Ndụn̄ọde Ufọkn̄wed Utom Ukara Abasi
Ẹdineneme mme mbụme oro ẹtienede mi ke Ufọkn̄wed Utom Ukara Abasi ke urua ọtọn̄ọde October 31, 2005. Esenyịn ufọkn̄wed edise aban̄a ndụn̄ọde emi ke minit 30, ọkọn̄ọde ke se ẹkenọde ẹnam ke mme urua September 5 esịm October 31, 2005. [Tịm fiọk: Ke mbụme oro owo mîsiakke n̄wed oro ẹdikụtde ibọrọ, afo enyene ndinam ndụn̄ọde ke idemfo nyom mme ibọrọ mbụme emi.—Se Ufọkn̄wed Utom, p. 36–37.]
MME IDO UTỊN̄IKỌ
1. Didie ke nnyịn ikeme ndikụt ke imanam se nnyịn ikpepde mme owo ke Ikọ Abasi esịm ndamban̄a esịt mmọ? (Matt. 13:19) [be-EF p. 258 ikp. eki. 1-2, ekebe]
2. Nso ikeme ndin̄wam nnyịn ndidiọn̄ọ se idude owo ke esịt, edi nso ke ana nnyịn ikpeme? [be-EF p. 259 ikp. eki. 1-2]
3. Ke ini nnyịn ikpepde owo n̄kpọ, ntak edide akpan n̄kpọ ndisọn̄ọ ntịn̄ mban̄a mme utịbe utịbe edu Jehovah? [be-EF p. 260 ikp. eki. 1]
4. Didie ke nnyịn ikeme ndin̄wam nditọ ukpepn̄kpọ Bible nnyịn ndidiọn̄ọ mme itie oro oyomde mmọ ẹnam n̄kọri? [be-EF p. 260 ikp. eki. 4–p. 261 ikp. eki. 1]
5. Nso ke nnyịn ikeme ndinam ndin̄wam nditọ ukpepn̄kpọ Bible nnyịn m̀mê mme andikpan̄ utọn̄ nnọ nnyịn ndidụn̄ọde ntak emi mmọ ẹnamde se mmọ ẹnamde? [be-EF p. 262 ikp. eki. 2-3]
UTỊN̄IKỌ NỌ. 1
6. Nso ke ‘ndisịn ifịk nyom’ Jehovah ọwọrọ, ndien didie ke nnyịn ikeme ndiwụt ke nnyịn ke inam emi? (Heb. 11:6) [w03-EF 8/15 p. 25 ikp. eki. 2; p. 26 ikp. eki. 1-2; p. 27 ikp. eki. 2]
7. Nso idi “ido nti ikọ,” ndien didie ke mbiowo ẹkeme ndiwụt ke mmimọ imomụm enye ikama? (2 Tim. 1:13, 14) [w03-EF 1/1 p. 29 ikp. eki. 3–p. 30 ikp. eki. 1]
8. Ntak emi Abasi ke ndondo oro mîkosoboke akpa eren ye n̄wan oro ọkọrọ ye Satan, kpa owo oro enyịn mîkwe emi ekesịnde nsọk ọnọ mmọ ndisọn̄ ibuot-o? [w03-EF 1/1 p. 5 ikp. eki. 3]
9. Nso idi ekikere oro adade ukem ukem kaban̄a utom, ndien ndi utọ ekikere oro esịn udọn̄ ọnọ editie ifu? (N̄ke 20:4) [w03-EF 2/1 p. 5 ikp. eki. 1-2]
10. Nte esinen kpukpru ini ndisọn̄ọ nyịre ke mme edumbet ido ukpono mme ete nnyịn? [w03-EF 4/15 p. 5 ikp. eki. 3–p. 6 ikp. eki. 3]
EDIKOT BIBLE EKE URUA KE URUA
11. Ndi 2 Ndidem 13:21 owụt ke enen ẹtuak ibuot ẹnọ idem m̀mê mbakidem mbon oro ẹdade nte ndisana owo, emi ẹma ẹkekpan̄a?
12. Ndi Hezekiah ama odụk ediomi ye Egypt? (2 Ndi. 18:19-21, 25)
13. Okposụkedi n̄wetnnịm mbụk Assyria mîtịn̄ke nnennen nnennen iban̄a enyene-ndyọ usụn̄ oro Jehovah akadade akan Sennacherib, nso inem fi ke se ẹwetde ke n̄wetnnịm n̄kpọ oro? (2 Ndi. 19:35, 36)
14. Anie ekedi ete Shealtiel? (1 Chron. 3:16-18)
15. Ke eyo Edidem Saul, didie ke nditọ Reuben, nditọ Gad, ye ibio esien Manasseh ẹkenịm eti uwụtn̄kpọ ẹnọ kpukpru mme asan̄autom Abasi mfịn? (1 Chron. 5:18-22)