Ndutịm Esoputom

TỊM FIỌK: Ọtọn̄ọde ke nsiondi Utom Obio Ubọn̄ Nnyịn emi, Ndutịm Esoputom eyesịne ndutịm akpa Esoputom eke ọfiọn̄ oro editienede. Ẹnam edinen̄ede emi ke ntak ubiatini oro ekemede ndidu ke ndibọ Utom Obio Ubọn̄ Nnyịn.

Urua Ọtọn̄ọde December 6

Ikwọ 207

Min. 10: Mme ntọt n̄kann̄kụk. Mme Ntọt ẹsatde-sat ẹto Utom Obio Ubọn̄ Nnyịn. Dụn̄ọde “Obufa Ndutịm Mbono Circuit.” Tọt usenọfiọn̄ mbono circuit efen. Sịn udọn̄ nọ mbufa owo ẹkere ẹban̄a ndina baptism. Sịn udọn̄ nọ kpukpru owo ndidụk kpukpru ikpehe edinam.

Min. 15: “Kpebe Unana Asari Jehovah.” Da se isụhọrede ikan minit kiet ke ntọn̄ọikọ, ekem neme ke mbụme ye ibọrọ. Nam an̄wan̄a se unana asari edide, nte Jehovah mînamke asari, ye nte nnyịn ikemede ndiwụt unana asari ke utom ukwọrọikọ nnyịn.—Se Insight, Eboho 1, page 1192, ikpehe ekikere 4-7.

Min. 20: “Nte Nnyịn Ikokopke Oro ke Mbemiso?” Utịn̄ikọ ye nneme otuowo. Dọhọ otuowo etịn̄ nte edifiak ntịn̄ an̄wamde mmọ ndifiọk nnyụn̄ n̄wụt esịtekọm ọyọhọ ọyọhọ nnọ akpanikọ.—Se Enyọn̄-Ukpeme, July 15, 1995, page 21-22, ye August 15, 1993, page 13-14, ikpehe ekikere 10-12.

Ikwọ 218 ye akam ediberi.

Urua Ọtọn̄ọde December 13

Ikwọ 39

TỊM FIỌK: Nnyịn idiomike n̄kpọ ndomokiet ke ndutịm Esoputom inọ urua emi. Emi edi koro ẹdiomide san̄asan̄a ndutịm ẹnọ urua emi. Ẹyenọ ọyọhọ ntọt ke ini iso. Ẹsịn udọn̄ ẹnọ kpukpru owo ndidu kaban̄a ndutịm emi. Mme esop ẹmi ẹnyenede mbono district ke urua emi ẹkpenyene ndise mban̄a ndutịm emi ke urua oro editienede.

Ikwọ 8 ye akam ediberi.

Urua Ọtọn̄ọde December 20

Ikwọ 219

Min. 15: Mme ntọt n̄kann̄kụk. Ntọt ibatokụk. Nọ ekikere ke nte ẹkpenamde n̄kpọ ye mbufiọk ẹban̄a mme ekọm ini nduọkodudu. Edieke esop enyenede n̄wed Akakan Owo m̀mê Akwa Andikpep, wụt nte ẹkemede ndida enye nnam n̄kpọ nte ọfọnde ke utom ukwọrọikọ ke ini nduọkodudu Christmas.

Min. 13: Ndibọrọ Mbon Ẹmi Ẹkemede Nditre Nneme. Nneme otuowo ye mme nnamn̄wụt. Kot “Ekikere Ẹnọdẹ” ke page 7-8 ke ekpri n̄wed Nte Ẹkpetọn̄ọde Ẹnyụn̄ Ẹkade Iso ke Nneme Bible. Sio usụn̄ ‘utre nneme’ iba m̀mê ita wụt ke page 16-20, mîdịghe da mbon eken ẹmi ẹwakde ndisobo ndien ndien ke efakutom mbufo. Dụn̄ọde ndusụk ibọrọ oro ẹnọde ekikere ẹban̄a, nyụn̄ dụn̄ọde ntak emi mmọ ẹkemede ndinyene uforo ke n̄kann̄kụk. Nam ifan̄ ke otu mmọ wụt ibio ibio. Dọhọ otuowo ẹtịn̄ mme ibọrọ oro mmọ ẹsikamade ye nti utịp.

Min. 17: Nte N̄kpanam Utom Emi Abuanade Esop Ido Ukpono? Utịn̄ikọ emi ebiowo ọnọde, ọkọn̄ọde ke Enyọn̄-Ukpeme eke April 15, 1999, page 28-30. Ndusụk owo ẹma ẹnyịme ndinam utọ utom oro ndien ke ukperedem ẹdikụt nte ke se mmimọ ikanamde ikodụhe ke n̄kemuyo ye mme edumbet Bible. Dụn̄ọde mme mbụme ẹmi oyomde nnyịn ikere iban̄a ke ini inamde ubiere iban̄a ndinam utom idịbi udia emi enyenede ndusụk ebuana ye ido ukpono. Sịn udọn̄ nọ kpukpru owo ndibịne usụn̄ oro edinamde inyene eti idaha ye Jehovah.—2 Cor. 6:3, 4, 14-18.

