Mme Esoputom Eke October

TỊM FIỌK: Utom Obio Ubọn̄ Nnyịn oyodiomi Esoputom ọnọ urua kiet kiet ke ini mbono. Mme esop ẹkeme ndinam mme ukpụhọde nte ẹyomde man ẹyak ufan̄ ẹnọ edidụk Mbono District “Ntịn̄nnịm Ikọ Abasi” ndien ekem ẹnam ufan̄ ẹnọ ndụn̄ọde eke minit 30 ke mme akpan n̄kpọ eke ndutịm ke Esoputom eke urua oro etienede. Ẹkpenyene ndibabak nyak ndụn̄ọde eke usen ke usen ke ndutịm mbono nnọ nditọete ita oro ẹdotde ẹmi ẹdikemede ndiwụk ntịn̄enyịn ke mme n̄wọrọnda akpan n̄kpọ. Ndụn̄ọde emi ẹma ẹketịm idem mfọn mfọn mi ayan̄wam esop nditi mme akpan n̄kpọ ẹdidade ẹsịn ke edinam ọkpọkpọ ye ke an̄wautom. Mme utịn̄ikọ ẹtode otuowo ye mme ifiọkutom ẹnọde ẹkpenyene ndidi mbio mbio ẹnyụn̄ ẹsio akpan n̄kpọ ẹwụt.

Urua Ọtọn̄ọde October 4

Ikwọ 147

Min. 10: Mme ntọt n̄kann̄kụk. Mme Ntọt ẹsatde-sat ẹto Utom Obio Ubọn̄ Nnyịn.

Min. 15: “Ndinam N̄kpọ Mban̄a Udọn̄ Oro Ẹkụtde—Akpan N̄kpọ ke Ndinam Mme Mbet.” Da se isụhọrede ikan minit kiet ke ntọn̄ọikọ, ekem neme ke mbụme ye ibọrọ.

Min. 20: “Buana ke Ubịnikọt Editobo Oro Okụtde Unen.” Mbụme ye ibọrọ emi esenyịn utom edisede aban̄a. Sịn udọn̄ nọ mme asuanetop ndinịm utịtmbuba eke edinọ mme editobo. Sọn̄ọ tịn̄ ufọn ediwet n̄kpọ nte enende nyọhọ mme babru editobo ye edinọ enye aka ye unana ubiatini.

Ikwọ 130 ye akam ediberi.

Urua Ọtọn̄ọde October 11

Ikwọ 194

Min. 10: Mme ntọt n̄kann̄kụk ye mme ifiọkutom an̄wautom.

Min. 15: Mme udọn̄ n̄kann̄kụk.

Min. 20: Nyene Udọn̄ ke Magazine! Siak ofụri ibat magazine oro esop ekenịmde ke ọfiọn̄ oko. Didie ke ẹkeme ndimen emi ndomo ye ibat emi ẹkebọde ẹto N̄ka? Edieke akamba ukpụhọde odude, nso ke oyom ẹnam? Dọhọ otuowo etịn̄ aban̄a se itienede mi: (1) Asuanetop kiet kiet ekpenyene nditobo magazine oro ekemde onyụn̄ odotde. (2) Da kpukpru Saturday nte Usen Magazine. (3) Diomi ọkpọkpọ ndutịm utom fo sịn edika utom unọ magazine ke kpukpru ọfiọn̄. (4) Nam ndutịm ndinam unọ ikọ ntiense ido nneme efen efen adade mme magazine nditọn̄ọ nneme. (5) Da mme san̄asan̄a ibuotikọ sọk mme anam mbubehe ye nta ubọkọkọ emi enen̄erede etie nte ẹyenyene udọn̄ ke mmọ. (6) Nịm nnennen n̄wetnnịm n̄kpọ ban̄a ibat magazine oro ekenịmde, nyụn̄ tọn̄ọ afan̄ magazine, adade mme nsiondi eke ndondo emi afiak aka kpukpru ini. (7) Da n̄kani magazine ekededi nam n̄kpọ ke eti usụn̄ mbak mmọ ẹdibono ẹwak. Wụt mme nsiondi magazine eke ndondo emi, nyụn̄ wụt mme ibuotikọ oro ẹkemede ndidemede udọn̄. Nam akwa owo ye uyen, mmọ kiet kiet, ẹnam ẹwụt ibio ibio nte ẹkemede ndinọ magazine.—Se esịne-esịt Utom Obio Ubọn̄ Nnyịn eke March 1996.

