ kpukpru asuanetop ẹmi ẹma ẹkena baptism ẹmi ẹdụkde Esoputom ke urua January 4 kad Advance Medical Directive/Release ye Identity Card ndida nnọ nditọ mmọ.

◼ Ọtọn̄ọde ke February, ndien ibịghike ikan March 1, obufa utịn̄ikọ an̄wa mme esenyịn circuit edidi “Didie ke Abasi Edi Ata Owo ọnọ Fi?”

◼ Mme esop ẹkpenyene ndinam mme ndutịm ndinịm Editi eke isua emi ke Thursday, April 1, ke utịn ama okosụhọde. Okposụkedi ẹkemede ndibak ntọn̄ọ utịn̄ikọ, edimen mme n̄kpọ idiọn̄ọ Editi nsan̄a n̄kanade ikpenyeneke nditọn̄ọ ibọhọke ke utịn ama okosụhọde. Ẹdụn̄ọde ke n̄kann̄kụk man ẹbiere ini utịn esisụhọrede ke n̄kan̄ mbufo. Okposụkedi esop kiet kiet akpamade ndinịm usọrọ Editi esie, emi ekeme ndidi ididịghe mmemmem n̄kpọ kpukpru ini. Ke ebiet emi ediwak esop ẹsidade Ufọkmbono Obio Ubọn̄ kiet ẹnam n̄kpọ, ndusụk esop kiet m̀mê awakde akan oro ẹkeme ndibọ itie efen ndida nnam n̄kpọ ke mbubịteyo oro. Ke ebiet ẹkemede, nnyịn ikpọnọ ekikere ite ẹnọ ke nsụhọde n̄kaha minit 40 mbemiso ndutịm efen ọtọn̄ọde man ini odu ndikọm isenowo, ẹsịn udọn̄ ẹnọ mbon oro ẹnyenede udọn̄, ẹnyụn̄ ẹbọ ufọn ọyọhọ ọyọhọ ẹto edinam oro. Ẹkpenyene ndikere n̄ko mban̄a mme mfịna n̄kpọisan̄ ke usụn̄ ye itie ubon moto, esịnede edisụk ye edimen mme akaisan̄. Otu mbiowo ẹkpenyene ndibiere m̀mê ndutịm ewe ẹdifọn ikan ke n̄kann̄kụk.

◼ Ẹyenọ akpan utịn̄ikọ ini Editi eke 1999 ke Sunday, April 18. Ibuotikọ utịn̄ikọ oro edidi “Ata Itie Ufan ye Abasi ye Mbọhọidụn̄.” Ẹyenọ n̄wed utịn̄ikọ. Mme esop oro ẹnyenede edidi esenyịn circuit, mbono circuit, m̀mê usen akpan mbono ke utịturua oro ẹdinọ akpan utịn̄ikọ oro ke urua oro ẹtienede. Esop ndomokiet ikpenyeneke ndinọ akpan utịn̄ikọ oro mbemiso April 18, 1999.

◼ Ọtọn̄ọde ke February 1, 1999, ẹdikpep ediye uduot ekpri n̄wed Nso Itịbe inọ Nnyịn ke Ini Nnyịn Ikpade? ke Ukpepn̄kpọ N̄wed Esop.