Ndutịm Esoputom

Urua Ọtọn̄ọde July 12

Ikwọ 108

Min. 12: Mme ntọt n̄kann̄kụk. Mme Ntọt ẹsatde-sat ẹto Utom Obio Ubọn̄ Nnyịn. Ti mme asuanetop ndinọ ibatutom an̄wautom mmọ eke ufọt ọfiọn̄ July. Ke adade mme ekikere oro ẹnọde ke page 4, nam wụt nte ẹkpenọde Enyọn̄-Ukpeme eke July 15 ye Awake! eke July 22. Ke kiet ke otu nnamn̄wụt emi, wụt nte ẹnọde owo oro mîtịmke imehe ye usem mbufo magazine ke efak.

Min. 18: “Ẹkpebe Unenikpe Jehovah.”a Nte ini ayakde, dọhọ otuowo ẹtịn̄ ẹban̄a mme itie N̄wed Abasi oro ẹsiakde ẹsịn.

Min. 15: Bible—N̄wed Ntịn̄nnịm Ikọ Oro Ẹkemede Ndiberi Edem. Utịn̄ikọ ye nneme otuowo emi ọkọn̄ọde ke ediye uduot ekpri N̄wed Ofụri Owo, page 27-29. Ediwak ini ke utom ukwọrọikọ nnyịn, imesisobo mme owo oro ẹnyenede udọn̄ ke ini iso. Bible akama etop oro ẹkemede ndiberi edem, owụtde nyayama ini iso oro odude ọnọ mme okopitem ubonowo. Neme ndusụk ntịn̄nnịm ikọ Bible oro ẹsọn̄ọde mbuọtidem ke mme un̄wọn̄ọ ini iso. Dọhọ asuanetop anam ibio ibio owụt nte ẹkemede ndida mme n̄kpọntịbe Bible n̄n̄wam owo oro enyenede udọn̄ man ọsọn̄ọ mbuọtidem esie ke Bible.

Ikwọ 16 ye akam ediberi.

Urua Ọtọn̄ọde July 19

Ikwọ 83

Min. 10: Mme ntọt n̄kann̄kụk. Neme nte ndutịm edikot Bible eke usen ke usen edide akpan n̄kpọ idem ke ini ikade nduọkodudu. Sịn se ẹnemede ke Enyọn̄-Ukpeme August 15, 2000, page 32.

Min. 15: Mme udọn̄ n̄kann̄kụk.

Min. 20: “Ndinịm Ukpepn̄kpọ Bible Oro Enyenede Uforo—Ikpehe 1.” Utịn̄ikọ emi esenyịn utom ọnọde. Yak otuowo ẹtịn̄ n̄kpọ ẹban̄a se ẹnemede ke n̄wed Proclaimers, Page 572-574, ẹwụtde nte ẹketọn̄ọde ndinịm ukpepn̄kpọ Bible ke eyomfịn. Demede udọn̄ nọ mme n̄kpọ oro ẹdinemede ke mme nsiondi ini iso. Mme ibuotikọ oro ẹdinemede ẹsịne nte ẹkpetịmde idem man ẹnịm ukpepn̄kpọ, nte ẹkpen̄wamde eyen ukpepn̄kpọ etịm idem, udomo n̄kpọ oro ẹkpekpepde, nte ẹkpedade mme itie N̄wed Abasi ẹnam n̄kpọ mfọn mfọn, nte ẹkpebọrọde mme mbụme oro eyen ukpepn̄kpọ obụpde, ini ẹkpetọn̄ọde ye akam, ye nte ẹkpemende eyen ukpepn̄kpọ ẹwụt esop. Sịn udọn̄ nọ kpukpru owo ndida mme ekikere oro ẹnọde nsịn ke edinam nnyụn̄ ntịm mme ibuotikọ emi nnịm man ẹkpeda ẹnam ndụn̄ọde ke ini iso.

Ikwọ 10 ye akam ediberi.

Urua Ọtọn̄ọde July 26

Ikwọ 216

Min. 12: Mme ntọt n̄kann̄kụk. Ntọt ibatokụk. Ti mme asuanetop ndinọ ibatutom an̄wautom mmọ eke utịt ọfiọn̄ July. Ke adade mme ekikere oro ẹnọde ke page 4, nam wụt nte ẹkpenọde Enyọn̄-Ukpeme eke August 1 ye Awake! eke August 8. Ke idaha kiet kiet, wụt nsio nsio usụn̄ ndise mban̄a ikọ utre nneme emi, “Ntak emi mbufo ẹsidide ndien ndien?”—Se Nte Ẹkpetọn̄ọde Ẹnyụn̄ Ẹkade Iso ke Nneme Bible, page 12.

Min. 8: Ekebe Mbụme. Ebiowo edise aban̄a. Kot nyụn̄ neme kpukpru ikpehe ekikere.

Min. 25: “Nte Ẹkpekwọrọde Ikọ ke Efakutom Mbubehe.”b Tịn̄ ban̄a ndutịm oro ẹnamde ke n̄kann̄kụk ẹnọ edikwọrọ ikọ ke efakutom mbubehe. Nam mbio mbio nnamn̄wụt iba oro ẹnemede ke ikpehe ekikere 4-5 m̀mê efen oro ẹsinyenede uforo ke n̄kann̄kụk. Nte ini ayakde, dọhọ otuowo ẹbụk nti ifiọkutom oro mmọ ẹkenyenede ke ndinam utom ke efakutom mbubehe.

Ikwọ 173 ye akam ediberi.

Urua Ọtọn̄ọde August 2

Ikwọ 60

Min. 8: Mme ntọt n̄kann̄kụk.

Min. 22: Nte Afo Emesinọ Mme Ntak? Utịn̄ikọ ye nneme ọkọn̄ọde ke n̄wed Ufọkn̄wed Utom, page 254, ikpehe ekikere 1-2. Ke ini inamde itie N̄wed Abasi an̄wan̄a inyụn̄ iwụtde ebuana oro enye enyenede ke ini ikpepde n̄kpọ ke an̄wautom ye ke mbot utịn̄ikọ, se nnyịn ikpepde eyenen̄ede enyene ufọn edieke inọde mme ntak, utu ke ndisụk ntetịn̄ nte ke se ikpepde enen. Ke adade mme uwụtn̄kpọ ẹtode n̄wed Reasoning, wụt nte ẹkemede (1) ndimek nnyụn̄ nnam mme ọkpọikọ ke itie N̄wed Abasi ẹn̄wan̄a, (2) ndida udọn̄ikọ m̀mê itie N̄wed Abasi efen oro enemede ukem n̄kpọ oro ke ibuotikọ oro nnọ uyarade oro ọnọde nsọn̄ọ, (3) ndinọ uwụtn̄kpọ emi ekemede ndinam ẹkụt eti ibuot oro odude ke ikọ fo, ye (4) ndida mme mbụme n̄n̄wam mbon oro ẹkpan̄de utọn̄ ndikọk ibuot ke n̄kpọ oro. Sọn̄ọ wụt ufọn edida n̄kọkibuot nnyene nneme.

Min. 15: Mme ifiọkutom n̄kann̄kụk. Dọhọ otuowo ẹbụk ndusụk ifiọkutom oro ẹbọpde-bọp oro mmọ ẹkenyenede ẹto mbono circuit m̀mê usen akpan mbono, utom usiakusụn̄ unọ un̄wam, m̀mê ndibuana ke mme edinam eke spirit eken ke isua utom emi.

Ikwọ 32 ye akam ediberi.

[Mme ikọ idakisọn̄]