Mme Usụn̄ Unyene Nneme

Nditọn̄ọ Ukpepn̄kpọ Bible ke Akpa Saturday ke December

“Ediwak owo ẹsikere ẹban̄a Jesus ke utọ ini emi ke isua. Afo ekere ke nso idi n̄kponn̄kan n̄kpọ oro Jesus akanamde? [Bet ibọrọ.] Kop se ibuotikọ emi ke page 16 ọdọhọde.” Yak Enyọn̄-Ukpeme eke December 1 nọ enyeneufọk, neme se idude ke idak kiet ke otu n̄kpri ibuotikọ oro ye enye, nyụn̄ kot ke nsụhọde n̄kaha itie N̄wed Abasi kiet oro ẹsiakde ẹsịn. Nọ mme magazine, nyụn̄ diomi ndifiak n̄ka n̄kọbọrọ mbụme oro etienede.

Enyọn̄-Ukpeme December 1

“Ke ini Christmas emi, idem esiduai ediwak owo etieti. Afo ekere ke ewe ke otu mme n̄kpọ emi esinam idem aduai mme owo ntre? [Wụt enye mme n̄kpọ oro ẹsiakde ke page 3 nyụn̄ yak enye emek. Ekem kụbọde ka ibuotikọ emi etịn̄de aban̄a se enye emekde, nyụn̄ kot itie N̄wed Abasi oro ẹdade ibuotikọ oro ẹto.] Magazine emi eneme nti usụn̄ oro nnyịn ikemede nditi Jesus kpukpru ini ke isua, idịghe ke ini Christmas kpọt.”

Awake! December

“Nnyịn iwaha edem fo mfịn sia ediwak owo ẹdu ke ọkpọsọn̄ mfịghe ẹnyụn̄ ẹkop editịmede esịt. Ndi omokụt ke mme owo inyeneke aba ime nte ẹkesinyenede? [Bet ibọrọ.] Ndusụk owo ẹnịm ke nnyịn idu uwem ke idiọk ini oro ẹkebemde iso ẹtịn̄ ẹban̄a mi ke 2 Timothy 3:1. [Kot] Magazine emi etịn̄ ntak emi unana ime ọdiọkde onyụn̄ etịn̄ se owo akpanamde man enyene ime.”