Mme Ntọt

◼ N̄wed ẹnọde ke December: Nọ n̄wed Akakan Owo Oro Akanam Odude Uwem. Mme n̄wed ẹnọde ke ukpụhọ ẹdi San̄a Kpere Jehovah m̀mê Ukpọhọde Inemesịt Ubon. January: Ẹkeme ndinọ n̄wed ekededi oro ẹkemịn̄de mbemiso 1991 mîdịghe akani n̄wed ekededi oro odude. Se ẹnọde ke ukpụhọ: N̄wed Ifiọk m̀mê ediye uduot ekpri n̄wed Ẹdu ke Ukpeme! February: N̄wed Ukpọhọde Inemesịt Ubon. March: Nọ n̄wed Nso ke Bible Enen̄ede Ekpep? Nen̄ede sịn ukeme nditọn̄ọ ukpepn̄kpọ Bible.

◼ Owo emi esenyịn oro etiede ibuot emekde ekpenyene ndidụn̄ọde ibatokụk esop eke ọfiọn̄ September, October, ye November. Owo ikpenyeneke ndida owo kiet kpukpru ini ndụn̄ọde ibat okụk. Ke ẹma ẹkenam emi, ẹkpenyene nditọt esop ke ẹma ẹkekot ntọt ibatokụk efen.—Se Instructions for Congregation Accounting (S-27).

◼ Mbọk ẹtịm ẹfiọk ẹte ke Editi eke isua 2009 edidi ke Thursday, April 9, ke utịn ama okosụhọde. Ẹbak ẹnọ ntọt emi man nditọete ẹkeme ndinam ndutịm oro odotde ndibọ mme itie efen nnịm ke ini ediwak esop ẹsinịmde mbono esop ke Ufọkmbono Obio Ubọn̄ ndien ana mmọ ẹyom mme itie efen. Ke mme utọ idaha emi, mbiowo ẹkpenyene ndinyene nneme ye (mme) andise n̄kpọ mban̄a itie oro man ẹkụt ẹte ke mme edinam efen ke itie oro ididaha ndutịme idi man Editi ekeme ndika iso emem emem ye ke ido nte eyede.