Mme Usụn̄ Unyene Nneme

Nditọn̄ọ Ukpepn̄kpọ Bible ke Akpa Saturday ke December

“Mmenịm ke afo eyenyịme ke kpukpru owo ẹyom ufan. Ewe edu ke afo enen̄ede ama ufan fo enyene? [Bet ibọrọ.] Tịm fiọk se magazine emi etịn̄de aban̄a ntak emi nnyịn ikpetịn̄de enyịn imek mme ufan nnyịn.” Yak nsiondi Enyọn̄-Ukpeme eke December 1 nọ enyeneufọk, kot nyụn̄ neme se idude ke akpa ekpri ibuotikọ oro odude ke page 16 ye enye. Kot ke nsụhọde n̄kaha itie N̄wed Abasi kiet. Nọ mme magazine, nyụn̄ diomi ndifiak n̄ka n̄kọbọrọ mbụme oro etienede.

Enyọn̄-Ukpeme December 1

“Nte akanam afo emekere ntak emi ediwak oto-obot afanikọn̄ ẹtịbede ke ndondo emi? [Bet ibọrọ.] Bible ama akam etịn̄ aban̄a ini oro ediyọhọde ye afanikọn̄. [Kot Matthew 24:7, 8.] Magazine emi ọbọrọ mme mbụme emi: Ntak emi ediwak oto-obot afanikọn̄ ẹtịbede mfịn? Ndi Abasi ada mmọ amia nnyịn ufen? Mme ntak ewe ẹnam inịm ke Abasi ọmọn̄ ọsọp etre kpukpru mme oto-obot afanikọn̄?”

Awake! December

Kot 2 Timothy 3:16. Ekem dọhọ ete: “Ndusụk owo ẹnịm ke Abasi ọkọnọ odudu spirit ẹda ẹwet Bible, ke adan̄aemi mbon en̄wen mînịmke. Afo ekere didie? [Bet ibọrọ.] Okposụkedi emi mme owo ẹnyenede nsio nsio ekikere ẹban̄a mbụme emi, ediwak owo ẹnyịme ke idụhe n̄wed en̄wen oro ẹsịnde ọkpọsọn̄ ukeme ndinam okûdu nte Bible. Magazine emi etịn̄ ndusụk n̄kpọ oro ẹkenamde ke ediwak isua ikie oro ẹbede mi man Bible okûdu man ẹnyụn̄ ẹkpan mme owo ndikot enye. Enye etịn̄ n̄ko ntak emi Bible akade iso odu.”