Ndutịm Esoputom

TỊM FIỌK: Ke esop mbufo ama okodụk Mbono District “N̄kopuyo Abasi” ke ọfiọn̄ kiet m̀mê iba ẹbede, ekpenyene ndisio minit 15 esịm 20 ke Esoputom nnịm (iso-ọfọn ikpehe oro ẹkpedade ẹneme mme udọn̄ n̄kann̄kụk) ndida ndụn̄ọde mme akpan n̄kpọ ke mbono oro mme asuanetop ẹkụtde nte an̄wamde mmọ ke an̄wautom. Akpan ikpehe Esoputom emi ọyọnọ nnyịn ifet ndinam an̄wan̄a nte nnyịn idade se nnyịn ikekpepde ke akamba mbono isịn ke edinam ye nte oro an̄wamde ke ndinam utom ukwọrọikọ nnyịn enyene uforo.—Se Utom Obio Ubọn̄ Nnyịn eke September 2005, p. 2.

Urua Ọtọn̄ọde December 12

Ikwọ 32

Min. 10: Mme ntọt n̄kann̄kụk. Mme Ntọt ẹsatde-sat ẹto Utom Obio Ubọn̄ Nnyịn. Ti mme asuanetop ndinọ ibatutom an̄wautom eke ufọt ọfiọn̄ December. Da mme ekikere oro ẹnọde ke page 8 (edieke ẹdotde ye efakutom mbufo) nam wụt nte ẹkpenọde Enyọn̄-Ukpeme eke December 15 ye Awake! eke December 22. Ẹkeme ndinam mme nnamn̄wụt efen oro ẹdide ata idem n̄kpọ. Ke ẹma ẹkekụre nnamn̄wụt kiet kiet, tịn̄ ban̄a nte ẹkemede ndisịn itie N̄wed Abasi ke nneme oro mmemmem mmemmem.

Min. 15: “Ufọkn̄wed Oro Anamde Ida Se Ikpepde Isịn ke Edinam.” Utịn̄ikọ emi esenyịn ufọkn̄wed ọnọde. Sịn se ẹtịn̄de ke esịne-esịt Utom Obio Ubọn̄ Nnyịn eke October 2005.

Min. 20: “Ukpepn̄kpọ Oro Adade Esịm Uwem.”a Bem iso nam ndutịm man owo kiet m̀mê iba ẹneme nte mmọ ẹkebọde ufọn ẹto edikpep n̄kpọ nto Abasi.

Ikwọ 101 ye akam ediberi.

Urua Ọtọn̄ọde December 19

Ikwọ 160

Min. 5: Mme ntọt n̄kann̄kụk. Tịn̄ ban̄a san̄asan̄a ndutịm an̄wautom oro ẹnamde ẹnọ December 25 ye January 1. Ti kpukpru owo ndida Awake! eke January 2006 ndi Esoputom urua efen.

Min. 15: “Nen̄ede Kere Ban̄a Mbon Efen—Ebe ke Ndikpụhọde Nneme Nnyịn.”b Sịn ibio ibio nnamn̄wụt ndiwụt nte asuanetop ekemede ndikpụhọde nneme esie ọkọn̄ọde ke ibọrọ enyeneufọk.

Min. 25: “Ndi Eyen Fo Ekeme Ndinam Akpan Ubiere?”c Ebiowo edise aban̄a. Dọhọ eyenete oro esikotde n̄wed ọfọn okot ikpehe ekikere kiet kiet. Tịn̄ n̄kpọ ban̄a kpukpru itie N̄wed Abasi oro ẹsiakde ẹsịn. Ke ama ekeneme ikpehe ekikere 2, wụt ukpụhọde oro odude ke ufọt uyen iba oro ẹsiakde ke ikpehe ekikere 16-17 ye ekebe oro odude ke Enyọn̄-Ukpeme eke June 15, 1991, page 16-17. Ke akpatre, sịn udọn̄ nọ mme ete ye eka ndidụn̄ọde ofụri ibuotikọ oro, ndien ndondo oro ẹkụrede, yak mmọ ẹneme se ẹtịn̄de ẹnyụn̄ ẹnam ndomonse ye nditọ mmọ ẹban̄a se Bible etịn̄de aban̄a iyịp, ẹnyụn̄ ẹkpep mmọ nditịn̄ se mmọ ẹnịmde ke akpanikọ uko uko. Mme ibuot ufọk ẹkpenyene ndikụt nte ke kpukpru nditọ mmọ oro ẹnade baptism ẹkama kad DPA mmọ ye nte ke nditọ mmọ oro mînaha baptism ẹkama Identity Card. Ini ekededi oro eyenete anade ke ufọkibọk, ndien ẹdọhọ ke ẹyesịn enye iyịp ke idem, mbiowo ẹkpenyene ndiyom un̄wam nto Kọmiti Unyene Nneme ye Mbon Ufọkibọk ke n̄kann̄kụk oro.

