Ndutịm Esoputom

Urua Ọtọn̄ọde December 11

Ikwọ 50

Min. 10: Mme ntọt n̄kann̄kụk. Mme Ntọt ẹsatde-sat ẹto Utom Obio Ubọn̄ Nnyịn. Edieke esop enyenede n̄wed Akakan Owo m̀mê Akwa Andikpep ke itie ubon n̄wed, wụt nte ẹkemede ndida enye nnam n̄kpọ nte ọfọnde ke utom ukwọrọikọ ke ini nduọkodudu emi. Sịn udọn̄ nọ kpukpru owo ndise vidio oro The Bible—Accurate History, Reliable Prophecy ke ndiben̄e idem nnọ nneme ke Esoputom eke urua December 25. Mbon oro ẹnyenede vidio emi ẹkeme ndibuana enye ye mbon oro mînyeneke, mîdịghe ndusụk mmọ ẹkeme ndise enye ọtọkiet.

Min. 15: “Ten̄e Jehovah Kpukpru Usen.”a Sịn nte ẹnamde uten̄e Abasi an̄wan̄a ke Awake! eke January 8, 1998, page 26. Sọn̄ọ tịn̄ nti ufọn ẹdude ke nditen̄e Jehovah.

Min. 20: “Mfịghe Ubọkn̄ka ye Ifet Fo Ndikwọrọ Ikọ.” Utịn̄ikọ ye mme ndụn̄ọde. Dọhọ mme owo oro ẹkesobode mfịghe ubọkn̄ka ẹbụk nte mmọ ẹkekemede ndika iso nnyene ifịk ke utom ukwọrọikọ kpa ye mfịghe emi.

Ikwọ 78 ye akam ediberi.

Urua Ọtọn̄ọde December 18

Ikwọ 94

Min. 15: Mme ntọt n̄kann̄kụk. Ntọt ibatokụk. Tịn̄ ban̄a san̄asan̄a ndutịm utom an̄wautom ke December 25 ye January 1. Bọrọ mbụme emi: Nte odu n̄kpọ ekededi oro akwan̄ade ke ndibuana ke mme usọrọ oro ẹnyenede ntọn̄ọ oro mîdịghe eke mme Christian adan̄a nte owo mînamke enye ke ntak ido ukpono?—Se n̄wed Reasoning, page 178-180.

Min. 12: “Ufọkn̄wed Utom Ukara Abasi eke 2001.” Utịn̄ikọ oro esenyịn ufọkn̄wed ọnọde. Sịn udọn̄ nọ kpukpru owo ndika iso ke edikot Bible eke urua ke urua mmọ ndinyụn̄ nsịn ifịk ke ndise mban̄a mme n̄kpọ ẹnọde ẹnam ke ufọkn̄wed.

Min. 18: “Nte Afo Emesikwọrọ Ikọ ye Uko?”b Sion̄o ikọ to mme itien̄wed ẹdude ke ibuotikọ oro. Ke adade n̄wed Utom Nnyịn, page 86, wụt nte ikemede ndinen̄ede nnyene uko ye uforo ke an̄wautom.

Ikwọ 124 ye akam ediberi.

Urua Ọtọn̄ọde December 25

Ikwọ 126

Min. 10: Mme ntọt n̄kann̄kụk. Dọhọ otuowo ẹbụk ifiọkutom ekededi eke ndondo emi oro mmọ ẹkenyenede ke utom edinọ ikọ ntiense mmọ. Dụn̄ọde mme n̄wed ẹnọde ke January.

Min. 10: “Obufa Ndutịm Mbono Circuit.” Mbụme ye ibọrọ. Tọt usenọfiọn̄ mbono circuit, nyụn̄ sịn udọn̄ nọ kpukpru owo ndidụk usen iba oro. Sịn udọn̄ nọ kpukpru owo ndisịn akpan ukeme ndikot nditọ ukpepn̄kpọ Bible. Ndidụk mbono ekeme ndisọp ndemede mmọ udọn̄ ndibuana ye esop kpukpru ini.

