Ndutịm Ufọkn̄wed Utom Ukara Abasi Eke 2008

Mme Item

Ke 2008, ndutịm emi ke ẹditiene ke ini ẹdinịmde Ufọkn̄wed Utom Ukara Abasi.

EBIET ẸDADE N̄KPỌ ẸTO: Edisana Ŋwed Abasi Ibom, N̄wed Abasi Christian Usem Greek—Edikabade eke Obufa Ererimbot [bi7-EF], Enyọn̄-Ukpeme [w-EF], Bọ Ufọn to Ukpepn̄kpọ Ufọkn̄wed Utom Ukara Abasi [be-EF], ye Mme Ibuotikọ Bible Ndida Nnyene Nneme (Nsiondi eke 1998) [td-EF].

Ufọkn̄wed ekpenyene nditọn̄ọ KE INI ye ikwọ ye akam ye ikọ ekọm onyụn̄ aka iso nte ẹwụtde ke idak emi. Ke ẹma ẹkụre ikpehe kiet kiet, esenyịn ufọkn̄wed oyokot etịn̄ikọ efen.

IDO UTỊN̄IKỌ: Minit 5. Esenyịn ufọkn̄wed, udiana ọnọitem, m̀mê ebiowo efen oro odotde edineme ido utịn̄ikọ emi ẹdade ẹto n̄wed ukpepn̄kpọ Ufọkn̄wed Utom. (Ke mme esop oro mbiowo mîwakke, ẹkeme ndinọ mme asan̄autom unamutom emi ẹdotde.)

UTỊN̄IKỌ NỌ. 1: Minit 10. Ebiowo m̀mê asan̄autom unamutom oro odotde ekpenyene ndise mban̄a emi, ndien ẹdida utịn̄ikọ emi ẹto Bọ Ufọn to Ukpepn̄kpọ Ufọkn̄wed Utom Ukara Abasi m̀mê Enyọn̄-Ukpeme. Ẹdinọ enye nte ikọ item ke minit 10. Uduak ikpedịghe nditịn̄ mme n̄kpọ oro ẹdude ke ibuotikọ kpọt, edi akpakam edi ndiwụk ntịn̄enyịn ke nte mme n̄kpọ oro ẹnemede ẹtịmde ẹnyene ufọn, ẹsiode se iditịmde in̄wam esop ẹwụt. Ẹkpenyene ndida ibuotikọ oro ẹnọde. Ẹdori enyịn ke nditọete oro ẹnọde utịn̄ikọ emi ẹyetịn̄ enyịn ẹkpeme man ẹkụre ke ini oro ẹnịmde. Ẹkeme ndinọ item ke ndịbe nte oyomde.

MME AKPAN N̄KPỌ ORO ẸTODE EDIKOT BIBLE: Minit 10. Ke akpa minit ition, ebiowo m̀mê asan̄autom unamutom oro odotde ekpenyene ndida mme akpan n̄kpọ oro ẹdude mbuan ke usụn̄ oro edinyenede ufọn ọnọ esop. Enye ekeme nditịn̄ mban̄a ikpehe ekededi ke itie Bible oro ẹkenọde ẹkot ke urua oro. Emi ikpedịghe sụk ibio ibio editịn̄ se ẹkenọde ẹkot. Akpan uduak edi ndin̄wam otuowo ẹfiọk ntak ye nte ntọt oro enyenede ufọn. Etịn̄ikọ ekpenyene ndikpeme man enye okûbe minit ition oro ẹnịmde ndida mberede ikpehe emi. Enye ekpenyene ndikụt nte ke imosio minit ition inịm man otuowo ẹtiene ẹbuana. Ekpenyene ndidọhọ otuowo ẹtịn̄ se mmọ ẹmade ke edikot Bible oro ye mme ufọn mmọ mbio mbio (ke sekọn 30 m̀mê osụhọrede akan oro). Ekem esenyịn ufọkn̄wed ọyọdọhọ nditọ ufọkn̄wed oro ẹkedemede ẹdọn̄ ke mme ubet ukpepn̄kpọ en̄wen ẹwọn̄ọ.

UTỊN̄IKỌ NỌ. 2: Minit 4 m̀mê osụhọrede akan oro. Emi edi edikot n̄wed oro eyenete eren edikotde. Eyen ufọkn̄wed oro ekpenyene ndikot itie oro ẹnọde ye unana editịn̄ ntọn̄ọikọ m̀mê utịtikọ. Udọn̄ esenyịn ufọkn̄wed edinen̄ede edi ndin̄wam nditọ ufọkn̄wed ndikot n̄wed an̄wan̄a, ndikot ikọ ọdọnọ, ndisọn̄ọ n̄kot ikike ikọ nte odotde, ndimenede nnyụn̄ nsụhọde uyo, ndikot n̄wed ntuak nda nte odotde, ndinyụn̄ n̄kot ikọ ke ndammana usụn̄.

UTỊN̄IKỌ NỌ. 3: Minit 5. Ẹdinọ eyenete an̄wan enye emi. Ẹyenọ nditọete iban oro ẹnọde utịn̄ikọ emi usụn̄ nte mmọ ẹditịmde mîdịghe mmọ ẹdimek kiet ke otu mme usụn̄ oro ẹdude ke page 82 ke n̄wed ukpepn̄kpọ Ufọkn̄wed Utom. Eyen ufọkn̄wed ekpenyene ndineme n̄kpọ ke ibuotikọ oro ẹnọde onyụn̄ ada enye abuan ye idaha oro ẹsisobode ke utom an̄wautom ke efakutom n̄kann̄kụk. Ke ini owo mînọhọ ebiet oro ẹdade n̄kpọ ẹto, eyen ufọkn̄wed enyene ndinam ndụn̄ọde ke mme n̄wed nnyịn man enyene se edidade ọnọ utịn̄ikọ. Ẹkpenyene ndinọ mbufa nditọ ufọkn̄wed utịn̄ikọ oro ẹnọde ebiet oro ẹdade n̄kpọ ẹto. Esenyịn ufọkn̄wed edinyene udọn̄ akpan akpan ke usụn̄ oro eyen ufọkn̄wed atatde ibuotikọ oro ẹnọde enye ye nte enye an̄wamde enyeneufọk ndikọk ibuot ke mme itie N̄wed Abasi nnyụn̄ mfiọk se mme akpan n̄kpọ oro ẹnemede ẹwọrọde. Esenyịn ufọkn̄wed ọyọnọ andin̄wam kiet.