Ikwọ 56 ye akam ediberi.

Urua Ọtọn̄ọde December 26

Ikwọ 85

Min. 10: Mme ntọt n̄kann̄kụk. Kot ntọt ibatokụk ye ikọ ekọm kaban̄a etịbe oro ẹkenọde. Ti mme asuanetop ndinọ ibatutom an̄wautom mmọ eke utịt ọfiọn̄ December. Edieke esop mbufo edikpụhọde ini mbono esop ke obufa isua, mbọk ẹsian obufa ini oro ẹdinịmde. Siak mme n̄wed ẹdinọde ke January, nyụn̄ wụt ebiet oro ẹkemede ndikụt mme ekikere ke nte ẹkpenọde mmọ.

Min. 15: Mme udọn̄ n̄kann̄kụk.

Min. 20: Mbufa N̄kpọ Ẹdude ke Awake! Utịn̄ikọ ye nneme otuowo. Tịn̄ mme ukpụhọde oro ẹketọtde ẹban̄a Awake! ke Utom Obio Ubọn̄ Nnyịn eke March 2005, page 1, ikpehe ekikere 5-6. Sịn se ẹtịn̄de ke “To Our Readers” emi odude ke Awake! eke January 2006, page 3-4. Nọ mme uwụtn̄kpọ ndiwụt nte magazine emi adade mme andikot aka Bible nnennen nnennen. Dọhọ otuowo ẹtịn̄ mbufa n̄kpọ oro ẹdude ke page 31. Nnyịn iyaka iso ndidian Enyọn̄-Ukpeme ye Awake! nnọ ke akpa ediwaha. Nte ededi, nnyịn idinọ mbon oro ẹdude ke afan̄ magazine nnyịn ye mbon eken oro ẹnyịmede ndibọ mme magazine nnyịn kpukpru ini, idem Awake! kiet. Ke adade mme ekikere oro ẹnọde ke page 8, (edieke ẹdotde ye efakutom mbufo) nam wụt nte ẹkpenọde Enyọn̄-Ukpeme eke January 1 ye Awake! eke January. Ẹkeme ndinam mme nnamn̄wụt efen oro ẹdide ata idem n̄kpọ. Nsiondi Utom Obio Ubọn̄ Nnyịn eke January eyesịne usụn̄ efen oro ẹdinọde Awake! eke January, etịn̄de n̄kpọ aban̄a kiet ke otu ibuotikọ efen. Ẹkeme ndida usụn̄ nneme iba emi nnam n̄kpọ ke ofụri ọfiọn̄ oro.

Ikwọ 222 ye akam ediberi.

Urua Ọtọn̄ọde January 2

Ikwọ 5

Min. 10: Mme ntọt n̄kann̄kụk.

Min. 15: “Ndi Afo ke Ada N̄wedikot Anam N̄kpọ?” Utịn̄ikọ ye nneme otuowo. Dọhọ otuowo ẹtịn̄ nti utịp oro ẹtode edida n̄wedikot nnam n̄kpọ. Sịn ibio ibio nnamn̄wụt ndiwụt nte asuanetop adade n̄wedikot okot owo oro enyenede udọn̄ edibuana ke mbono esop.

Min. 20: “Da Mme N̄wed Nnyịn Emi Ẹkọn̄ọde ke Bible Nam N̄kpọ Ọniọn̄ Ọniọn̄.”d Sịn se ẹtịn̄de ke Utom Obio Ubọn̄ Nnyịn eke September 2002, page 1.

Ikwọ 109 ye akam ediberi.

[Mme ikọ idakisọn̄]