Ndutịm Esoputom

Urua Ọtọn̄ọde March 13

Ikwọ 41

Min. 10: Mme ntọt n̄kann̄kụk. Mme Ntọt ẹsatde-sat ẹto Utom Obio Ubọn̄ Nnyịn. Ti mme asuanetop ndinọ ibatutom an̄wautom eke ufọt ọfiọn̄ March. Ke adade mme ekikere oro ẹnọde ke page 8, m̀mê mme nneme efen oro ẹdotde ye efakutom mbufo, nam wụt nte ẹkpenọde Enyọn̄-Ukpeme eke March 15 ye Awake! eke March. Ke utịt nnamn̄wụt kiet kiet, dọhọ asuanetop ọnọ enyeneufọk ikot edidụk Editi, adade se idude ke edem magazine oro ẹnọde ke ọfiọn̄ oro.

Min. 20: Utom Christ ke Ndutịm Abasi. Utịn̄ikọ oro ọkọn̄ọde ke Ẹtịm man Inam Uduak Jehovah, page 10-13. Ke ini enemede akpa ikpehe ekikere iba emi ẹdude ke ekpri ibuotikọ oro “Utom Christ,” da minit ita m̀mê inan̄ nọ ekikere nyụn̄ nam wụt mme usụn̄ oro ẹkemede ndinọ n̄wedikot Editi. Dụn̄ọde mme ekikere oro ẹdude ke Utom Obio Nnyịn eke February 2006, page 3, ikpehe ekikere 3.

Min. 15: “Nte Ẹkpetọn̄ọde Ukpepn̄kpọ ke N̄wed Bible Ekpep.” Nneme otuowo ye mme nnamn̄wụt ẹkọn̄ọde ke page 3 ke esịne-esịt emi. Nnyịn imekeme ndisọsọp nda n̄wed Bible Ekpep ntọn̄ọ nnyụn̄ nnịm ukpepn̄kpọ Bible ye mbon oro ẹwụtde udọn̄. Diomi nnamn̄wụt ita oro ẹtịmde idem ọfọn ndiwụt nte ẹkemede ndida (1) page 4-5, (2) page 6, ye (3) akpa ikpehe ekikere oro odude ke page 7 ntọn̄ọ ukpepn̄kpọ Bible ke ini ẹnamde mfiakn̄ka. Bem iso tịn̄ mme akpan n̄kpọ oro ẹdinemede ke nnamn̄wụt kiet kiet, nyụn̄ fiak tịn̄ mme akpan n̄kpọ oro ke mme nnamn̄wụt oro ẹkụrede. Ẹkeme ndineme mme ikpehe ekikere ke n̄wed Bible Ekpep mbio mbio nte oyomde. Mme asuanetop ẹkpenyene ndiberi nnamn̄wụt kiet kiet ke ndinam ndutịm ndifiak n̄ka.

Ikwọ 125 ye akam ediberi.

Urua Ọtọn̄ọde March 20

Ikwọ 18

Min. 10: Mme ntọt n̄kann̄kụk. Dụn̄ọde mme akpan n̄kpọ emi ẹdude ke ekebe oro “Mme N̄kpọ Nditi Mban̄a Editi.”

Min. 15: “N̄wam Mbon Efen Ẹbọ Ufọn Ẹto Ufak.”a Ikpehe oro etienede ayaka iso ndineme nte nnyịn ikemede ndida se idude ke page 206-208 ke n̄wed Bible Ekpep nnam n̄kpọ ke ini inọde mme owo ikot ẹdi Editi.