Min. 25: “Ndikpep N̄kpọ nto Vidio Oro The Bible—Accurate History, Reliable Prophecy.” Nneme otuowo. Nọ mme ekikere ke nte ẹkemede ndida vidio emi ndemede udọn̄ mbon en̄wen. (1999 Yearbook, page 51-52) Ke February nnyịn iyodụn̄ọde ọyọhọ vidio iba ke udịm emi, The Bible—Mankind’s Oldest Modern Book.

MÎDỊGHE: “Ntak Emi Afo Ekemede Ndiberi Edem ke Ntịn̄nnịm Ikọ Bible.” Utịn̄ikọ ye ebuana otuowo ọkọn̄ọde ke ibuotikọ Enyọn̄-Ukpeme eke July 15, 1999, page 4-8.

Ikwọ 151 ye akam ediberi.

Urua Ọtọn̄ọde January 1

Ikwọ 171

Min. 8: Mme ntọt n̄kann̄kụk. Edieke esop mbufo edikpụhọde mme ini mbono esop ke obufa isua, mbọk sịn udọn̄ nọ kpukpru owo ndika iso ndụk mbono esop kpukpru ini ke obufa ini emi. Tịn̄ nọ nditọ ukpepn̄kpọ Bible ye mbon efen oro ẹnyenede udọn̄ ban̄a mme ukpụhọde ekededi oro ẹnamde, nyụn̄ tọn̄ọ ndida n̄wedikot oro owụtde obufa ndutịm emi nnam n̄kpọ. Tịn̄ n̄kpọ ban̄a ibatutom an̄wautom August eke idụt ye eke esop n̄kann̄kụk. Ti mme asuanetop ndinọ ibatutom an̄wautom eke December.

Min. 12: Nte Ẹkpeben̄ede Idem Ẹnọ Mme Mfiakn̄ka. Ete eneme ye ubon esie nte mmọ ẹkemede ndinen̄ede nnyene uforo ke utom ukwọrọikọ mmọ. Enye ọsọn̄ọ owụt mme ntak N̄wed Abasi ndifiak mbịne kpukpru udọn̄ oro ẹkekụtde. Mmọ ẹben̄e idem ndinam mme mfiakn̄ka, ẹdade mme ndausụn̄ ẹnọde ke Enyọn̄-Ukpeme eke July 1, 1999, page 22, ikpehe ekikere 18. Kpukpru owo ẹdọhọ ke mmimọ ima isobo mme owo oro ẹkpenyenede ndifiak n̄kese. Owo kiet kiet obụk nte mme owo oro ẹkenamde n̄kpọ ke akpa ediwaha, ndien mbon eken ẹnọ ekikere ye itien̄wed Abasi oro ẹkpedade ẹnam n̄kpọ ke mfiakn̄ka oro. Mmọ ẹkụt mme akpan n̄kpọ ke ediye uduot ekpri n̄wed Oyom oro ẹkemede ndida nnam n̄kpọ uforo uforo. Ete ye eka oro ẹnam eyen mmọ kiet ekpep se enye editịn̄de ke mfiakn̄ka esie. Mmọ ẹdiomi akpan ini ndinam mfiakn̄ka oro ke urua oro edidide.

Min. 25: “Ndika Iso N̄kere Mban̄a Usọp Usọp Utom Unam Mbet.” Mbụme ye ibọrọ. Kot ikpehe ekikere 5, 10, ye 11. Nam ndụn̄ọde ke nte ukpepn̄kpọ Bible ọkọride ke n̄kann̄kụk. Sịn udọn̄ nọ kpukpru mbon oro ẹnịmde mme ukpepn̄kpọ Bible ndifiak n̄kot esịne-esịt Utom Obio Ubọn̄ Nnyịn eke June 1996 man otodo ẹfori usọ ukpepn̄kpọ mmọ. Neme ikpehe ekikere 5 ye 25 ke esịne-esịt oro.

Ikwọ 212 ye akam ediberi.

[Ikọ idakisọn̄]