Ndutịm Esoputom

Urua Ọtọn̄ọde June 12

Ikwọ 218

Min. 10: Mme ntọt n̄kann̄kụk. Ti mme asuanetop ndinọ ibatutom an̄wautom eke ufọt ọfiọn̄ June. Ke adade mme ekikere oro ẹnọde ke page 4 m̀mê mme nneme efen oro ẹdotde ye efakutom mbufo, nam wụt nte ẹkpenọde Enyọn̄-Ukpeme eke June 15 ye Awake! eke June. Ke kiet ke otu nnamn̄wụt emi, wụt nte ẹnọde magazine ke ido nneme.

Min. 20: “Utom Ukwọrọikọ Nnyịn—Utom Oro Owụtde Mbọm.”a Nte ini ayakde, dọhọ otuowo ẹtịn̄ n̄kpọ ẹban̄a mme itie N̄wed Abasi oro ẹsiakde ẹsịn.

Min. 15: Ndibuọt Idem ye “Ofụn Emi Anamde Akpanikọ Onyụn̄ Enyenede Ọniọn̄.” Utịn̄ikọ ye nneme otuowo oro ọkọn̄ọde ke ibuot 3 ke Ẹtịm man Inam Uduak Jehovah.

Ikwọ 47 ye akam ediberi.

Urua Ọtọn̄ọde June 19

Ikwọ 21

Min. 10: Mme ntọt n̄kann̄kụk. Mme Ntọt ẹsatde-sat ẹto Utom Obio Ubọn̄ Nnyịn.

Min. 20: Ikọ ke Ekem Ini Nsifọn Ntem? Utịn̄ikọ ye nneme otuowo ọkọn̄ọde ke Enyọn̄-Ukpeme eke January 1, 2006, page 16-19. Ke ntọn̄ọ ikọ, tịn̄ ufọn inan̄ oro ẹkemede ndibọ nto editoro mbon en̄wen, oro ẹnemede ke idak ekpri ibuotikọ oro “Nti Utịp.” Ekem dọhọ otuowo ẹbọrọ mme mbụme oro ẹtienede mi: Anie odot itoro akan? Ntak odotde ẹtoro ekemmọ mme andituak ibuot-o? Mme ifet ewe ke nnyịn inyene nditoro mme owo ke esop? Ntak ọfọnde nditoro mbonubon, ndien didie ke nnyịn ikeme ndinam ntre? Didie ke itoro oro afo ọbọde esịn udọn̄ ọnọ m̀mê ọsọn̄ọ fi idem?

Min. 15: “Nen̄ede Kere Ban̄a Mbon Efen—Ebe ke Nditoro Mme Owo.”b Sịn ibio ibio nnamn̄wụt emi asuanetop enen̄erede akpan̄ utọn̄ ọnọ enyeneufọk, otoro enye ke ofụri esịt, ndien ekem ọsọn̄ọ se enyeneufọk eketịn̄de ebe ke ndikot itie N̄wed Abasi oro odotde.

Ikwọ 96 ye akam ediberi.

Urua Ọtọn̄ọde June 26

Ikwọ 63

Min. 15: Mme ntọt n̄kann̄kụk. Kot ntọt ibatokụk ye ikọ ekọm kaban̄a etịbe ẹkenọde. Ke adade mme ekikere oro ẹnọde ke page 4 m̀mê mme nneme efen oro ẹdotde ye efakutom mbufo, nam wụt nte ẹkpenọde Enyọn̄-Ukpeme eke July 1 ye Awake! eke July. Ke utịt nnamn̄wụt kiet kiet, asuanetop obụp mbụme oro anamde owo ekere n̄kpọ, oro ẹkemede ndida n̄wed Bible Ekpep mbọrọ ke ini efen oro ẹfiakde ẹka.

Min. 15: Nditịm Mmehe ye Obufa N̄wed Un̄wam Ukpepn̄kpọ Nnyịn. Utịn̄ikọ ye nneme otuowo. Dọhọ otuowo ẹtịn̄ n̄kpọ ẹban̄a mme ikpehe n̄wed Bible Ekpep oro mmọ ẹmade, utọ nte mme mbụme oro ẹdude ke ntọn̄ọ ibuotikọ ye ekebe ndụn̄ọde oro owụtde mme akpan n̄kpọ ke ibuot kiet kiet (p. 106, 114), mme ndise (p. 122-123, 147, 198), ye se ẹwetde ẹdian (p. 197, ikp. eki. 1-2). Etịm n̄wed emi ke usụn̄ oro enemde onyụn̄ otụkde owo esịt (p. 12, ikp. eki. 12). Ẹwet enye ke usụn̄ oro ememde onyụn̄ an̄wan̄ade (p. 58, ikp. eki. 5) onyụn̄ esịne mme uwụtn̄kpọ oro ẹnyenede uforo (p. 159, ikp. eki. 12). Ẹtịm ebemiso ikọ man an̄wam nnyịn itọn̄ọ ukpepn̄kpọ Bible (p. 3-7). Bụk mme ifiọkutom oro ẹnyenede ke ndida obufa n̄wed emi nnam n̄kpọ.

Min. 15: Ndikwọrọ Eti Mbụk ke July. Mme ibuot nneme ewe ẹsidemede mme owo udọn̄ ke n̄kann̄kụk mbufo? Nam ibio ibio ndụn̄ọde ye asuanetop kiet m̀mê iba emi ẹdade n̄wed Bible Ekpep ẹnam n̄kpọ uforo uforo ndien iso-ọfọn ẹtọn̄ọ ukpepn̄kpọ Bible. Ekem nam wụt nte ẹnọde n̄wed oro ke ufọk ke ufọk, adade usụn̄ unyene nneme oro enyenede uforo ke efakutom mbufo.—Se Utom Obio Ubọn̄ Nnyịn eke January 2005, p. 8, ikp. eki. 5.

Ikwọ 208 ye akam ediberi.

Urua Ọtọn̄ọde July 3

Ikwọ 111

Min. 10: Mme ntọt n̄kann̄kụk. Ti mme asuanetop ndinọ ibatutom an̄wautom eke utịt ọfiọn̄ June edieke mmọ mîkanamke-nam oro.

Min. 15: Mme udọn̄ n̄kann̄kụk.

Min. 20: “Nte Afo Ekemede Ndisịm Mme Utịtmbuba eke Spirit Fo.”c Dọhọ mme uyen ke esop ẹtịn̄ mme utịtmbuba eke spirit oro mmọ ẹnịmde ye se mmọ ẹnamde ndisịm mmọ. Ẹkeme ndibem iso ndiomi man owo kiet m̀mê iba ẹtịn̄.

Ikwọ 30 ye akam ediberi.

[Mme ikọ idakisọn̄]