UTỊN̄IKỌ NỌ. 4: Minit 5. Eyen ufọkn̄wed ekpenyene nditat ibuotikọ oro ẹnọde. Ke ini owo mînọhọ ebiet ẹdade n̄kpọ ẹto, eyen ufọkn̄wed enyene ndinam ndụn̄ọde ke mme n̄wed nnyịn man enyene se edidade ọnọ utịn̄ikọ. Ke ini ẹnọde eyenete eren ikpehe emi, enye ekpenyene ndinọ nte utịn̄ikọ, ye otuowo oro ẹdude ke Ufọkmbono Obio Ubọn̄ ke ekikere. Ke ini ẹnọde eyenete an̄wan ikpehe emi, enye ekpenyene ndinọ nte ẹwụtde ke Utịn̄ikọ Nọ. 3. Esenyịn ufọkn̄wed ekeme ndinọ eyenete eren Utịn̄ikọ Nọ. 4 ini ekededi emi enye okụtde ke odot ndinam ntre. Mbọk tịm fiọk ete ke ẹkpenyene ndinọ eyenete eren ibuot nneme oro enyenede idiọn̄ọ ntantaọfiọn̄ man ọnọ nte utịn̄ikọ. Edieke esop mbufo enyenede uwak mbiowo ye mme asan̄autom unamutom oro ẹsisede ẹban̄a nsio nsio ikpehe ke Ufọkn̄wed Utom Ukara Abasi ye ke Esoputom, ọkpọfọn ẹnọ ebiowo m̀mê asan̄autom unamutom ibuotikọ oro enyenede idiọn̄ọ ntantaọfiọn̄ ke ini ekededi oro ẹkemede.

ITEM: Minit 1. Esenyịn ufọkn̄wed idibemke iso itọt ido utịn̄ikọ oro ẹnọde eyen ufọkn̄wed. Ke Utịn̄ikọ Nọ 2, Nọ 3, ye Nọ 4 ẹkụrede, esenyịn ufọkn̄wed eyetịn̄ nti n̄kpọ oro enye okokụtde ke ikpehe kiet ke utịn̄ikọ oro, emi ẹdotde itoro. Uduak esie idịghe sụk ndidọhọ “amanam etieti,” utu ke oro, edi ndidụri ntịn̄enyịn n̄wụt mme akpan ntak emi akanamde ikpehe oro ke utịn̄ikọ emi enyene ufọn. Edieke oyomde, ẹkeme ndinọ eyen ufọkn̄wed kiet kiet item efen efen oro enyenede ufọn ke ndịbe ke mbono esop ama akasuana m̀mê ke ini efen.

EDIKPEME INI: Utịn̄ikọ ndomokiet m̀mê ikọ oro ọnọitem etịn̄de ikpenyeneke ndibe ini. Ẹkpenyene ndida mbufiọk ntre Utịn̄ikọ Nọ. 2 esịm Nọ. 4 ke ini ama ekekem. Edieke nditọete oro ẹsede ẹban̄a ido utịn̄ikọ, Utịn̄ikọ Nọ. 1, m̀mê mme akpan n̄kpọ oro ẹtode edikot Bible ẹdiade ini, ẹkpenyene ndinọ mmọ item ke ndịbe. Kpukpru owo ẹkpenyene nditịm n̄kpeme ini. Ofụri ndutịm: Minit 45, ke ẹsiode ikwọ ye akam ẹfep.

BABRU ITEM: Odu ke n̄wed ukpepn̄kpọ.

UDIANA ỌNỌITEM: Otu mbiowo ẹkeme ndimek ebiowo oro odotde, edieke odude, ke adianade ye esenyịn ufọkn̄wed, man anam utom nte udiana ọnọitem. Edieke mbiowo ẹwakde ke esop, do isio isio ebiowo oro odotde ekeme ndikama ifetutom emi ke isua kiet kiet. Utom udiana ọnọitem edidi ndinọ nditọete oro ẹnọde Utịn̄ikọ Nọ. 1 ye mbon oro ẹsede ẹban̄a mme akpan n̄kpọ oro ẹtode edikot Bible item ke ndịbe edieke oyomde. Idịghe kpukpru ini oro ekemmọ mbiowo m̀mê mme asan̄autom unamutom ẹkụrede utịn̄ikọ kiet kiet ke oyom ẹnọ item.

NDỤN̄ỌDE UFỌKN̄WED UTOM UKARA ABASI: Minit 30. Ke kpukpru ọfiọn̄ iba, esenyịn ufọkn̄wed ayada usụn̄ ke ndụn̄ọde. Ẹyebem iso ẹneme ido utịn̄ikọ ye mme akpan n̄kpọ oro ẹtode edikot Bible nte ẹwụtde ke enyọn̄ emi mbemiso ẹnamde emi. Ẹdidụn̄ọde se ẹkenamde ke ufọkn̄wed ke ọfiọn̄ iba oro ẹkebede, esịnede eke urua oro. Edieke esop mbufo enyenede mbono circuit ke urua Ndụn̄ọde Ufọkn̄wed Utom Ukara Abasi, do ẹkpenyene ndisio ndụn̄ọde emi (ye ndutịm eken ke urua oro) nnịm urua efen ke iso, ndien ẹkpenyene ndineme ndutịm urua oro etienede ke urua mbono circuit oro. Edieke esenyịn circuit edidide esop mbufo ke urua ndụn̄ọde oro, ẹkpenyene ndikwọ ikwọ, ẹnọ ido utịn̄ikọ, ye mme akpan n̄kpọ oro ẹtode edikot Bible nte ẹkediomide. Utịn̄ikọ item (ẹnọde ke ini ẹkụrede ido utịn̄ikọ) ekpenyene ndito ndutịm urua oro etienede. Ufọkn̄wed Utom Ukara Abasi eke urua oro etienede ọyọtọn̄ọ ye ido utịn̄ikọ ye mme akpan n̄kpọ oro ẹtode edikot Bible nte ẹkediomide, ke oro ebede ẹyenam ndụn̄ọde.