Ikwọ 105 ye akam ediberi.

Urua Ọtọn̄ọde October 18

Ikwọ 196

Min. 10: Mme ntọt n̄kann̄kụk. Ntọt ibatokụk.

Min. 15: “Nte Afo Ọmọn̄ Ọwọrọ Idụn̄?” Utịn̄ikọ nsịnudọn̄ emi ewetn̄wed ọnọde. Ke ini mme asuanetop ẹkụtde ke oyom mmimọ iwọrọ ika esop en̄wen, edi akpan n̄kpọ mmọ nditịm nsụhọde ntie ke obufa n̄kann̄kụk mmọ man ẹfep iduọ ekededi ke n̄kan̄ eke spirit. Sọn̄ọ tịn̄ ufọn ndinam mbiowo ẹdiọn̄ọ ẹban̄a mme utọ ndutịm oro nnyụn̄ nyom un̄wam nto mmọ ke ndisobo ye obufa esop emi.

Min. 20: “Nte Ẹkemede Nditịm Nnyene Idatesịt Nto Mme Mbono Esop.” Mbụme ye ibọrọ. Siak mme akpan uwụtn̄kpọ ke nte nnyịn ikemede ndiwụt edikere mban̄a nnyụn̄ ndi n̄kpọ nsịnudọn̄ nnọ kiet eken ke mme mbono esop. Dọhọ otuowo obụk mme uwụtn̄kpọ ẹtode mme ifiọk n̄kpọntịbe eke idem mmọ.

Ikwọ 152 ye akam ediberi.

Urua Ọtọn̄ọde October 25

Ikwọ 179

Min. 15: Mme ntọt n̄kann̄kụk. N̄wam kpukpru owo ẹtịm idem ndinọ ediye uduot ekpri n̄wed Oyom mîdịghe n̄wed Ifiọk ke November. Nam an̄wan̄a nte ẹkemede nditịm nneme oro ọkọn̄ọde ke mbụme emi, “Ndi Abasi esibọrọ akam?” Da mme n̄kpọ to ukpepn̄kpọ 7 ke ediye uduot ekpri n̄wed Oyom mîdịghe ke ibuot 16, ikpehe ekikere 12-14, ke n̄wed Ifiọk. Nam mmemmem nnamn̄wụt emi ẹsịnde itien̄wed kiet.

Min. 15: Ndiyom Mme Ibọrọ nnọ Mme Mbụme Bible. Asuanetop emi okosobode owo oro ekenyenede udọn̄ emi okobụpde mbụme Bible aka ebịne asan̄autom unamutom. Utu ke ndinọ ibọrọ, asan̄autom unamutom anam an̄wan̄a nte ẹkemede ndikụt ibọrọ. Akpa, enye odụn̄ọde mme ekikere ẹkụtde ke Ñwed-item Ufök-ñwed, ukpepn̄kpọ 7, ikpehe ekikere 8-9. Ekem, mmọ ẹdụn̄ọde mbụme oro ẹwakde ndibụp ke efakutom n̄kann̄kụk ọtọkiet. Mmọ ẹse mme akpan n̄wed ndụn̄ọde ẹmi ẹnyenede n̄kpọ ndinam ye ibuot nneme oro ẹnyụn̄ ẹyom mme n̄kpọ ẹnamde ẹnịm oro ẹnamde akpan ibọrọ mbụme Bible emi an̄wan̄a. Sịn udọn̄ nọ otuowo ndinam utọ akama-utịp ukpepn̄kpọ emi ke ndidụn̄ọde mban̄a mme mbụme Bible.

Min. 15: Mme Utịtmbuba Oro Nnyịn Ikemede Ndinịm. Utịn̄ikọ ye nneme otuowo. Dụn̄ọde mme utịtmbuba oro ẹnyenede ufọn ẹmi ẹwụtde ke ekebe oro odude ke page 11 ke Enyọn̄-Ukpeme eke March 15, 1997. Sịn udọn̄ nọ edibuana ke usiakusụn̄ unọ un̄wam m̀mê utom usiakusụn̄ ofụri ini. Nam an̄wan̄a nte edisịm mme utịtmbuba ẹmi ẹkemede ndinyene ọkpọkpọ ufọn nnọ nnyịn. Dọhọ otuowo obụk ndusụk idatesịt oro mmọ ẹkenyenede ke ini mmọ ẹkekemede ndisịm ndusụk utịtmbuba eke ukara Abasi.

Ikwọ 151 ye akam ediberi.