Ndutịm Esoputom

Urua Ọtọn̄ọde November 14

Ikwọ 220

Min. 10: Mme ntọt n̄kann̄kụk. Ti mme asuanetop ndinọ ibatutom an̄wautom eke ufọt ọfiọn̄ November. Mme Ntọt ẹsatde-sat ẹto Utom Obio Ubọn̄ Nnyịn. Da mme ekikere oro ẹnọde ke page 8 (edieke ẹdotde ye efakutom mbufo) nam wụt nte ẹkpenọde Enyọn̄-Ukpeme eke November 15 ye Awake! eke November 22. Ẹkeme ndinam mme nnamn̄wụt efen oro ẹdide ata idem n̄kpọ. Ke nnamn̄wụt kiet kiet, wụt isio isio usụn̄ ndibọrọ ikọ utre nneme emi “Ami nnyeneke udọn̄ ke ido ukpono.”—Se Nte Ẹkpetọn̄ọde, page 9.

Min. 15: Etịbe Oro Enemde Abasi Esịt. Utịn̄ikọ emi ebiowo ọnọde ọkọn̄ọde ke Enyọn̄-Ukpeme eke November 1, 2005, page 26-30.

Min. 20: “Ẹtịn̄ Ubọn̄ Jehovah.”a Ke ini enemede ikpehe ekikere 4, dọhọ otuowo ẹnọ mbio mbio ifiọkutom ndiwụt nte eti edu uwem ekemede ndiberede ifet nnọ edinọ ikọ ntiense.

Ikwọ 24 ye akam ediberi.

Urua Ọtọn̄ọde November 21

Ikwọ 40

Min. 10: Mme ntọt n̄kann̄kụk.

Min. 20: Yak Jehovah Edi Abasi Fo. Utịn̄ikọ emi ebiowo ọnọde ọkọn̄ọde ke Enyọn̄-Ukpeme eke April 1, 2005, page 25-28. Tịn̄ nte nnyịn ikemede ndida mme n̄kpọ oro ikpepde ito uwụtn̄kpọ Abraham, David, ye Elijah, nsịn ke edinam.

Min. 15: “Nen̄ede Kere Ban̄a Mbon Efen—Ebe ke Nditịn̄ Enyịn.”b Sịn nnamn̄wụt ke nte asuanetop etịn̄de enyịn ke n̄kpọ oro owụtde se idide udọn̄ enyeneufọk, ekem okpụhọde nneme esie man ekekem.

Ikwọ 67 ye akam ediberi.

Urua Ọtọn̄ọde November 28

Ikwọ 7

Min. 12: Mme ntọt n̄kann̄kụk. Kot ntọt ibatokụk ye ikọ ekọm kaban̄a etịbe oro ẹkenọde. Ti mme asuanetop ndinọ ibatutom an̄wautom mmọ eke utịt ọfiọn̄ November. Ke adade mme ekikere oro ẹnọde ke page 8 (edieke ẹdotde ye efakutom mbufo), nam wụt nte ẹkpenọde Enyọn̄-Ukpeme eke December 1 ye Awake! eke December 8. Ẹkeme ndinam mme nnamn̄wụt efen oro ẹdide ata idem n̄kpọ. Tịn̄ ban̄a ndutịm edinọ etịbe.

Min. 15: “Didie ke Nnyịn Ikeme Ndin̄wam?” Utịn̄ikọ. Nọ uwụtn̄kpọ ifan̄ ndiwụt ukeme oro mme asan̄autom Jehovah ẹsịnde ndin̄wam ekemmọ mme andinịm ke akpanikọ emi enen̄erede ẹyom un̄wam. (Se nsiondi Awake! eke August 8, 2003, p. 10-15; November 22, 2002, p. 19-24; ye October 22, 2001, p. 23-27. Ẹkeme ndinam ndụn̄ọde n̄ko ke mme n̄wed efen.) Ekem neme mme akpan n̄kpọ ẹtode ibuotikọ emi ke Utom Obio Ubọn̄ Nnyịn, page 7. Sọn̄ọ tịn̄ ke ọkpọfọn owo ekededi oro oyomde ndinọ etịbe man ẹn̄wam mbon unọmọ, esịn etịbe esie ke okụk utom ofụri ererimbot.

Min. 18: Ndikwọrọ Eti Mbụk ke December. Utịn̄ikọ ye nneme otuowo. Ke ntọn̄ọ ntọn̄ọ utịn̄ikọ emi, da minit 5 dụn̄ọde mbio mbio akpan n̄kpọ oro ẹtienede mi ke “Nte Ẹkpedade Mme Uwụtn̄kpọ Oro Ẹnọde Ẹnyene Nneme,” emi ẹdude ke Utom Obio Ubọn̄ Nnyịn eke January 2005, page 8: (1) Nnyịn iyenen̄ede ikụt unen edieke idade ikọ idem nnyịn inyene nneme. (2) Nnyịn inyene ndiwụt eti ibuot nnyụn̄ n̄kpụhọ nneme nnyịn ekekem ye se ẹnyịmede ke n̄kann̄kụk. (3) Nnyịn inyene ndikere mban̄a idaha ye ekikere mbon oro ẹdude ke efakutom nnyịn. (4) Nnyịn ikpenyene nditịm n̄kot ibuotikọ oro iyomde ndida nnyene nneme inyụn̄ imek mme akpan n̄kpọ oro ẹkemede ndidemede udọn̄. (5) Idịghe mme usụn̄ unyene nneme oro ẹnọde nte uwụtn̄kpọ kpọt ke ẹyom ida inyene nneme. Ekem nneme nte ẹkemede ndida mme akpan n̄kpọ emi nsịn ke edinam ke ini ẹnọde n̄wed oro ẹdọhọde ẹnọ ke December. Emekeme ndineme mme uwụtn̄kpọ oro ẹnọde ke esịne-esịt Utom Obio Ubọn̄ Nnyịn eke January 2005, m̀mê uwụtn̄kpọ efen oro ẹnyenede uforo ke n̄kann̄kụk. Nam nnamn̄wụt kiet m̀mê iba.

Ikwọ 123 ye akam ediberi.

Urua Ọtọn̄ọde December 5

Ikwọ 38

Min. 10: Mme ntọt n̄kann̄kụk.

Min. 15: “Ndinịm Ukpepn̄kpọ Bible Oro Enyenede Uforo.”c Nneme otuowo emi ọkọn̄ọde ke ikpehe 1 ye 2 eke esịne-esịt. Emekeme ndise n̄ko Utom Obio Ubọn̄ Nnyịn eke August 2004, page 1. Ntak edide akpan n̄kpọ ndinen̄ede ntịm idem kpukpru ini oro afo enịmde ukpepn̄kpọ Bible? Nso ke emi abuana? Dọhọ otuowo ẹtịn̄ nte mmọ ẹdade mme ekikere oro ẹnọde ẹsịn ke edinam. Ke akpatre, tịn̄ ban̄a ekebe oro odude ke enyọn̄ akpa page eke esịne-esịt.

Min. 20: “Se Utom Ukwọrọikọ Nnyịn Anamde.”d Ke ini ẹnemede ikpehe ekikere 5, sịn se idude ke Enyọn̄-Ukpeme eke February 15, 2004, page 32.

Ikwọ 26 ye akam ediberi.

[Mme ikọ idakisọn̄]