Mbọk Ẹsọsọp Ẹka

Ẹsọsọp ẹka ẹbịne mme anie? Ẹka ẹbịne mbon oro ẹyomde n̄wed m̀mê mbon oro ẹsinọde magazine kpukpru ini m̀mê mbon oro ẹkpemade Ntiense edise mmọ ke ufọk mmọ. Mme eben̄e emi ẹsito m̀mọ̀n̄? Ẹsito mme owo oro ẹsinọde leta ẹsọk n̄kọk itieutom m̀mê oro ẹsikotde ke urụk ukopikọ m̀mê ebe ke ikpehe Intanet nnyịn. Ke ini ẹwụtde utọ udọn̄ oro, ọfis n̄kọk itieutom esida babru S-70 ọtọt esop n̄kann̄kụk. Babru oro enyene ibuotikọ emi “Please Arrange for a Qualified Publisher to Call on This Person” (Mbọk Ẹdọhọ Asuanetop Oro Odotde Aka Ebịne Owo Emi). Ke ini mbiowo ẹbọde babru S-70, mmọ ẹkpenyene ndisọsọp nyak enye nnọ asuanetop emi edinamde n̄kpọ ye ntịn̄enyịn aban̄a udọn̄ oro. Edieke ọsọn̄de asuanetop ndikụt owo oro ke ufọk, asuanetop ekeme ndidomo ndikot enye ke urụk ukopikọ m̀mê ndida mbufiọk n̄wet ekpri n̄kpọ nnịm nnọ enye. Edieke ẹdọhọde fi akanam utọ mfiakn̄ka oro, mbọk domo ofụri ukeme ndisọsọp n̄ka mbịne owo oro enyenede udọn̄ mi.