Ekebe Mbụme

◼ Ntak ọfọnde ẹdu ke ukpeme ke ini ẹdade leta ẹnọ ikọ ntiense?

Ndida leta nnọ ikọ ntiense edi uforo uforo usụn̄ edibuana eti mbụk oro ẹma ẹkedomo ẹse ke anyan ini. Nte ededi, mme n̄kpọntịbe ndondo emi ẹmenam mme owo ẹmen̄e nditat esen esen leta. Ẹsiwak ndiyịk mme efọkn̄wed oro owo mîdiọn̄ọke ebiet ẹtode m̀mê emi mînyeneke adres owo oro ọnọde, akpan akpan edieke ẹwetde mmọ ke ubọk ẹnyụn̄ ẹdobide. Mme enyeneufọk ẹkeme nditop utọ leta oro nduọk ye unana editat. Didie ke nnyịn ikeme ndikpan emi nditịbe?

Edieke ẹkemede, ẹkpenyene nditataip leta ye efọkn̄wed oro. Ẹkpenyene ndiwet enyịn̄ enyeneufọk ke efọkn̄wed oro. Kûwet “Andidụn̄.” Ke adianade do, kpukpru ini nọ adres oro owụtde owo emi ẹdinọde ibọrọ ẹsọk. Edieke mîwụtke ifiọk ndiwet ọkpọkpọ adres fo, wet enyịn̄ fo ye adres Ufọkmbono Obio Ubọn̄. Kûnọ mme leta oro owo mîwetke enyịn̄ andiwet. Kûdede uda adres ọfis n̄kọk itieutom.—Se Ekebe Mbụme ke Utom Obio Ubọn̄ Nnyịn eke November 1996.

Ẹkeme ndikụt mme ekikere efen efen ke Bọ Ufọn to Ukpepn̄kpọ Ufọkn̄wed Utom Ukara Abasi, page 71-73. Mme ndausụn̄ emi, ọkọrọ ye mbon oro ẹkụtde ke Ñwed-item Ufök-ñwed Utom Ukara-Abasi, page 85-86, ẹyen̄wam nnyịn ke ndida mme leta nnam n̄kpọ uforo uforo ke ndisịm mbon efen ye eti mbụk.