NDUTỊM

Jan. 7 Edikot Bible: Matthew 1-6 Ikwọ 62

Ido Utịn̄ikọ: Ndinam N̄kpọ An̄wan̄a (be-EF p. 228 ¶2-3)

Nọ. 1: Mme Ọsọn̄urua N̄kpọ Ẹtode Gospel Matthew—Ikpehe 1 (w89-EF 7/15 p. 24-25 ¶1)

Nọ. 2: Matthew 5:1-20

Nọ. 3: td-EF 26B Ntak Anade Inịm Jesus Christ ke Akpanikọ

Nọ. 4: Mme Usụn̄ Oro Edisana Spirit Abasi Esin̄wamde Nnyịn

Jan. 14 Edikot Bible: Matthew 7-11 Ikwọ 224

Ido Utịn̄ikọ: Nte Esịt Abuanade (be-EF p. 228 ¶4–p. 229 ¶1)

Nọ. 1: Dat Esịt ke Ikọ Abasi (be-EF p. 9 ¶1-5)

Nọ. 2: Matthew 10:1-23

Nọ. 3: Ntak Ọfọnde Ndinam Akpanikọ

Nọ. 4: td-EF 26C Oyom Inam N̄kpọ Ndiwụt ke Imenịm Christ ke Akpanikọ

Jan. 21 Edikot Bible: Matthew 12-15 Ikwọ 133

Ido Utịn̄ikọ: Esịne Ifiọk Ọnọ Otuowo Fo (be-EF p. 230 ¶1-6)

Nọ. 1: Kot Bible ke Usen ke Usen (be-EF p. 10 ¶1–p. 12 ¶4)

Nọ. 2: Matthew 14:1-22

Nọ. 3: td-EF 34A Se Obio Ubọn̄ Abasi Edinamde Ọnọ Ubonowo

Nọ. 4: Nso M̀mê Anie Edi Andibiọn̄ọ Christ?

Jan. 28 Edikot Bible: Matthew 16-21 Ikwọ 176

Ido Utịn̄ikọ: Ndinam Ndụn̄ọde man Utịn̄ikọ Esịne Ifiọk (be-EF p. 231 ¶1-3)

Nọ. 1: ‘Tịn̄ Enyịn Kpeme Adan̄a nte Afo Okopde’ (be-EF p. 13 ¶1–p. 14 ¶4)

Nọ. 2: Matthew 17:1-20

Nọ. 3: td-EF 34B Ukara Obio Ubọn̄ Ọtọn̄ọ ke Adan̄aemi Mme Asua Ẹsụk Ẹdude ke Edinam

Nọ. 4: Mme N̄kpọ Oro Mme Christian Ẹsede ke Ndisana

Feb. 4 Edikot Bible: Matthew 22-25 Ikwọ 151

Ido Utịn̄ikọ: Ndinam Mme Itie N̄wed Abasi Ẹn̄wan̄a (be-EF p. 231 ¶4-5)

Nọ. 1: Ndikpan̄ Utọn̄ ke Mme Mbono Esop ye Mme Mbono (be-EF p. 15 ¶1–p. 16 ¶5)

Nọ. 2: Matthew 23:1-24

Nọ. 3: Nsinsi Uwem Idifekke Owo

Nọ. 4: td-EF 34C Idịghe Ukeme Oro Mme Owo Ẹsịnde Edida Obio Ubọn̄ Abasi Edi

Feb. 11 Edikot Bible: Matthew 26-28 Ikwọ 110

Ido Utịn̄ikọ: Ndinam Mme Ikọ Ẹn̄wan̄a (be-EF p. 232 ¶1)

Nọ. 1: Mme Ọsọn̄urua N̄kpọ Ẹtode Gospel Matthew—Ikpehe 2 (w89-EF 7/15 p. 25 ¶2-6)

Nọ. 2: Matthew 27:1-22

Nọ. 3: Ntak Emi Edinyene Mbuọtidem Mîkụreke ke Ndinịm ke Abasi Odu

Nọ. 4: td-EF 42A Se “Utịt Ererimbot” Ọwọrọde

Feb. 18 Edikot Bible: Mark 1-4 Ikwọ 167

Ido Utịn̄ikọ: Ndida Itien̄wed N̄kọk Ibuot (be-EF p. 232 ¶2-4)

Nọ. 1: Mme Ọsọn̄urua N̄kpọ Ẹtode Gospel Mark—Ikpehe 1 (w89-EF 10/15 p. 30 ¶1-8)

Nọ. 2: Mark 2:1-17

Nọ. 3: td-EF 42B Du ke Edidemede Ban̄a Mme Idiọn̄ọ Ukperedem Ini

Nọ. 4: Nte Ima Anamde Inen̄ede Inyene Uko

Feb. 25 Edikot Bible: Mark 5-8 Ikwọ 72

Ido Utịn̄ikọ: Ndimek Mme Ntọt Oro Ẹdinyenede Ufọn Ẹnọ Otuowo Fo (be-EF p. 232 ¶5–p. 233 ¶4)

Ndụn̄ọde Ufọkn̄wed Utom Ukara Abasi

Mar. 3 Edikot Bible: Mark 9-12 Ikwọ 195

Ido Utịn̄ikọ: Edida Se Ẹnọde Nnam N̄kpọ (be-EF p. 234 ¶1–p. 235 ¶3)

Nọ. 1: Afo Emekeme Ndifori Ukeme Uti N̄kpọ Fo (be-EF p. 17 ¶1–p. 19 ¶1)

