Mme Ntọt

◼ Mme n̄wed ẹnọde ke January: N̄wed ekededi oro ẹkesiode mbemiso 1988 emi esop enyenede ke itie unịm n̄wed. Edieke mbufo mînyeneke ekededi ke otu emi ke itie unịm n̄wed, mbọk ẹse m̀mê mme esop ekededi oro ẹdude ẹkpere mbufo ẹnyene nyọhọ-nsụhọ n̄kani n̄wed emi mbufo ẹkemede ndida nnam n̄kpọ. Ẹyesịn akpan ukeme nditọn̄ọ ukpepn̄kpọ Bible. February ye March: Ifiọk Oro Adade Osịm Nsinsi Uwem. Ẹyesịn akpan ukeme nditọn̄ọ ukpepn̄kpọ Bible. April ye May: Magazine Enyọn̄-Ukpeme ye Awake! Mme asuanetop ẹkpenyene ndinam mme enyeneufọk ẹfiọk ẹte ke edieke mmọ ẹyomde, mmọ ẹkeme nditịp etịbe kaban̄a utom ofụri ererimbot. Ke ebiet oro ẹwụtde udọn̄ ke mfiakn̄ka, sịn enyịn̄ owo oro ke afan̄ magazine. Nọ n̄wed Ifiọk m̀mê ediye uduot ekpri n̄wed Oyom, ye ekikere editọn̄ọ mme ukpepn̄kpọ Bible.

◼ Ọtọn̄ọde ke February, ndien ke mîbịghike ikan March 2, obufa utịn̄ikọ an̄wa mme esenyịn circuit edidi “Edinyan̄a Nsio ke Ererimbot Ekịm.”

◼ Mme esop ẹkpenyene ndinam mme ndutịm oro ẹdotde ndinịm Editi eke isua emi ke Wednesday, April 16, ke utịn ama okosụhọde. Okposụkedi ẹkemede ndibak ntọn̄ọ utịn̄ikọ, edimen mme n̄kpọ idiọn̄ọ Editi nsan̄a n̄kanade ikpenyeneke nditọn̄ọ ibọhọke ke utịn ama okosụhọde. Ẹnam ndụn̄ọde ke n̄kann̄kụk man ẹfiọk ini emi utịn esisụhọrede ke n̄kan̄ mbufo. Ke ebiet emi ediwak esop ẹsisopde idem ke Ufọkmbono Obio Ubọn̄ kiet, esop kiet m̀mê awakde akan oro ekeme ndibọ itie efen ndida nnam n̄kpọ ke mbubịteyo oro. Edieke ẹkemede, nnyịn inọ ekikere ite ẹyak minit 40 ke nsụhọde n̄kaha ẹbe mbemiso ẹtọn̄ọde edinam en̄wen man kpukpru owo ẹkeme ndibọ ufọn ọyọhọ ọyọhọ nto edinam oro. Ẹkpenyene ndikere n̄ko mban̄a nte n̄kpọisan̄ ẹwakde ke usụn̄ ye itie ubon ubomisọn̄, esịnede edisụk ye edimen mme akaisan̄. Otu mbiowo ekpenyene ndibiere mme ndutịm oro ẹdifọnde ikan ke n̄kann̄kụk.

◼ Ke ini esenyịn oro etiede ibuot ọbọde babru ibatokụk esop oto ọfis n̄kọk itieutom kpukpru ọfiọn̄, enye ekpenyene ndikụt nte ke ẹnam ẹdiọn̄ọ kpukpru se ẹketịpde kaban̄a Okụk Ufọkmbono Obio Ubọn̄ N̄ka, ye eke utom ofụri ererimbot ebe ke ndikot nnọ esop ke ini ẹdinọde ntọt ibatokụk efen.

◼ Obufa Kaset Vidio Odude: Sing Praises to Jehovah—Ke Kaset Vidio, Eboho 1 ye 2 —Usem Idiọn̄ọ Mbon America

◼ Ke mme usen akpan mbono ye mbono circuit oro ẹdinịmde ke 2003, mme circuit oro ẹtienede mi ẹyenyene ikpehe oro ẹnịmde ẹnọ mbon inan ndien ẹyekabade ndutịm emi ẹnọ mmọ ke Usem Idiọn̄ọ Mbon America (ASL):

Akabo (EE-08) March 1 ye June 7-8

Akure (WE-12) March 1 ye May 17-18

Badagry (WE-04) August 3 ye April 19-20

Badagry (WE-23) March 2 ye August 30-31

Daluwon (WE-03) March 2 ye June 14-15

Enugu (EE-17) June 28 ye March 8-9

Igwuruta Ali (EE-22) March 15 ye August 16-17

Ilesa (WE-15) March 30 ye June 21-22

Kaduna (NE-01b) March 15 ye June 14-15

Ota (WE-06) March 23 ye June 28-29

Ota (WE-07) March 2 ye May 31-June 1

Ubogo (ME-07) August 16 ye April 26-27