Se Ẹkpetịn̄de Ẹban̄a Mme Magazine

Enyọn̄-Ukpeme May 15

“Nnyịn imesikop mme ntọt ẹban̄ade afai ke usen ke usen. Nte afo emekere ke akanam mme utọ idaha emi ẹma ẹbebem iso ẹdu? [Bet ibọrọ.] Tịm fiọk se Bible ọdọhọde. [Kot Matthew 24:37.] Eyo Noah ama enen̄ede ọdiọk tutu Abasi ọkpọri kpukpru owo efep ke mîbọhọke Noah ye ubon esie. Magazine emi owụt nte mme n̄kpọntibe oro ẹnyenede se ẹwọrọde ẹnọ nnyịn mfịn.”

Awake! May 22

“Mfịn, udọn̄ọ emi n̄kpri unam ẹsuande edi kiet ke otu mme n̄kpọ oro ẹkamade n̄kpọndịk ẹnọ nsọn̄idem nnyịn. Ndi afo ama ọfiọk ke mme n̄kpọ ẹdu oro ikemede ndinam man ikpeme idem? [Bet ibọrọ.] Magazine emi eneme mme n̄kpọ emi, ọkọrọ ye un̄wọn̄ọ Bible aban̄ade ini oro udọn̄ọ mîdidụhe aba.” Beri ke ndikot Isaiah 33:24.

Enyọn̄-Ukpeme June 1

“Mme ntọt ẹban̄ade nte ẹsidade okụk oro ẹtịpde ẹnam n̄kpọ ke idiọk usụn̄ anam ndusụk owo ẹyịk m̀mê owụt eti ibuot ndinọ n̄ka unam ufọn enọ. Edi, ata ediwak mbon unana ẹdu. Afo ekere ke nso ke ẹkeme ndinam? [Bet ibọrọ. Ekem kot Mme Hebrew 13:16.] Magazine emi anam an̄wan̄a utọ edinọ oro enemde Abasi esịt.”

Awake! June 8

“Etie nte mme owo mfịn idaha edisana ido uwem ye nti edu uwem ke akpan n̄kpọ nte ẹkesidade ke mme ini edem. Nte afo omokụt emi? [Bet ibọrọ.] Nte enemde, Bible ama ebem iso etịn̄ aban̄a emi. [Kot 2 Timothy 3:1-5.] Nsiondi Awake! emi eneme ntak emi edu uwem mme owo ẹkpụhọrede onyụn̄ eneme se ini iso akamade.”