Mme Ntọt
◼ Mme n̄wed ẹnọde ke October: Kpukpru usem—Editobo Enyọn̄-Ukpeme ye Awake! Magazine ikaba ke ọfiọn̄ ke isua kiet: ₦320; ukpeusụn̄, ₦450. Eke ọfiọn̄ ke ọfiọn̄ ke isua kiet m̀mê eke ikaba ke ọfiọn̄ ke ọfiọn̄ itiokiet: ₦160; ukpeusụn̄, ₦225. November: Nso ke Abasi Oyom Oto Nnyịn? mîdịghe Ifiọk Oro Adade Osịm Nsinsi Uwem. December: Ifiọk Oro Adade Osịm Nsinsi Uwem. January: N̄wed ekededi oro enyenede page 192 emi ẹkemịn̄de mbemiso 1986 emi esop enyenede ke itie unịm n̄wed. Mme esop oro mînyeneke mme utọ n̄wed ẹmi ẹkeme ndinọ Life—How Did It Get Here? By Evolution or by Creation? mîdịghe Afo Emekeme Ndidu Uwem ke Nsinsi ke Paradise ke Isọn̄.
◼ Esịne-esịt ke nsiondi Utom Obio Ubọn̄ Nnyịn emi edi “Ndutịm Ufọkn̄wed Utom Ukara Abasi eke 2000” ndien ẹkpenyene ndinịm man ẹda ẹnam n̄kpọ ke ofụri isua 2000.
◼ Edieke mme ini mbono esop mbufo ẹdikpụhọde ke January 1, ekeme ndiyom ẹtobo mbufa n̄wedikot man ẹwụt mme ini mbono esop ẹmi ẹkpụhọrede mi.
◼ Kaban̄a utom usiakusụn̄, ẹnọ mme n̄kpọ editi ẹmi ẹtienede mi:
○ Ẹkpenyene ndinọ ntọt ke esop ke ini asiakusụn̄ ofụri-ini etrede utom usiakusụn̄ esie. Ẹkeme ndinọ ntọt oro ibio ibio ntem: “Emi edi ndinam esop ọfiọk nte ke [enyịn̄] inamke utom aba nte asiakusụn̄ ofuri-ini.”
○ Ibat hour eke isua ke isua oro ẹyomde ẹto mme asiakusụn̄ ofuri-ini edi hour 840.
○ Ofụri isua kiet enyene ndibe ke etienede nsuannọ m̀mê edifiak nda nsịn ke esop mbemiso ẹnyịmede owo anam utom usiakusụn̄ unọ un̄wam m̀mê eke ofụri-ini.—Se esịne-esịt Utom Obio Ubọn̄ Nnyịn, eke September 1986, ikpehe ekikere 21 ye 23.
◼ Man ẹnam enen̄ede emem N̄ka utom ndise mban̄a mme leta fo, afo ekpenyene ndinam se itienede ẹmi: (1) Wet enyịn̄ fo ye adres ke enyọn̄ mben nnasia leta fo. (2) Sịn ubọk ke utịt leta fo, nyụn̄ wet enyịn̄ fo ke idak itie oro esịnde ubọk sia ekemede ndidi nnyịn idifiọkke m̀mê ndikeme ndikot edisịn ubọk oro afo esịnde. Owo isidaha mme leta oro owo mîsịnke ubọk m̀mê oro owo mîwetke enyịn̄ ke akpan n̄kpọ sia owo mîfiọkke m̀mê edi akpanikọ. Edieke edide atataip leta fo, afo ukpenyeneke nditaip enyịn̄ fo kpọt ke idak oro, koro owo ekededi ekeme nditaip leta onyụn̄ ataip enyịn̄ fo ke utịt. Afo ekpenyene ndisịn ubọk ke enyọn̄ enyịn̄ oro ataipde. Mbemiso ọnọde leta ekededi ẹsọk N̄ka, mbọk fiak se enye ọyọhọ ikaba ndikụt ke amanam n̄kpọ iba ẹtịn̄de ke enyọn̄ emi.