Nọ. 2: Mark 11:1-18

Nọ. 3: Ntak Oro Abasi Mîkemeke Ndisu Nsu

Nọ. 4: td-EF 44A Abasi Ọn̄wọn̄ọ Nsinsi Uwem Ọnọ Okopitem Ubonowo

Mar. 10 Edikot Bible: Mark 13-16 Ikwọ 87

Ido Utịn̄ikọ: Edida Mme Mbụme Nnam N̄kpọ Uforo Uforo (be-EF p. 236 ¶1-5)

Nọ. 1: Mme Ọsọn̄urua N̄kpọ Ẹtode Gospel Mark—Ikpehe 2 (w89-EF 10/15 p. 31 ¶1-5)

Nọ. 2: Mark 14:1-21

Nọ. 3: td-EF 44B Idịghe Kpukpru Owo Ẹdika Heaven

Nọ. 4: Ntak Emi ‘Iyatesịt Owo Mîdaha Edinen Ido Abasi Idi’ (Jas. 1:20)

Mar. 17 Edikot Bible: Luke 1-3 Ikwọ 13

Ido Utịn̄ikọ: Mme Mbụme Oro Ẹbụpde man Ẹtịn̄ Mme Akpan Ekikere (be-EF p. 237 ¶1-2)

Nọ. 1: Mme Ọsọn̄urua N̄kpọ Ẹtode Gospel Luke—Ikpehe 1 (w89-EF 11/15 p. 24 ¶1-8)

Nọ. 2: Luke 1:1-23

Nọ. 3: Ntak Oro ‘Mbuọtidem eke Mîsan̄ake ye Utom Mînyeneke Ufọn’ (Jas. 2:20)

Nọ. 4: td 44C Ẹn̄wọn̄ọ Nsinsi Uwem Ẹnọ Anana-Ibat “Mme Erọn̄ En̄wen”

Mar. 24 Edikot Bible: Luke 4-6 Ikwọ 156

Ido Utịn̄ikọ: Mme Mbụme Oro Ẹbụpde man Ẹkọk Ibuot ke Ibuot Nneme (be-EF p. 237 ¶3–p. 238 ¶2)

Nọ. 1: Udeme Emi Spirit Abasi Enyenede ke Ndinam Nnyịn Iti N̄kpọ (be-EF p. 19 ¶2–p. 20 ¶3)

Nọ. 2: Luke 4:1-21

Nọ. 3: td-EF 32A Mbọbọ Ndọ Enyene Ndidi Se Ẹkponode

Nọ. 4: Mbak Abasi Ekeme Ndikpan Nnyịn Ndinam Idiọkn̄kpọ

Mar. 31 Edikot Bible: Luke 7-9 Ikwọ 122

Ido Utịn̄ikọ: Mme Mbụme Oro Ẹbụpde man Ẹdiọn̄ọ Se Idude Owo ke Ekikere (be-EF p. 238 ¶3-5)

Nọ. 1: Ntak Emi Esịnde Idem ke Edikot N̄wed? (be-EF p. 21 ¶1–p. 23 ¶3)

Nọ. 2: Luke 7:1-17

Nọ. 3: Mme N̄kpọ Oro Ẹwụtde ke Abasi Ama Nnyịn Onyụn̄ Oyom Ikop Inemesịt

Nọ. 4: td-EF 32B Ana Mme Christian Ẹkpono Edumbet Itieibuot

Apr. 7 Edikot Bible: Luke 10-12 Ikwọ 68

Ido Utịn̄ikọ: Mme Mbụme Oro Ẹbụpde man Ẹdori Nsọn̄uyo (be-EF p. 239 ¶1-2)

Nọ. 1: Nte Ekpesịnde Idem ke Edikot N̄wed (be-EF p. 23 ¶4–p. 26 ¶4)

Nọ. 2: Luke 11:37-54

Nọ. 3: td-EF 32C Mbiomo Oro Mme Ete ye Eka Ẹdide Christian Ẹnyenede Kaban̄a Nditọ

Nọ. 4: Didie ke Ediyarade 17:17 Akpan̄wan̄a Nnyịn?

Apr. 14 Edikot Bible: Luke 13-17 Ikwọ 86

Ido Utịn̄ikọ: Mme Mbụme Oro Ẹbụpde man Ẹyarade Ukwan̄ Ekikere (be-EF p. 239 ¶3-5)

Nọ. 1: Nte Ẹkpekpepde N̄kpọ (be-EF p. 27 ¶1–p. 31 ¶2)

Nọ. 2: Luke 16:1-15

Nọ. 3: Se Ibet Abasi Aban̄ade Editan̄ Nyọhọ-Nsụhọ Ekpepde Nnyịn (Lev. 19:9, 10)

Nọ. 4: td-EF 32D Mme Christian Ẹkpenyene Ndidọ Ekemmọ Mme Christian Kpọt

Apr. 21 Edikot Bible: Luke 18-21 Ikwọ 182

Ido Utịn̄ikọ: Mme Ikọ Oro Ẹwụtde nte N̄kpọ Kiet Ebietde Efen ye Mme Ikọ Oro Ẹwụtde nte N̄kpọ Kiet Edide Efen Oro Ẹnọde Ukpep (be-EF p. 240 ¶1–p. 241 ¶1)

Nọ. 1: Mme Ọsọn̄urua N̄kpọ Ẹtode Gospel Luke—Ikpehe 2 (w89-EF 11/15 p. 24 ¶9–p. 25 ¶5)

Nọ. 2: Luke 18:1-17

Nọ. 3: td-EF 32E Ata Mme Christian Idịghe Mme Ọdọ Uwak Iban

Nọ. 4: Se ‘Nditre Nsụkuyo’ Ọwọrọde (Phil. 2:14)

Apr. 28 Edikot Bible: Luke 22-24 Ikwọ 218

Ido Utịn̄ikọ: Ndida Mme Uwụtn̄kpọ (be-EF p. 241 ¶2–p. 242 ¶1)

Ndụn̄ọde Ufọkn̄wed Utom Ukara Abasi

May 5 Edikot Bible: John 1-4 Ikwọ 31

Ido Utịn̄ikọ: Mme Uwụtn̄kpọ Oro Ẹtode N̄wed Abasi (be-EF p. 242 ¶2-3)