Min. 20: Udia Mbubịteyo Ọbọn̄—Edinam Oro Ọnọde Abasi Ukpono. Nneme mbụme ye ibọrọ ọkọn̄ọde ke page 206-208 ke n̄wed Bible Ekpep. Ke ama akada se isụhọrede ikan minit kiet etịn̄ ntọn̄ọikọ, wụt nte ẹkemede ndida ibuotikọ oro ntọn̄ọ nneme ye enyeneufọk ebe ke ndikot akpa ikpehe ekikere. Ekem dọhọ otuowo ẹnọ ibọrọ ke mme mbụme oro ẹtienede mi ye unana edikot mme ikpehe ekikere: (ikp. eki. 2) Ini ewe ke Jesus ọkọtọn̄ọ Editi n̄kpa esie? (ikp. eki. 3) Ikafan̄ ke ẹkpenịm Udia Mbubịteyo Ọbọn̄? (ikp. eki. 4) Didie ke Bible etịn̄ aban̄a Editi? (ikp. eki. 5) Nnyịn isan̄a didie ifiọk ke Jesus ikanamke uyo oro akabade edi ata ata ikpọkidem esie, inyụn̄ inamke wine akabade edi iyịp esie? (ikp. eki. 6) Nso ke uyo oro owo mîsịnke leaven ada aban̄a? (ikp. eki. 7) Nso ke ndatndat wine ada aban̄a? (ikp. eki. 8) Mmanie kpọt ẹkpeta uyo ẹnyụn̄ ẹn̄wọn̄ wine? (ikp. eki. 9) Ini ewe ke ẹsinịm Editi kpukpru isua, ndien ntak emi nnyịn ikpodụkde? Neme mme akpan itie N̄wed Abasi nte ini ayakde. Sịn udọn̄ nọ kpukpru owo ndineme mme n̄kpọ emi ye nditọ ukpepn̄kpọ Bible ye mbon eken oro mmọ ẹkotde ẹdi Editi ebe ke ndikot mme ikpehe ekikere, ndineme mme akpan n̄kpọ, ndinyụn̄ mbụp mmemmem mbụme utọ nte mbon oro ẹdude ke ikpehe emi.

Ikwọ 134 ye akam ediberi.

Urua Ọtọn̄ọde March 27

Ikwọ 44

Min. 15: Mme ntọt n̄kann̄kụk. Ti mme asuanetop ndinọ ibatutom an̄wautom eke utịt ọfiọn̄ March. Kot ntọt ibatokụk ye ikọ ekọm kaban̄a etịbe oro ẹkenọde. Ke adade mme ekikere oro ẹnọde ke page 8, m̀mê mme nneme efen oro ẹdotde ye efakutom mbufo, nam wụt nte ẹkpenọde Enyọn̄-Ukpeme eke April 1 ye Awake! eke April. N̄ko wụt nte ẹkpedade n̄wedikot ẹkot mbon oro ẹnyenede udọn̄ ẹdidụk Editi.

Min. 15: Mme ifiọkutom n̄kann̄kụk. Dọhọ otuowo ẹbụk ifiọkutom oro mmọ ẹkenyenede ke ndinọ n̄wed Bible Ekpep ke March. Tịn̄ ban̄a mme ukpepn̄kpọ Bible oro ẹketọn̄ọde. Ẹkeme ndinam akpan ifiọkutom kiet m̀mê iba n̄wụt.

Min. 15: “Kpep Mbon Nsụkidem Ẹsan̄a ke Usụn̄ Abasi.”b Sịn se ẹtịn̄de ke Enyọn̄-Ukpeme eke July 1, 2004, page 16, ikpehe ekikere 9.

Ikwọ 170 ye akam ediberi.

Urua Ọtọn̄ọde April 3

Ikwọ 199

Min. 10: Mme ntọt n̄kann̄kụk. Nam ibio ibio ndụn̄ọde ke ibuotikọ oro “Kop Inem Ndikpep Nso ke Bible Enen̄ede Ekpep?” emi odude ke page 6 ke Utom Obio Ubọn̄ Nnyịn eke February 2006. Dụri ntịn̄enyịn wụt ndutịm ukpepn̄kpọ n̄wed Bible Ekpep. N̄ko wụt nte ẹkpedade n̄wedikot ẹkot mbon oro ẹnyenede udọn̄ ẹdidụk Editi.

Min. 15: Kpep Nditọ Ukpepn̄kpọ Bible Nditịm Idem. Utịn̄ikọ ye nneme otuowo ọkọn̄ọde ke esịne-esịt Utom Obio Ubọn̄ Nnyịn eke November 2005 page 4, ikpehe 4. Ẹkeme ndisịn n̄ko se idude ke Utom Obio Ubọn̄ Nnyịn eke December 2004, page 1. Nam mme akpan n̄kpọ ẹn̄wan̄a ebe ke ndida mme uwụtn̄kpọ oro ẹdude ke ibuot 1 ke n̄wed Bible Ekpep.

Min. 20: Ẹsọn̄ọ Idem Ebe ke Ndidụn̄ọde N̄wed Abasi ke Usen ke Usen. Utịn̄ikọ ye nneme otuowo ọkọn̄ọde ke mbemiso ikọ ke Ẹdụn̄ọde N̄wed Abasi ke Usen ke Usen—2006. Nam ndutịm man ẹnam ẹwụt nte ubon enemede itie N̄wed Abasi usen mfịn ye mme utịn̄ikọ.

Ikwọ 93 ye akam ediberi.

[Mme ikọ idakisọn̄]