Ndụn̄ọde Ufọkn̄wed Utom Ukara Abasi
Ẹdineneme mme mbụme oro ẹtienede mi ke Ufọkn̄wed Utom Ukara Abasi ke urua ọtọn̄ọde December 29, 2003. Esenyịn ufọkn̄wed edise aban̄a ndụn̄ọde emi ke minit 30, ọkọn̄ọde ke se ẹkenọde ẹnam ke mme urua November 3 esịm December 29, 2003. [Tim fiọk: Ke mbụme oro owo mîsiakke n̄wed oro ẹdikụtde ibọrọ, afo enyene ndinam ndụn̄ọde ke idemfo nyom mme ibọrọ mbụme emi.—Se Ufọkn̄wed Utom, p. 36-37.]
MME IDO UTỊN̄IKỌ
1. Ntak edide akpan n̄kpọ ndikama Bible ke an̄wautom? [be-EF p. 145 ikp. eki. 2, ekebe]
2. Didie ke udọn̄ikọ esitụk usụn̄ oro ẹsiakde itie N̄wed Abasi? [be-EF p. 149]
3. Ntak edide akpan n̄kpọ ndidori nsọn̄uyo ke nnennen ikọ ke ini ẹkotde itie Bible, ndien didie ke ẹkeme ndinam emi? [be-EF p. 151 ikp. eki. 2, ekebe]
4. Didie ke inam item Paul oro ‘nditịm nsiak ikọ akpanikọ’ ke ini ikpepde mbon en̄wen n̄kpọ, ndien ntak emi edide akpan n̄kpọ? [be-EF p. 153 ikp. eki. 2, ekebe]
5. Didie ke Paul akada “N̄wed Abasi ọkọk ibuot”? (Utom 17:2, 3, NW) [be-EF p. 155 ikp. eki. 5–p. 156 ikp. eki. 1]
UTỊN̄IKỌ NỌ. 1
6. Ke ini idade akakan n̄kpọ unam ndụn̄ọde nnyịn, kpa Bible, itịm utịn̄ikọ, ntak ọfọnde (1) ndidụn̄ọde mme udọn̄ikọ ufan̄ikọ, (2) ndise mme itien̄wed efen oro ẹtịn̄de ukem n̄kpọ, ndien (3) ndida n̄wed oro ọdọn̄ọde mme ikọ Bible nnam ndụn̄ọde? [be-EF p. 34 ikp. eki. 3–p. 35 ikp. eki. 2]
7. Didie ke ẹsiwụt ata edinam akpanikọ, ndien ke idem mmanie? [w01-EF 10/1 p. 22-23]
8. Nso ke ikọ emi ọwọrọ: “Abasi obot owo esịn ke mbiet esiemmọ, ke mbiet Abasi ke obot enye; eren ye n̄wan ke obot mmọ.” (Gen. 1:27) [w01-EF 12/1 p. 4 par. 2]
9. Mme n̄kpọ ewe ke nnyịn ikpenyene ke ekikere ke ini ibierede mme akpan n̄kpọ oro idisịnde ke ima ikanam ndụn̄ọde iban̄a utịn̄ikọ? [be-EF p. 38]
10. Ntak emi ikọ Jesus aban̄ade “mme usen Noah” ẹnyenede n̄kpọ ndinam ye idaha nnyịn mfịn? (Matt. 24:37) [w01-EF 11/15 p. 31 ikp. eki. 3-4]
EDIKOT BIBLE EKE URUA KE URUA
11. Didie ke leta oro Paul ekewetde ọnọ ẹsọk Philemon owụt ke utom oro ẹkewụkde mme Christian ndinam edi ndin̄wam mme owo ẹkabade ẹdi mme Christian, edi idịghe ndikpụhọde n̄kaowo? (Philem. 12)
12. Nso idi ukpụhọde ke ufọt ‘ndifiọrọ n̄kpọn̄,’ ‘ndiwọn̄ọde n̄kpọn̄’ ye ‘ndifiak edem’? (Heb. 2:1; 3:12; 6:6) [w99-EF 7/15 p. 19 ikp. eki. 12; w86-EF 12/1 p. 14 ikp. eki. 16-17; w80-E 12/1 p. 23 ikp. eki. 8]
13. Didie ke nnyịn ikeme ndifep ndiwọn̄ọde ikọ oro “ke Ọbọn̄ enyịmede” nsịn ke mbubru? (Jas. 4:15) [se cj-E p. 171 ikp. eki. 1-2]
14. Nso ke ọwọrọ ‘nditie mbet nnyụn̄ nsọn̄ọ nyom edidi usen Abasi,’ ndien didie ke nnyịn ikeme ndinam oro? (2 Pet. 3:12) [w97-EF 9/1 p. 19-20]
15. Nso akpan item oro enyenede mme Christian mfịn ke ẹkụt ke etop oro ẹnọde mme ufọk Abasi itiaba oro ẹtịn̄de ẹban̄a ke Ediyarade ibuot 2 ye 3? (Edi. 2:4, 5, 10, 14, 20; 3:3, 10, 11, 17, 19)