Nọ. 1: Mme Ọsọn̄urua N̄kpọ Ẹtode Gospel John—Ikpehe 1 (w90-EF 3/15 p. 24-25 ¶1)

Nọ. 2: John 3:1-21

Nọ. 3: Se Nnyịn Ikpepde Ito David Ndisịn Ndiwot Edidem Saul

Nọ. 4: td-EF 16A Mary Ikedịghe “Eka Abasi”

May 12 Edikot Bible: John 5-7 Ikwọ 150

Ido Utịn̄ikọ: Nte Enye Ayan̄wan̄a Owo? (be-EF p. 242 ¶4–p. 243 ¶1)

Nọ. 1: Ukpepn̄kpọ Enyene Ufọn (be-EF p. 31 ¶3–p. 32 ¶4)

Nọ. 2: John 6:1-21

Nọ. 3: Se Mbụk Ananias ye Sapphira Ekpepde Nnyịn

Nọ. 4: td-EF 16B Bible Owụt ke Mary Ikedịghe “N̄wan Emi Mîfiọkke Erenowo ke Nsinsi”

May 19 Edikot Bible: John 8-11 Ikwọ 102

Ido Utịn̄ikọ: Edida Uwụtn̄kpọ Nto Mme Idaha Oro Ẹmehede (be-EF p. 244 ¶1-2)

Nọ. 1: Nte Akpadade Bible Anam Ndụn̄ọde (be-EF p. 33 ¶1–p. 35 ¶2)

Nọ. 2: John 11:38-57

Nọ. 3: td-EF 15A Se N̄wed Abasi Etịn̄de Aban̄a Editi

Nọ. 4: Ntak Emi Ẹkenọde Ọyọhọ Ibet Duop ke Ini Edide Owo Ikekemeke Ndifiọk M̀mê Ẹnịm Enye M̀mê Owo Inịmke?

May 26 Edikot Bible: John 12-16 Ikwọ 3

Ido Utịn̄ikọ: Mme Uwụtn̄kpọ Oro Ẹdotde ye Otuowo Fo (be-EF p. 244 ¶3–p. 245 ¶4)

Nọ. 1: Ndikpep Ndida Mme N̄kpọ Unam Ndụn̄ọde En̄wen Nnam N̄kpọ (be-EF p. 35 ¶3–p. 38 ¶4)

Nọ. 2: John 12:1-19

Nọ. 3: td-EF 15B Usọrọ Mass Ikemke ye N̄wed Abasi

Nọ. 4: Nte Nnyịn Itopde Mbiomo Nnyịn Inọ Jehovah (Ps. 55:22)

June 2 Edikot Bible: John 17-21 Ikwọ 198

Ido Utịn̄ikọ: Edida Mme N̄kpọ Oro Ẹkụtde ke Enyịn Nnam N̄kpọ Uforo Uforo (be-EF p. 247 ¶1-2)

Nọ. 1: Mme Ọsọn̄urua N̄kpọ Ẹtode Gospel John—Ikpehe 2 (w90-EF 3/15 p. 25 ¶2-7)

Nọ. 2: John 21:1-14

Nọ. 3: Ntak Emi Inịmde ke Abasi Odu Kpa ye Oro Nnyịn Mîkemeke Ndikụt Enye?

Nọ. 4: td-EF 5A Ana Kpukpru Mme Christian Ẹdi Mme Asan̄autom

June 9 Edikot Bible: Utom 1-4 Ikwọ 92

Ido Utịn̄ikọ: Nte Jesus Akadade Mme N̄kpọ Oro Ẹkụtde ke Enyịn Anam N̄kpọ (be-EF p. 247 ¶3)

Nọ. 1: Mme Enyene-Ifịk Ntiense Jehovah ke Ẹsan̄a Ẹkaiso!—Ikpehe 1 (w90-EF 5/15 p. 24-25 ¶3, ke ẹsiode mme ekebe ẹfep)

Nọ. 2: Utom 1:1-14

Nọ. 3: td-EF 5B Mme N̄kpọ Ẹnamde Ẹdot Kaban̄a Utom Ukwọrọikọ

Nọ. 4: Nso ke “Ifụre Utịn̄ikọ” Ọwọrọ? (Heb. 3:6)

June 16 Edikot Bible: Utom 5-7 Ikwọ 2

Ido Utịn̄ikọ: Mme Usụn̄ Ndida Mme N̄kpọ Oro Ẹkụtde ke Enyịn Nnam N̄kpọ (be-EF p. 248 ¶1-3)

Nọ. 1: Nditịm N̄wed Utịn̄ikọ (be-EF p. 39-42)

Nọ. 2: Utom 5:1-16

Nọ. 3: td-EF 38A Ntak Ẹkọbọde Ata Mme Christian

Nọ. 4: Ntak Emi Uten̄e Jehovah Edide Editọn̄ọ Ifiọk? (Ps. 111:10)

June 23 Edikot Bible: Utom 8-10 Ikwọ 116

Ido Utịn̄ikọ: Ndida Mme N̄wed Ndise Obio, Mme N̄wed Ndutịm Mbono, ye Mme Vidio Nnam N̄kpọ (be-EF p. 248 ¶4–p. 249 ¶2)

Nọ. 1: Nditịm Utịn̄ikọ Emi Eyen Ufọkn̄wed Edinọde ke Ufọkn̄wed (be-EF p. 43 ¶1–p. 44 ¶3)

Nọ. 2: Utom 8:1-17

Nọ. 3: Nte Jesus ‘Edinyan̄ade Ubuene’ (Ps. 72:12)

Nọ. 4: td-EF 38B N̄wan Ikpenyeneke Ndiyak Ebe Esie Adianade Enye Ọkpọn̄ Abasi

June 30 Edikot Bible: Utom 11-14 Ikwọ 79

Ido Utịn̄ikọ: Ndida Mme N̄kpọ Oro Ẹkụtde ke Enyịn Nnam N̄kpọ ye Ikpọ Otu (be-EF p. 249 ¶3–p. 250 ¶1)

