Mme Esoputom Eke January
Urua Ọtọn̄ọde January 4
Ikwọ 36
Min. 15: Mme ntọt n̄kann̄kụk. Mme Ntọt ẹsatde-sat ẹto Utom Obio Ubọn̄ Nnyịn. Edieke ẹkekpụhọrede mme ini mbono esop ke January 1, ti kpukpru owo ẹda mme n̄wedikot oro ẹwụtde obufa ndutịm ẹnam n̄kpọ. Dụn̄ọde “Obufa Ndutịm Usen Akpan Mbono.”
Min. 10: “Ẹkûbọp Idem Utịn̄e-Utịn̄e.” Utịn̄ikọ emi ebiowo ọnọde, ọkọn̄ọde ke Enyọn̄-Ukpeme eke November 15, 1995, page 31.
Min. 20: Kad Advance Medical Directive/Release. Ke mbono esop emi asuanade, ẹyenọ Mme Ntiense oro ẹma ẹkena baptism obufa kad, ndien mbon oro ẹnyenede n̄kpri nditọ oro mînaha baptism ẹyebọ Identity Card ẹnọ eyen kiet kiet. Owo inyeneke ndiwet n̄kpọ nyọhọ mme kad ẹmi mbubịteyo emi. Ẹnyene ndiwet n̄kpọ ye ntịn̄enyịn nyọhọ mmọ ke ufọk edi OWO INYENEKE ndisịn ubọk. Ẹdisịn ubọk, ẹtie ntiense, ẹnyụn̄ ẹsịn usenọfiọn̄ ke kpukpru kad ke Ukpepn̄kpọ N̄wed Esop en̄wen asuanade, ke idak ndausụn̄ ada ukpepn̄kpọ n̄wed. Mbemiso esịnde ubọk, kụt ete ke ẹwet n̄kpọ ẹyọhọ kad emi ofụri ofụri. Mbon ẹmi ẹsịnde enyịn̄ nte mme ntiense ẹkpenyene ndinen̄ede n̄kụt nte andinyene kad esịnde ubọk ke n̄wed oro. Ebede ke ndida ikọ nto kad emi nnam ekekem ye mme idaha ye se mmọ ẹnịmde ke akpanikọ, mme asuanetop oro mînaha baptism ẹkeme ndiwet ndausụn̄ eke idem mmọ oro mmọ ye nditọ mmọ ẹkemede ndida nnam n̄kpọ. Mme ada ukpepn̄kpọ n̄wed ẹkpenyene ndinịm n̄wed enyịn̄ mme owo man ẹkụt ẹte ke kpukpru owo oro ẹdude ke otu mmọ ẹbọ un̄wam oro mmọ ẹyomde ke ndiwet n̄kpọ nyọhọ kad Advance Medical Directive/Release. Man ẹnyene mfọnn̄kan ukpeme eke ibet, ẹnyene ndiwet n̄kpọ nyọhọ n̄wed emi. Esịne-esịt Utom Obio Ubọn̄ Nnyịn eke August 1994, ke idak ibuotikọ oro “Mme Akpan Usio-Ukot—Nte Afo Amanam Mmọ Kan̄a?” ikpehe ekikere 8 ye 9 ọdọhọ ete: “Kụt ete ke kpukpru owo ẹkama kad ẹmi ye mmọ KPUKPRU INI. Se m̀mê nditọ fo ẹkama mmọ mbemiso ẹkade n̄wed ke usen kiet kiet, ih, idem mbemiso mmọ ẹwọrọde ẹka an̄wambre. Kpukpru nnyịn ikpenyene ndikụt nte ke kad emi odu ye nnyịn ke itieutom, ke ini idude ke nduọkodudu, m̀mê ke idụkde mbono Christian. Ẹkûdede ẹtre ndikama mmọ! “Kere ban̄a se ikemede nditịbe nnọ fi edieke afo okposịmde ubet unọ mbabuat usọbọ ke ufọkibọk ke ata idiọk idaha, emi mûfiọkke idem unyụn̄ ukemeke nditịn̄ ikọ idemfo. Edieke kad emi mîdụhe ye afo, ndien iman fo m̀mê ebiowo ekededi idụhe kan̄a ke ufọkibọk nditịn̄ ikọ ke ibuot fo, ndien ẹsịm ubiere nte ke afo ‘omoyom iyịp,’ anaedi afo ọyọbọ edikịm iyịp nsịn ke idem. Ke mfụhọ, emi ama etịbe ọnọ ndusụk owo. Edi ke ini nnyịn ikamade kad emi, enye eyetịn̄ ikọ ke ibuot nnyịn, etịn̄de uduak nnyịn.” Ediwak mme dọkta oro ẹdianade kiet ke Nigeria ẹkpono kad Medical Directive/Release idahaemi. Mmọ ẹben̄e ẹte nditọete nnyịn ẹkama kad oro man ẹkeme ndidiọn̄ọ mmọ idem ke mme mbabuat idaha.
