Ndutịm Esoputom

Urua Ọtọn̄ọde December 13

Ikwọ 47

Min. 10: Mme ntọt n̄kann̄kụk ye Mme Ntọt ẹsatde-sat ẹto Utom Obio Ubọn̄ Nnyịn. Ti mme asuanetop ndinọ ibatutom an̄wautom eke ufọt ọfiọn̄ December. Sịn udọn̄ nọ kpukpru owo ndise vidio No Blood—Medicine Meets the Challenge ke nditịm idem nnọ nneme urua efen. Tịn̄ ban̄a san̄asan̄a ndutịm an̄wautom oro ẹnamde ẹnọ December 25 ye January 1. Da mme ekikere oro ẹnọde ke page 8 (edieke ẹdotde ye efakutom mbufo) nam n̄wụt nte ẹkpenọde Enyọn̄-Ukpeme eke December 15 ye Awake! eke December 22. Ẹkeme ndinam mme nnamn̄wụt en̄wen oro ẹdotde. Ke idaha kiet kiet, wụt nsio nsio usụn̄ oro ẹkpebọrọde ikọ utre nneme emi, “Ami mmememehe mfọn mfọn ye utom mbufo.”—Se ekpri n̄wed Nte Ẹkpetọn̄ọde Enyụn̄ Ẹkade Iso ke Nneme Bible, p. 12.

Min. 15: “Ufọkn̄wed Unọ Mme Asan̄autom Ukpep—Akamba Usụn̄ Oro Adade Esịm Utom.” Utịn̄ikọ ye nneme otuowo. Sịn se ẹtịn̄de ke 2004 Yearbook, page 239-240. Tịn̄ ban̄a mbono emi ẹsidiomide ẹnọ mbon oro ẹyomde ndika Ufọkn̄wed Unọ Mme Asan̄autom Ukpep emi ẹsinịmde ke ini mbono circuit. Sịn udọn̄ nọ mbon oro ẹdotde ẹdụk mbono emi.

Min. 20: “Didie ke Nnyịn Ikpọkwọrọ Ikọ Inọ Mme Iman Nnyịn?”a Da mme mbụme oro ẹnọde. Dọhọ otuowo ẹtịn̄ ibio ibio se ẹkenamde man ẹdemede udọn̄ iman mmọ ẹnyụn̄ ẹnọ mmọ ikọ ntiense.

Ikwọ 17 ye akam ediberi.

Urua Ọtọn̄ọde December 20

Ikwọ 68

Min. 5: Mme ntọt n̄kann̄kụk.

Min. 15: “Obufa Usụn̄ Ndidụn̄ọde Mme Ndutịm Mbono.” Utịn̄ikọ ye nneme otuowo ọkọn̄ọde ke ibuotikọ oro odude ke page 4. Siak usenọfiọn̄ oro ẹdinyenede mbono circuit ye usen akpan mbono edieke ẹnọde. Mbon oro ẹyomde ndina baptism ẹkpenyene ndisian esenyịn oro etiede ibuot anyan ini mbemiso usen mbono.

Min. 25: “Bọ Ufọn to Vidio No Blood—Medicine Meets the Challenge.” Nneme otuowo ọkọn̄ọde ke vidio No Blood, adade mme mbụme oro ẹnọde ke page 1. Ekem, kot akpatre ikpehe ekikere. Sịn udọn̄ nọ kpukpru owo ẹdi ukpepn̄kpọ urua en̄wen man ẹdikop nneme ke mbufa ndutịm oro ẹnamde ndin̄wam nnyịn ibet iyịp. Mîdịghe, neme Ndausụn̄ Oro Abasi Ọnọde Kaban̄a Iyịp. Utịn̄ikọ emi ebiowo ọnọde ọkọn̄ọde ke Enyọn̄-Ukpeme eke June 15, 2004, page 19-23, ikpehe ekikere 1-15.

Ikwọ 50 ye akam ediberi.