Ndụn̄ọde Ufọkn̄wed Utom Ukara Abasi

July 7 Edikot Bible: Utom 15-17 Ikwọ 203

Ido Utịn̄ikọ: Ntak Emi Edu N̄kọkibuot Edide Akpan N̄kpọ (be-EF p. 251 ¶1-3)

Nọ. 1: Nditịm Ibuot Nneme ye nte Edinọde (be-EF p. 44 ¶4–p. 46 ¶1)

Nọ. 2: Utom 16:1-15

Nọ. 3: Mme Ntak Oro Ikpanamde N̄kpọ Jehovah ye Unana Ndịk

Nọ. 4: td-EF 38C Ebe Ikpenyeneke Ndiyak N̄wan Esie Akpan Enye Ndinam N̄kpọ Abasi

July 14 Edikot Bible: Utom 18-21 Ikwọ 32

Ido Utịn̄ikọ: Ebiet Ọkpọtọn̄ọde (be-EF p. 251 ¶4–p. 252 ¶3)

Nọ. 1: Nditịm Mme Utịn̄ikọ Edinọde ke Esop (be-EF p. 47 ¶1–p. 49 ¶1)

Nọ. 2: Utom 20:1-16

Nọ. 3: td-EF 2A Mme Akam Emi Abasi Okopde

Nọ. 4: Nso ke Nnyịn Ikeme Ndikpep Nto Ewụhọ Oro Ẹkụtde ke Exodus 23:19b?

July 21 Edikot Bible: Utom 22-25 Ikwọ 200

Ido Utịn̄ikọ: Ini Ndinyịme Nnọ (be-EF p. 252 ¶4–p. 253 ¶2)

Nọ. 1: Nditịm Mme Ikpehe Esoputom ye Mme Utịn̄ikọ Eken (be-EF p. 49 ¶2–p. 51 ¶1)

Nọ. 2: Utom 22:1-16

Nọ. 3: Ke Mme Usụn̄ Ewe ke Mme Ntiense Jehovah Ẹnam Se Idude ke John 13:34, 35?

Nọ. 4: td-EF 2B Ntak Emi Ndusụk Akam Mînyeneke Ufọn

July 28 Edikot Bible: Utom 26-28 Ikwọ 29

Ido Utịn̄ikọ: Ndibụp Mme Mbụme Nnyụn̄ Nnọ Mme Ntak (be-EF p. 253 ¶3–p. 254 ¶2)

Nọ. 1: Mme Enyene-Ifịk Ntiense Jehovah ke Ẹsan̄a Ẹkaiso—Ikpehe 2 (w90-EF 5/15 p. 26 ikp. eki. 1-4, ye mme ekebe oro ẹdude ke page 25 ye 26)

Nọ. 2: Utom 26:1-18

Nọ. 3: td-EF 3A Abasi Inịmke Akan̄a Inọ Owo

Nọ. 4: Ntak Emi Jehovah Emede Ime

Aug. 4 Edikot Bible: Rome 1-4 Ikwọ 170

Ido Utịn̄ikọ: Eti Usụn̄ N̄kọkibuot Emi Enen̄erede Ọkọn̄ọ ke Ikọ Abasi (be-EF p. 255 ¶1–p. 256 ¶2)

Nọ. 1: Mbon Rome Ẹnyene Mfọn N̄kan Mbụk—Ikpehe 1 (w90-EF 8/1 p. 23-24 ¶3)

Nọ. 2: Rome 3:1-20

Nọ. 3: Nte Mme Angel Ẹkpemede Ẹnyụn̄ Ẹsọn̄ọde Mme Asan̄autom Abasi Idem

Nọ. 4: td-EF 39A Uwem Jesus eke Owo Ekedi ‘Ufak Ọnọ Kpukpru Owo’

Aug. 11 Edikot Bible: Rome 5-8 Ikwọ 207

Ido Utịn̄ikọ: Da Mme Uyarade Efen Efen Sọn̄ọ Ikọ Fo (be-EF p. 256 ¶3-5)

Nọ. 1: Nditịm Mme Utịn̄ikọ An̄wa (be-EF p. 52 ¶1–p. 54 ¶1)

Nọ. 2: Rome 6:1-20

Nọ. 3: td-EF 39B Ntak Emi Jesus Ekekemede Ndikpe Ufak

Nọ. 4: Nte Edinen Ido Ekemede Ndikpeme Nnyịn

Aug. 18 Edikot Bible: Rome 9-12 Ikwọ 152

Ido Utịn̄ikọ: Ndinọ Uyarade Oro Ekemde (be-EF p. 257 ¶1-4)

Nọ. 1: Mbon Rome Ẹnyene Mfọn N̄kan Mbụk—Ikpehe 2 (w90-EF 8/1 p. 24 ¶4–p. 25 ¶4)

Nọ. 2: Rome 9:1-18

Nọ. 3: Ntak Emi Ikọ-Edem ye Ufụmikọ Mîfọnke?

Nọ. 4: td-EF 22A Nte Ẹkemede Ndidiọn̄ọ N̄kukụre Ido Ukpono Akpanikọ

Aug. 25 Edikot Bible: Rome 13-16 Ikwọ 16

Ido Utịn̄ikọ: Ukeme Edisịm Esịt (be-EF p. 258 ¶1-5)

Ndụn̄ọde Ufọkn̄wed Utom Ukara Abasi

Sept. 1 Edikot Bible: 1 Corinth 1-9 Ikwọ 199

Ido Utịn̄ikọ: Ndidiọn̄ọ Se Idude Owo ke Esịt (be-EF p. 259 ¶1-3)

Nọ. 1: “Ẹnam Kpukpru N̄kpọ Ẹnọ Abasi Ubọn̄”—Ikpehe 1 (w90-EF 9/15 p. 24-25 ¶1, ke ẹsiode mme ekebe ẹfep)

Nọ. 2: 1 Corinth 4:1-17

Nọ. 3: td-EF 22B Ndi Akwan̄a Ndibiom Nsunsu Ukpepn̄kpọ Ikpe?

Nọ. 4: Ndi Edinyene Inyene Obụkidem Owụt ke Abasi Ọdiọn̄ Owo?