Ikwọ 61 ye akam ediberi.
Urua Ọtọn̄ọde January 11
Ikwọ 88
Min. 10: Mme ntọt n̄kann̄kụk. Tịn̄ ban̄a ndutịm an̄wautom oro ẹnamde ẹnọ January.
Min. 20: Ndi Afo ke Odụn̄ọde N̄wed Abasi ke Usen ke Usen? Utịn̄ikọ ye nneme otuowo. Ke isua kiet kiet N̄ka esinọ ekpri n̄wed Ẹdụn̄ọde N̄wed Abasi. Ndi afo nte owo kiet kiet m̀mê nte otu ubon emesida n̄wed emi anam n̄kpọ nte ọfọnde? Nam nti ntak ẹdude an̄wan̄a emi akpanamde nnyịn isikere iban̄a itien̄wed eke usen kiet kiet. Neme mme utịn̄ikọ ẹtode mbemiso ikọ ke eke Ẹdụn̄ọde N̄wed Abasi ke Usen ke Usen—1999, page 3-4. Dọhọ mme asuanetop ẹbụk san̄asan̄a ukeme oro mmọ ẹsịnde ndikere mban̄a itien̄wed ye mme utịn̄ikọ eke usen ke usen kpukpru ini nte owo kiet kiet ye nte mme ubon.
Min. 15: “‘Ẹme Ime.’” Nneme ke ufọt mme andibuana ke ubon. Mmọ ẹdụn̄ọde mme usụn̄ oro mmọ ẹkemede ndime ime ke udomo okponde akan ke utom ukwọrọikọ mmọ. Sịn mme utịn̄ikọ oro ẹdotde ẹtode Enyọn̄-Ukpeme eke June 15, 1995, page 12.
Ikwọ 135 ye akam ediberi.
Urua Ọtọn̄ọde January 18
Ikwọ 169
Min. 10: Mme ntọt n̄kann̄kụk. Ntọt ibatokụk.
Min. 10: Mme udọn̄ n̄kann̄kụk.
Min. 10: “Mme Esenyịn Oro Ẹdade Usụn̄—Mme Ada Ukpepn̄kpọ N̄wed Esop.” Utịn̄ikọ emi ada ukpepn̄kpọ n̄wed emi enịmde eti uwụtn̄kpọ ọnọde, emi odụn̄ọrede mme utom esie. Enye owụt nte utọ utom oro etịpde esịn ke n̄kọri ye mfọnọn̄kpọ eke spirit esop. Sịn mme akpan utịn̄ikọ ẹtode Ẹtịm Man Inam Utom Nnyịn Ima, page 43-45, 74-76.
Min. 15: “Nditọn̄ọ Mme Ukpepn̄kpọ ke Ediye Uduot Ekpri N̄wed Oyom.” Ẹdikere iban̄a ke mbụme ye ibọrọ.
Ikwọ 197 ye akam ediberi.
Urua Ọtọn̄ọde January 25
Ikwọ 201
Min. 10: Mme ntọt n̄kann̄kụk.
Min. 20: “Ke Inua Nseknditọ.” Utịn̄ikọ emi ebiowo ọnọde, ọkọn̄ọde ke Enyọn̄-Ukpeme eke January 1, 1995, page 24-26.
Min. 15: “Ukpụhọde ke Ibat Hour Oro Ẹyomde Ẹto Mme Asiakusụn̄.” Utịn̄ikọ emi ebiowo ọnọde. Toro mme asiakusụn̄ ke esop, nyụn̄ sịn udọn̄ nọ mme asuanetop efen efen ndidụk utom usiakusụn̄ unọ un̄wam ye eke ofụri ini, ẹnyenede utom efen efen ke mme ọfiọn̄ March, April, ye May ke ekikere. Sịn ntọt otode mme esịne-esịt Utom Obio Ubọn̄ Nnyịn eke February 1997 ye July 1998.
Ikwọ 225 ye akam ediberi.