Mme Ntọt

◼ September: Ẹdinọ n̄wed Nso ke Bible Enen̄ede Ekpep? Ẹkpenyene ndisịn san̄asan̄a ukeme nditọn̄ọ ukpepn̄kpọ Bible ke akpa ediwaha. Edieke edide enyeneufọk ama enyenyene n̄wed emi, wụt nte enye ekemede ndibọ ufọn nto n̄wed emi ebe ke ndinam ibio ibio n̄wụt nte ekpekpepde enye. October: Nọ Enyọn̄-Ukpeme ye Awake! Ke ebiet oro ẹwụtde udọn̄, nọ tract oro Nte Afo Akpama Ndifiọk N̄kpọ Efen Efen Mban̄a Bible?, nyụn̄ neme se isịnede ye uduak editọn̄ọ ukpepn̄kpọ Bible. November: Nọ n̄wed Kpep N̄kpọ to Akwa Andikpep. Ke ebiet oro mme enyeneufọk ẹdọhọde ke mmimọ inyeneke nditọ, nọ ediye uduot ekpri n̄wed, Ẹdu ke Ukpeme! December: Nọ n̄wed Akakan Owo Oro Akanam Odude Uwem. Mme n̄wed ẹnọde ke ukpụhọ ẹdi San̄a Kpere Jehovah m̀mê Ukpọhọde Inemesịt Ubon.

◼ Sia September enyenede utịt urua ition, emi edidi ata eti ọfiọn̄ ndinam usiakusụn̄ unọ un̄wam.

◼ Ẹyeneme vidio oro Jehovah’s Witnesses—Organized to Share the Good News ke Esoputom ke December. Edieke oyomde, ekpenyene ndidọhọ esop otobo vidio emi ọnọ fi usọp usọp nte ekekeme.

◼ Ẹdinọ akpan utịn̄ikọ an̄wa ini Editi eke 2008 ke urua March 31, 2008. Ama ekem ẹyesiak ibuotikọ utịn̄ikọ emi. Mme esop oro ẹnyenede edidi esenyịn circuit m̀mê mbono ke utịturua oro ẹdinọ akpan utịn̄ikọ emi ke utịturua oro etienede. Esop ndomokiet ikpenyeneke ndinọ akpan utịn̄ikọ emi mbemiso urua March 31.

◼ Esenyịn oro etiede ibuot m̀mê owo en̄wen oro enye emekde ekpenyene ndidụn̄ọde ibatokụk esop eke ọfiọn̄ June, July, ye August. Ke ẹma ẹkenam mme ndụn̄ọde emi, ẹkpenyene nditọt esop ke ini ẹdikotde ntọt ibatokụk ini efen.—Se Instructions for Congregation Accounting (S-27).

◼ Ẹdọn̄ kad mben ọfọn̄ mbono district eke 2007 ke efọkn̄wed oro ẹdọn̄de mme babru utom oro ẹsinọde ẹsọk mme esop ke isua ke isua. Ufọn idụhe nditobo mmọ. Edieke esop oyomde kad mben ọfọn̄ efen efen, ẹkpenyene ndida Literature Request Form (S-14) ntobo mmọ. Ẹkpenyene nditobo n̄kpọ usịn kad mben ọfọn̄ nnọ owo ekededi ke esop oro oyomde mmọ.

◼ Mbufa N̄wed Ẹdude:

New World Translation of the Holy Scriptures (nsiondi udomo ekpatọfọn̄ emi enyenede mmemmem ikpaedem, obubịt m̀mê nsan̄nsan̄)—Ikọmbakara

Watch Tower Publications Index—2006—Ikọmbakara

◼ Mbufa Usan Umụm Ikwọ Ẹdude:

Kingdom Melodies—Ke usan umụm ikwọ, Eboho 4 (Emi ẹfiakde ẹsio)

Kingdom Melodies—Ke MP3

◼ Obufa Usan Umụmikọ Odude:

Watchtower Library ke usan umụm ntọt kọmputa, nsiondi eke 2006—Ikọmbakara

◼ Obufa DVD Odude:

Jehovah’s Witnesses—Organized to Share the Good News and Our Whole Association of Brothers—Ke DVD—Ikọmbakara