Sept. 8 Edikot Bible: 1 Corinth 10-16 Ikwọ 35

Ido Utịn̄ikọ: Ndidemede Mme Ntụk Oro Ẹnọde Ufọn (be-EF p. 259 ¶4–p. 260 ¶1)

Nọ. 1: “Ẹnam Kpukpru N̄kpọ Ẹnọ Abasi Ubọn̄”—Ikpehe 2 (w90-EF 9/15 p. 25 ¶2-6, ye mme ekebe)

Nọ. 2: 1 Corinth 13:1-14:6

Nọ. 3: Ntak Oro Mme Anam Ikọ Ẹkopde Inemesịt

Nọ. 4: td-EF 22C Ini Emi Abasi Enyịmede Owo Okpụhọ Ido Ukpono Esie

Sept. 15 Edikot Bible: 2 Corinth 1-7 Ikwọ 58

Ido Utịn̄ikọ: Ndin̄wam Mbon En̄wen Ẹten̄e Abasi (be-EF p. 260 ¶2-3)

Nọ. 1: “Ẹdomo Idem Mbufo Ẹse M̀mê Mbufo Ẹdu ke Mbuọtidem”—Ikpehe 1 (w90-EF 9/15 p. 26 ¶1-6, ye ekebe)

Nọ. 2: 2 Corinth 1:1-14

Nọ. 3: td-EF 22D Nte Abasi Okụt Eti ke Kpukpru Ido Ukpono?

Nọ. 4: Ntak Emi Ata Mme Christian Ẹsidatde Esịt ke Ini Ẹkọbọde Mmọ

Sept. 22 Edikot Bible: 2 Corinth 8-13 Ikwọ 12

Ido Utịn̄ikọ: Nte Nnyịn Idude Uwem Ebehe Abasi (be-EF p. 260 ¶4–p. 261 ¶1)

Nọ. 1: “Ẹdomo Idem Mbufo Ẹse M̀mê Mbufo Ẹdu ke Mbuọtidem”—Ikpehe 2 (w90-EF 9/15 p. 27 ¶1-4, ye ekebe)

Nọ. 2: 2 Corinth 9:1-15

Nọ. 3: Ntak Emi Ata Mme Christian Mîdịghe Ubak Ererimbot

Nọ. 4: td-EF 14A Mmanie ke Ẹdinam Ẹset ke N̄kpa?

Sept. 29 Edikot Bible: Galatia 1-6 Ikwọ 163

Ido Utịn̄ikọ: Ndin̄wam Mbon En̄wen Ẹdụn̄ọde Idemmọ (be-EF p. 261 ¶2-4)

Nọ. 1: Ẹsọn̄ọ Ẹda ke Ubọhọ Ufụn Christian! (w90-EF 11/15 p. 23)

Nọ. 2: Galatia 1:1-17

Nọ. 3: td-EF 14B Ẹdinam Mme Akpan̄kpa Ẹset Ẹdidu Uwem ke M̀mọ̀n̄?

Nọ. 4: Nte Ima Ekemede Ndikan Editen̄e Owo Enyịn

Oct. 6 Edikot Bible: Ephesus 1-6 Ikwọ 99

Ido Utịn̄ikọ: Ndisịn Udọn̄ Nnọ Mme Owo Ndisụk Ibuot ke Ofụri Esịt (be-EF p. 262 ¶1-4)

Nọ. 1: Ẹnyene Edidianakiet Ebe ke Christ (w90-EF 11/15 p. 24)

Nọ. 2: Ephesus 3:1-19

Nọ. 3: Ndikpe Owo Ubọk Idịghe Idiọn̄ọ Mmeme

Nọ. 4: td-EF 11A Edifiak Ndi Christ Edi Se Owo Mîkwe ke Enyịn

Oct. 13 Edikot Bible: Philippi 1-4–Colossae 1-4 Ikwọ 123

Ido Utịn̄ikọ: Ndidiana ye Jehovah ke Ndisịm Esịt Mme Owo (be-EF p. 262 ¶5)

Nọ. 1: Ẹsịn Idem Ẹbịne Utịtmbuba Oro! (w90-EF 11/15 p. 25)

Nọ. 2: Philippi 3:1-16

Nọ. 3: td-EF 11B Ẹda Mme N̄kpọ Oro Ẹkụtde ke Enyịn Ẹdiọn̄ọ Edifiak Ndi Christ

Nọ. 4: a Ẹmụm Mbuọtidem Ẹkama ke Abasi ye Christ (w90-EF 11/15 p. 26)

Oct. 20 Edikot Bible: 1 Thessalonica 1-5–2 Thessalonica 1-3 Ikwọ 161

Ido Utịn̄ikọ: Nditịm N̄kpeme Ini (be-EF p. 263 ¶1–p. 264 ¶4)

Nọ. 1: Du ke Mben̄eidem Nọ Usen Jehovah Kûnyụn̄ Ukpa Mba ke Edinam Eti N̄kpọ (w91-EF 1/15 p. 22-23)

Nọ. 2: 1 Thessalonica 1:1-2:8

Nọ. 3: td-EF 35A Ibiomoke Mme Christian Ndinịm Sabbath

Nọ. 4: b Mụm Mbuọtidem ye Eti Ubieresịt Kama Nyụn̄ Beri Edem ke Ukeme Oro Abasi Ọnọde (w91-EF 1/15 p. 30-31)

Oct. 27 Edikot Bible: 1 Timothy 1-6–2 Timothy 1-4 Ikwọ 69

Ido Utịn̄ikọ: Eti Item (be-EF p. 265 ¶1–p. 266 ¶1)

Ndụn̄ọde Ufọkn̄wed Utom Ukara Abasi

Nov. 3 Edikot Bible: Titus 1-3–Philemon 1-25 Ikwọ 149

Ido Utịn̄ikọ: Ndinọ Item ke Ntak Ima (be-EF p. 266 ¶2-5)

Nọ. 1: Ẹsọn̄ Idem ke Mbuọtidem! (w91-EF 2/15 p. 22)