Ikwọ 109 ye akam ediberi.

Urua Ọtọn̄ọde December 27

Ikwọ 166

Min. 5: Mme ntọt n̄kann̄kụk. Ti kpukpru owo ndinọ ibatutom an̄wautom eke December.

Min. 10: “Ufọkn̄wed Utom Ukara Abasi eke 2000.” Utịn̄ikọ emi esenyịn Ufọkn̄wed Utom Ukara Abasi ọnọde. Dụn̄ọde mme ukpụhọde ẹmi ẹtienede mi ke ndutịm eke obufa isua. Utịn̄ikọ No. 3 edikọn̄ọ ke “Mme Ibuotikọ Bible Ndida Nnyene Nneme” nte ẹkụtde ke Nsiondi eke 1998. Utịn̄ikọ No. 4 edikọn̄ọ n̄ko ke “Mme Ibuotikọ Bible Ndida Nnyene Nneme” Nsiondi eke 1998. Ke ebiet idiọn̄ọ nọmba (#) odude etiene se ẹnọde ẹnam, ọkpọfọn eyenete eren ese aban̄a. Sịn udọn̄ nọ kpukpru owo ndika iso ke edikot Bible mmọ eke urua ke urua nnyụn̄ nsịn ifịk nnam se ẹnọde ẹnam ke ufọkn̄wed.

Min. 15: “Nso ke Afo Editịn̄ ye Owo Oro Mînịmke Edidu Abasi ke Akpanikọ?” Mbụme ye ibọrọ. Dụn̄ọde nsio nsio ntak ẹmi ẹnamde ediwak owo ẹduọk mbuọtidem ke Abasi. Nọ ekikere ban̄a ndusụk usụn̄ ẹmi nnyịn ikemede ndisobo mmọ man in̄wam mmọ ndikụt eti ibuot emi odude ke ndinịm edidu Abasi ke akpanikọ. Sịn ibio ibio nnamn̄wụt kiet m̀mê iba. Ke oyomde ntọt efen efen, se n̄wed Reasoning, page 145-151, ye Mankind’s Search for God, ibuot 14.

Min. 15: Ndinọ N̄kani N̄wed ke January. Utịn̄ikọ ye mme nnamn̄wụt. Wụt n̄kani n̄wed iba m̀mê ita ẹnyenede page 192, oro ẹkemịn̄de mbemiso 1986, oro esop enyenede, nyụn̄ sịn udọn̄ nọ mme asuanetop ndibọ ndusụk n̄kama n̄ka an̄wautom. (Edieke ndomokiet mîdụhe, neme se ẹnọde ke ukpụhọ ke January.) Nam an̄wan̄a ntak emi n̄kani n̄wed ẹmi ẹsụk ẹnyenede ufọn ke ndida ndemede udọn̄ ke Bible. Ke n̄wed kiet kiet, wụt mme n̄kpọ ndida nnyene nneme ye uwụtn̄kpọ oro ẹkemede ndinyene ufọn ke ndida ntọn̄ọ nneme. Nam usụn̄ nneme kiet m̀mê iba wụt. Ẹkeme ndida ediye uduot ekpri n̄wed Oyom ntọn̄ọ ukpepn̄kpọ ke ebiet ẹkụtde udọn̄.

Ikwọ 224 ye akam ediberi.

Urua Ọtọn̄ọde January 3

Ikwọ 10

Min. 5: Mme ntọt n̄kann̄kụk.

Min. 15: Fiọk Nte Ọkpọnọde Ibọrọ. (Col. 4:6) Utịn̄ikọ ye nneme otuowo. N̄wed Reasoning edi utịbe utịbe un̄wam ndidiọn̄ usụn̄ man ẹbuana akpanikọ Bible ye mbon efen. Ke ini enyeneufọk edemerede mfan̄a kaban̄a kiet ke otu mme edinịm ke akpanikọ nnyịn, eyedi nnyịn imekeme ndikama ikpehe oro “If Someone Says—” (Edieke owo ọdọhọde—) ke utịt ikpehe oro enyenede n̄kpọ ndinam ye edinịm ke akpanikọ oro. Neme mme n̄kpọ ẹtịn̄de ẹban̄a Bible nte ẹwụtde ke page 64-68, nyụn̄ kere ban̄a ntak mme ibọrọ oro ẹnọde ekikere ẹban̄a ẹkemede ndinyene uforo.

Min. 25: “Bọp Uwem Fo Kanade Utom Jehovah.” Mbụme ye ibọrọ. Nam ndụn̄ọde ye owo emi mîdọhọ ndọ ye ibuot ufọk ẹmi ẹkụtde unen ke ndinyene enyene-iwụk ndutịm ofụri ini ndibuana ke an̄wautom ke urua kiet kiet. Nam mmọ ẹtịn̄ ọkpọkpọ ndutịm oro oyomde man ẹnọ udọn̄ n̄kpọ eke spirit akpa itie.

Ikwọ 119 ye akam ediberi.