Ntak Imade Ofụri Otu Nditọete Nnyịn

Ke ererimbot unana ima mfịn, didie ke nnyịn ikeme ndika iso nnyene ọkpọsọn̄ ima nnọ nditọete nnyịn eke spirit? (1 Pet. 2:17) Didie ke nnyịn ikeme ndiwụt mbon efen nte ke nnyịn imenen̄ede inyene ata itie nditọete ofụri ererimbot? (Matt. 23:8) Ebe ke ndida vidio Our Whole Association of Brothers nnam n̄kpọ. Enye owụt mme ntak oro nnyịn imade kiet eken. Se m̀mê afo eyekeme ndibọrọ mme mbụme emi:

(1) Ewe edinam ita ke nnyịn isitiene nditọete nnyịn ke ofụri ererimbot ibuana? (2) Didie ke nditọete nnyịn ẹwụt ubiere mmọ ndikwọrọ ikọ (a) ke wilderness eke Alaska, (b) ke ikpọ esụk mbehe Europe, ye (c) ke esịt akai Peru? (3) Nso n̄kpọutom oro etịmde okụt unen ke ẹda ẹnọ ikọ ntiense? (4) Ntak emi nnyịn mîkpedehede ikere ke ukwọrọikọ edi usụhọde utom? (5) Nọ uwụtn̄kpọ nte Mme Ntiense Jehovah ẹdọn̄de kiet eken esịt ẹnyụn̄ ẹn̄wamde mmọ ke mme ini afanikọn̄—unyekisọn̄, oyobio, ye ekọn̄ mbio obio. (Se mme ikọ oro Takao etịn̄de ke Awake!, August 22, 1995, ke page 23 ye eke Kotoyo ke Awake!, October 22, 1996, ke page 20.) (6) Mme ata ata usụn̄ ewe ke kpukpru nnyịn ikeme ndiwụt akamba n̄kpọ oro ẹdade ẹdiọn̄ọ itie nditọete Christian nnyịn? (John 13:35) (7) Adan̄a didie ke nnyịn ikpada mme mbono esop nnyịn ke akpan n̄kpọ? (8) Didie ke edinyene Ufọkmbono Obio Ubọn̄ oro ẹsopde idem okotụk mbon oro mîkenyeneke enye ke akpa? (9) Didie ke nditọete nnyịn ke N̄kan̄ Edem Usiahautịn Europe ye Russia ẹkeka iso ndisọn̄ọ nda ke n̄kan̄ eke spirit ke ini ẹkedude ke idak ukpan? (10) Idem idahaemi, nso n̄wọrọnda ukeme ke ediwak Mme Ntiense ẹsịn man ẹdụk mme ikpọ mbono, ndien ntak-a? Didie ke emi otụk fi? (11) Ntak emi afo ebierede ndituak ibuot ọtọkiet ke edidianakiet, ndin̄wam mbon efen ke mme ini nnanenyịn, ndinyụn̄ n̄kwọrọ ikọ ke edinam akpanikọ ke ini ekededi ye ke usụn̄ ekededi? (12) Ntak emi ọkpọfọnde afo ndinyene vidio emi nnyụn̄ nda enye n̄wụt adan̄a ediwak owo oro ẹnyenede udọn̄ nte ekekeme?