Nọ. 2: Titus 1:1-16

Nọ. 3: td-EF 35B Owo Ikọnọhọ Mme Christian Ibet Sabbath

Nọ. 4: c Ima Nditọete Enyene Odudu (w91-EF 2/15 p. 23)

Nov. 10 Edikot Bible: Mme Hebrew 1-8 Ikwọ 144

Ido Utịn̄ikọ: Item Oro Ọkọn̄ọde ke N̄wed Abasi (be-EF p. 267 ¶1-2)

Nọ. 1: Ntak Utuakibuot Christian Ọfọnde Akan—Ikpehe 1 (w91-EF 2/15 p. 24 ¶1-6, ke ẹsiode ekebe oro odude ke page 24 ẹfep)

Nọ. 2: Mme Hebrew 3:1-19

Nọ. 3: td-EF 35C Ini Oro Sabbath Nduọkodudu Abasi Ọtọn̄ọde Onyụn̄ Etrede

Nọ. 4: Nte Ata Nsụhọdeidem Okpụhọrede ye Abian̄a Abian̄a Nsụhọdeidem

Nov. 17 Edikot Bible: Mme Hebrew 9-13 Ikwọ 28

Ido Utịn̄ikọ: Ndinyene Ọkpọsọn̄ Uko (be-EF p. 267 ¶3-4)

Nọ. 1: Ntak Utuakibuot Christian Ọfọnde Akan—Ikpehe 2 (w91-EF 2/15 p. 24 ¶7–p. 25 ¶2, ye ekebe oro odude ke page 24)

Nọ. 2: Mme Hebrew 10:1-17

Nọ. 3: td-EF 13A Abasi Ọnọ Edinyan̄a N̄kukụre Ebe ke Christ

Nọ. 4: Nte Edifen Nnọ Anamde Ẹdiana Kiet

Nov. 24 Edikot Bible: James 1-5 Ikwọ 88

Ido Utịn̄ikọ: Ntak Edide Akpan N̄kpọ Ndisịn Udọn̄ Nnọ Mbon En̄wen (be-EF p. 268 ¶1-3)

Nọ. 1: Ntak Emi Nnyịn Iyomde Mbuọtidem ye Eti Ibuot (w91-EF 3/15 p. 23)

Nọ. 2: James 1:1-21

Nọ. 3: td-EF 13B “Ẹma Ẹkenyan̄a Ini Kiet, Ẹnyan̄a Kpukpru Ini” Ikemke ye N̄wed Abasi

Nọ. 4: Nte ‘Mbọm Adarade ke Ndikan Ikpe’ (Jas. 2:13)

Dec. 1 Edikot Bible: 1 Peter 1-5–2 Peter 1-3 Ikwọ 18

Ido Utịn̄ikọ: Nditi Mme Owo Se Jehovah Anamde (be-EF p. 268 ¶4–p. 269 ¶2)

Nọ. 1: Ẹsọn̄ọ Ẹda ke Mbuọtidem! (w91-EF 3/15 p. 30)

Nọ. 2: 1 Peter 2:1-17

Nọ. 3: td-EF 13C “Edinyan̄a Ofụri Ekondo” Ikemke ye N̄wed Abasi

Nọ. 4: d Kpan̄ Utọn̄ Nọ Ikọ Prọfesi Abasi! (w91-EF 3/15 p. 31)

Dec. 8 Edikot Bible: 1 John 1-5; 2Jo 1-13; 3Jo 1-14–Jude 1-25 Ikwọ 50

Ido Utịn̄ikọ: Ndiwụt Nte Jehovah An̄wamde Ikọt Esie (be-EF p. 269 ¶3-5)

Nọ. 1: Ẹkaiso Ndisan̄a ke Un̄wana ye Ima Ẹnyụn̄ Ẹsan̄a Nte Ekemmọ Mbonutom ke Akpanikọ (w91-EF 4/15 p. 29-30)

Nọ. 2: 1 John 4:1-16

Nọ. 3: td-EF 21A Se Idiọkn̄kpọ Edide

Nọ. 4: e Ẹkpeme Idem Mbak Mbon Nsọn̄ibuot! (w91-EF 4/15 p. 31)

Dec. 15 Edikot Bible: Ediyarade 1-6 Ikwọ 219

Ido Utịn̄ikọ: Ndidara ke Se Abasi Anamde Idahaemi (be-EF p. 270 ¶1–p. 271 ¶2)

Nọ. 1: Nduaidem Nduaidem N̄kukụt Emi Ẹsọn̄ọde Mbuọtidem—Ikpehe 1 (w91-EF 5/1 p. 21 ¶1-p. 22 ¶4, ye ekebe oro odude ke page 21)

Nọ. 2: Ediyarade 3:1-13

Nọ. 3: td-EF 21B Ntak Emi Kpukpru Owo Ẹbọde Ufen Idiọkn̄kpọ Adam

Nọ. 4: Ntak Oro Ime ye Mbọm Ẹnyenede Adan̄a

Dec. 22 Edikot Bible: Ediyarade 7-14 Ikwọ 21

Ido Utịn̄ikọ: Bọ Ufọn Ọyọhọ Ọyọhọ to Ufọkn̄wed Utom Ukara Abasi (be-EF p. 5 ¶1–p. 8 ¶1)

Nọ. 1: Nduaidem Nduaidem N̄kukụt Emi Ẹsọn̄ọde Mbuọtidem—Ikpehe 2 (w91-EF 5/1 p. 22 ¶5–p. 23 ¶8)

Nọ. 2: Ediyarade 8:1-13

Nọ. 3: td-EF 21C Nso Ikedi Mfri Oro Ẹkekpande?

Nọ. 4: Nso ke Ikọ Emi “Abasi Omokpon Akan Esịt Nnyịn” Ọwọrọ? (1 John 3:20)

Dec. 29 Edikot Bible: Ediyarade 15-22 Ikwọ 60

Ido Utịn̄ikọ: Edikot N̄wed Ọfọn (be-EF p. 83 ¶1-5)

Ndụn̄ọde Ufọkn̄wed Utom Ukara Abasi

[Mme ikọ idakisọn̄]