Ndutịm Esoputom

Urua Ọtọn̄ọde March 12

Ikwọ 153

Min. 10: Mme ntọt n̄kann̄kụk. Ti mme asuanetop ndinọ ibatutom an̄wautom eke ufọt ọfiọn̄ March. Ke adade mme ekikere oro ẹnọde ke page 4 m̀mê mme nneme efen oro ẹdotde ye efakutom mbufo, nam wụt nte ẹkpenọde Enyọn̄-Ukpeme eke March 15 ye Awake! eke March. Ti mme asuanetop nte ke editọn̄ọ san̄asan̄a ubịnikọt edikot mme owo ẹdidụk Editi ke March 17.

Min. 15: Ke Ini Owo Ima Fo Ọkpọn̄de Jehovah. Utịn̄ikọ oro ebiowo ọnọde ọkọn̄ọde ke Enyọn̄-Ukpeme eke September 1, 2006, page 17-21.

Min. 20: “Ẹka Iso Ẹnam Emi Nditi Mi.”a Ke ini enemede ikpehe ekikere 3, sịn se ẹtịn̄de ke Utom Obio Ubọn̄ Nnyịn eke March 2006, page 1, ikpehe ekikere 3, ke nte ẹkpedade n̄wed Bible Ekpep ẹnam se Editi edide an̄wan̄a mbon oro ẹnyenede udọn̄ emi ikotde ẹdidụk Editi.

Ikwọ 168 ye akam ediberi.

Urua Ọtọn̄ọde March 19

Ikwọ 45

Min. 10: Mme ntọt n̄kann̄kụk. Mme Ntọt ẹsatde-sat ẹto Utom Obio Ubọn̄ Nnyịn. Dụn̄ọde mme akpan n̄kpọ emi ẹdude ke ekebe oro “Mme N̄kpọ Nditi Mban̄a Editi” ke page 3.

Min. 20: Mme Usụn̄ Nditat Utom Ukwọrọikọ Fo. Utịn̄ikọ ye nneme otuowo ọkọn̄ọde ke ibuot 10 ke Ẹtịm man Inam Uduak Jehovah.

Min. 15: “Didie ke Afo Ọkpọbọrọ?”b Sịn ibio ibio nnamn̄wụt ke nte ẹkpedade ibuotikọ emi ẹnam n̄kpọ ke ukpepn̄kpọ ubon.

Ikwọ 216 ye akam ediberi.

Urua Ọtọn̄ọde March 26

Ikwọ 115

Min. 10: Mme ntọt n̄kann̄kụk. Ti mme asuanetop ndinọ ibatutom an̄wautom eke utịt ọfiọn̄ March. Kot ntọt ibatokụk ye ikọ ekọm kaban̄a etịbe ẹkenọde. Ke adade mme ekikere oro ẹnọde ke page 4 m̀mê mme nneme efen oro ẹdotde ye efakutom mbufo, nam wụt nte ẹkpenọde Enyọn̄-Ukpeme eke April 1 ye Awake! eke April ọkọrọ ye san̄asan̄a n̄wed ikot Editi.

Min. 15: Mme udọn̄ n̄kann̄kụk.

Min. 20: Nso ke N̄kpada Uwem Mi Nnam? Utịn̄ikọ emi ọkọn̄ọde ke Awake! eke July 2006, page 23-25. Nam ndụn̄ọde ye owo kiet m̀mê iba oro ẹnamde utom uyọhọ ini ke ẹma ẹkekụre ufọkn̄wed sekọndri. Ntak emi mmọ ẹkemekde ndinam utom uyọhọ ini-e? Mme edidiọn̄ ewe ke mmọ ẹnyene? Mîdịghe, neme “Mme Uyen, Nte Mbufo Ke Ẹsịn Itiat Idakisọn̄ Ẹnọ Ini Iso?” ke Enyọn̄-Ukpeme eke May 1, 2004, page 13-18.

Ikwọ 148 ye akam ediberi.

Urua Ọtọn̄ọde April 2

Ikwọ 177

Min. 10: Mme ntọt n̄kann̄kụk. Neme n̄wed ikot oro odude ke edem Enyọn̄-Ukpeme eke April 1, 2007, nyụn̄ sịn udọn̄ nọ mme asuanetop ẹkot mbon oro ẹnyenede udọn̄ ẹdidụk akpan utịn̄ikọ an̄wa oro ẹdinọde ke April 15.

Min. 20: Ka Iso Ndin̄wam Mbon Oro Ẹkedụkde Editi. Utịn̄ikọ emi ebiowo ọnọde. Tọt ibat mbon oro ẹkedụkde Editi ke esop mbufo, nyụn̄ siak ibat mbon emi ẹnyenede udọn̄ oro ẹkedụkde. Bụk n̄wọrọnda ifiọkutom aban̄ade mbon oro ẹkenyịmede san̄asan̄a ikot oro ẹkenọde mmọ ẹdidụk Editi m̀mê mbon oro ẹkedọhọde mme adaidaha ke edinam ama akasuana, ke imoyom ẹdikpep mmimọ Bible. Nọ ekikere ke nte ẹkpenọde mbon oro ẹkedụkde Editi un̄wam eke spirit efen efen. (Se km-EF 3/06 p. 1, ikp. eki. 5; km-EF 2/05 p. 4, ikp. eki. 9; km-EF 2/04 p. 5, ikp. eki. 16.) Sịn udọn̄ nọ mme asuanetop ẹnam se ẹtin̄de emi ye unana ubiatini.

Min. 15: Da 2007 Yearbook nam n̄kpọ nte ọfọnde. Utịn̄ikọ ye nneme otuowo. Dụn̄ọde mme akpan n̄kpọ ke “Leta Otode Otu Ukara.” Wụt mme akpan n̄kpọ oro ẹdude ke “Worldwide Report” (Ibatutom Ofụri Ererimbot). Bem iso diomi man mme asuanetop ifan̄ ẹtịn̄ ẹban̄a ibatutom oro ẹnyụn̄ ẹbụk mme ifiọkutom oro ẹbọpde-bọp ẹnyụn̄ ẹsọn̄ọde mbuọtidem. Sịn udọn̄ nọ mme ubon ẹkot ofụri n̄wed emi ke adiana ke adiana ke isua emi. Nọ mme ekikere ke nte ikpadade n̄wed emi in̄wam mbufa owo ẹdụk esop Jehovah inyụn̄ isịn udọn̄ inọ mmọ ẹdụk mme mbono esop.

Ikwọ 179 ye akam ediberi.

[Mme Ikọ idakisọn̄]