Ndutịm Esoputom

Tịm Fiọk: Ẹyediomi Esoputom ẹnọ urua kiet kiet ke ini akamba mbono ke Utom Obio Ubọn̄ Nnyịn. Mme esop ẹkeme ndinam mme ukpụhọde nte oyomde man ẹkeme ndidụk Mbono District “Ẹtiene Christ!” Ke ebiet odotde, ẹda minit 15 ke akpatre Esoputom mbemiso ẹdụkde mbono ẹfiak ẹdụn̄ọde akpan item oro ẹkpedade ẹnam n̄kpọ ke n̄kann̄kụk, emi odude ke esịne-esịt Utom Obio Ubọn̄ Nnyịn eke ọfiọn̄ emi. Ke ọfiọn̄ kiet m̀mê iba ẹbede ke mbufo ẹma ẹkedụk mbono, ẹsio minit 15 esịm 20 ke Esoputom ẹnịm (iso-ọfọn ikpehe oro ẹkpedade ẹneme mme udọn̄ n̄kann̄kụk) ndida ndụn̄ọde mme akpan n̄kpọ oro mme asuanetop ẹkụtde nte enyenede ufọn ke utom ukwọrọikọ mmọ. Esenyịn utom edise aban̄a ndụn̄ọde emi. Dọhọ otuowo ẹtịn̄ nte mmọ ẹdade m̀mê nte ẹdidade mme ntọt emi ẹsịn ke edinam ke utom an̄wautom.

Urua Ọtọn̄ọde September 10

Ikwọ 225

Min. 10: Mme ntọt n̄kann̄kụk. Ti mme asuanetop ndinọ ibatutom an̄wautom eke ufọt ọfiọn̄ September. Ke adade mme ekikere oro ẹnọde ke page 8 m̀mê mme nneme efen oro ẹdotde ye efakutom mbufo, nam wụt nte ẹkpenọde Enyọn̄-Ukpeme eke September 15 ye Awake! eke September. Ke idaha kiet kiet, ẹkpenyene ndidian magazine mbiba nnọ okposụkedi ẹditịn̄de n̄kpọ ẹban̄a kiet.

Min. 15: Ekebe Mbụme. Nneme otuowo emi ebiowo edisede aban̄a. Nte ini ayakde, kot nyụn̄ neme mme itie N̄wed Abasi oro ẹsiakde ẹsịn.

Min. 20: “Ọkpọsọn̄ Ukeme Oro Ẹsịnde ke Ofụri Ererimbot Nditọt Mbono District ‘Ẹtiene Christ!’”a Ke ini enemede ikpehe ekikere 3, dọhọ otuowo ẹbụk mme n̄wọrọnda ifiọkutom oro mmọ ẹkenyenede ke ini ẹkesuande n̄wedikot mbono district isua oko mîdịghe sịn se idude ke 2007 Yearbook, ọtọn̄ọde ke page 7 esịm ekpri ibuotikọ oro odude ke page 10.

Ikwọ 43 ye akam ediberi.

Urua Ọtọn̄ọde September 17

Ikwọ 60

Min. 5: Mme ntọt n̄kann̄kụk.

Min. 20: “Ẹkpebe Uwụtn̄kpọ Jesus.”b Dọhọ otuowo ẹtịn̄ nte mmọ ẹkebọde ufọn ẹto eti uwụtn̄kpọ mbon en̄wen.

Min. 20: Otu Nditọete Oro Ẹdianade Kiet. Utịn̄ikọ ye nneme otuowo emi ọkọn̄ọde ke ibuot 16 ke Ẹtịm man Inam Uduak Jehovah.

Ikwọ 74 ye akam ediberi.

Urua Ọtọn̄ọde September 24

Ikwọ 162

Min. 10: Mme ntọt n̄kann̄kụk. Kot ntọt ibatokụk ye ikọ ekọm kaban̄a etịbe ẹkenọde.

Min. 12: “Nnennen Usụn̄ Oro Ẹkpesede Ẹnyụn̄ Ẹdade Mme N̄wed Nnyịn Ẹnam N̄kpọ.”c

Min. 23: “Ẹtiene Christ Ebe ke Ndinyene Uku.”d Ewetn̄wed esop edise aban̄a. Siak mbono oro ẹdemede esop mbufo ẹsịn. Neme se idude ke ekebe oro “Se Ẹtide Owo Ẹban̄a Mbono District.”

Ikwọ 44 ye akam ediberi.

Urua Ọtọn̄ọde October 1

Ikwọ 88

Min. 8: Mme ntọt n̄kann̄kụk. Mme Ntọt ẹsatde-sat ẹto Utom Obio Ubọn̄ Nnyịn. Ti mme asuanetop ndinọ ibatutom an̄wautom eke utịt ọfiọn̄ September.

Min. 12: Leta N̄kọk Itieutom. Utịn̄ikọ ye nneme otuowo ọkọn̄ọde ke leta oro odude ke akpa page ke nsiondi Utom Obio Ubọn̄ Nnyịn emi.

Min. 10: Nnyịn Ikanam Didie Isua Oko? Esenyịn utom odụn̄ọde se ẹkenamde ke isua utom oro ebede, owụkde ntịn̄enyịn ke nti n̄kpọ oro ẹkenamde ke an̄wautom. Toro esop ke nti utom oro ẹkenamde. Tịn̄ n̄kpọ kiet m̀mê iba oro oyomde ẹnọ ntịn̄enyịn ke obufa isua utom. Tịn̄ n̄kpọ ban̄a utom mme asiakusụn̄, nyụn̄ toro mmọ ke nti utom oro ẹkenamde. Bụk nti utịp oro ẹkenyenede ke ndin̄wam mbon oro mîkesiwọrọke an̄wautom aba.

Min. 15: “Ndinen̄ede Nsịn Idem ke Utom Ukwọrọikọ Nnyịn.”e Dọhọ nditọete iren ye iban oro ẹnen̄ede ẹsịn idem ẹtịn̄ nte mmọ ẹkade iso ndiyom mme usụn̄ ndinen̄ede nsịn idem ke utom ukwọrọikọ. Emekeme ndidọhọ owo kiet m̀mê iba ẹbabak ẹtịm idem ẹban̄a emi.

Ikwọ 102 ye akam ediberi.

[Mme ikọ idakisọn̄]