Urua Ọtọn̄ọde December 27

Ikwọ 36

Min. 10: Mme ntọt n̄kann̄kụk. Ntọt ibatokụk. Ti mme asuanetop ndinọ ibatutom an̄wautom eke utịt ọfiọn̄ December. Ke adade mme ekikere oro ẹnọde ke page 8 (edieke ẹdotde ye efakutom mbufo), nam wụt nte ẹkpenọde edide Enyọn̄-Ukpeme eke January 1 m̀mê Awake! eke January 8.

Min. 25: Ndinam Ewụhọ Abasi Emi Ọdọhọde Ibet Iyịp. Utịn̄ikọ emi ebiowo ọnọde, akamade n̄wed utịn̄ikọ emi otode n̄kọk itieutom. Tịn̄ ke ntọn̄ọ ntọn̄ọ ke owo iyomke ẹwet n̄kpọ ẹyọhọ kad DPA mfịn. Ke adan̄aemi osụk okotde se idude ke n̄wed utịn̄ikọ oro, etịn̄ikọ ekeme ndidian n̄kpri n̄kpọ man osion̄o mme akpan n̄kpọ owụt, edi enye ikpenyeneke ndida mme uwụtn̄kpọ m̀mê mme itien̄wed efen efen ndian ye se idude ke n̄wed utịn̄ikọ. Ẹkeme ndikot m̀mê nditịn̄ n̄kpọ mban̄a mme itien̄wed oro ẹsiakde ẹsịn nte ini ayakde. Ke ini odotde, dụri ntịn̄enyịn wụt se ẹnemede ke ekebe oro “Obufa Ndutịm Ndin̄wam Nnyịn Ibet Iyịp.” Ewetn̄wed ekpenyene ndinọ kpukpru mme asuanetop oro ẹnade baptism kad DPA ye “Mme Ndausụn̄ ke Nte Ẹkpewetde N̄kpọ Ẹyọhọ Kad DPA” man an̄wam mmọ ẹwet n̄kpọ ẹyọhọ kad emi. Ewetn̄wed ekpenyene ndikụt n̄ko nte ke imenyene Identity Card oro awakde ekem.

Min. 10: Utom Oro Ubieresịt Fo Enyenede. Utịn̄ikọ emi ebiowo ọnọde, ọkọn̄ọde ke Enyọn̄-Ukpeme eke June 15, 2004, page 23-24, ikpehe ekikere 16-19. Sọn̄ọ tịn̄ nte ke mme ubiere oro anade nnyịn inam emi ẹkọn̄ọde ke ubieresịt ẹdi akpan n̄kpọ, sia mmọ ẹtụkde itie ebuana nnyịn ye Jehovah.

Ikwọ 8 ye akam ediberi.

Urua Ọtọn̄ọde January 3

Ikwọ 27

Min. 10: Mme ntọt n̄kann̄kụk. Siak mme n̄wed ẹnọde ke January.

Min. 15: Mme udọn̄ n̄kann̄kụk.

Min. 20: “Ndinịm Ukpepn̄kpọ Bible Oro Enyenede Uforo—Ikpehe 4.” Ke ama akada n̄kpọ nte minit kiet etịn̄ ntọn̄ọikọ emi ọkọn̄ọde ke akpa ikpehe ekikere, da minit ition nam se ẹnemede ke ikpehe ekikere 2-3 wụt nte ada ukpepn̄kpọ owụtde eyen ukpepn̄kpọ nte ẹtịmde idem ẹnọ ukpepn̄kpọ. Da ikpehe ekikere kiet ke n̄wed Ifiọk m̀mê ediye uduot ekpri n̄wed Oyom ke nnamn̄wụt oro. Ekem neme ikpehe ekikere 2-5 ke mbụme ye ibọrọ, etịn̄de mme akpan n̄kpọ oro ẹkenamde ke nnamn̄wụt oro.

Ikwọ 79 ye akam ediberi.

[Ikọ idakisọn̄]