Mme Usụn̄ Unyene Nneme

Nditọn̄ọ Ukpepn̄kpọ Bible ke Akpa Saturday ke December

“Nnyịn idi man itie kiet ineme n̄kpọ iban̄a ubon. Ediwak mme ete ye eka ẹyom nditọ mmọ ẹma Abasi. Ndi mme ete ye eka ẹkpekpep nditọ mmọ ndima Abasi, mîdịghe ndi ana nditọ ẹkpep ke idemmọ ndima Abasi?” Bet ibọrọ. Wụt enye akpa mbụme oro odude ke edem Enyọn̄-Ukpeme December 1. Neme se idude ke akpa mbụme, nyụn̄ kot ke nsụhọde n̄kaha kiet ke otu itie N̄wed Abasi oro ẹsiakde ẹsịn. Nọ enye magazine nyụn̄ diomi ndifiak n̄ka n̄kọbọrọ mbụme oro etienede.

Enyọn̄-Ukpeme December 1

“Nnyịn idi man ineme n̄kpọ iban̄a Abasi. Imọdiọn̄ọ ke mme owo ẹnyene nsio nsio ekikere ẹban̄a Abasi. Afo ekere ke ata ediwak owo ẹda enye didie, nte n̄kpọ emi enyenede akaka odudu m̀mê ata ufan oro ekerede aban̄a mmọ? [Bet ibọrọ.] Itie Bible emi etịn̄ se Abasi oyomde nnyịn inam. [Kot James 4:8a.] Magazine emi etịn̄ n̄kpọ ita oro ikpanamde man inen̄ede ikpere Abasi.”

Ẹdemede! November–December

“Nnyịn isan̄a inam mme owo ẹfiọk ibọrọ akpan mbụme emi ẹbụpde mi. [Wụt enye mbụme emi odude ke page 8.] Ndi odu eke esikopde akam nnyịn? [Bet ibọrọ.] Bible owụt ke Abasi esikop akam. [Kot Isaiah 55:6.] Imekeme ndibọn̄ akam nnọ Abasi ini ekededi sia enye esikop akam. Edi ikpọbọn̄ akam didie man enye okop? Ibuotikọ emi etịn̄ n̄kpọ ifan̄ emi anade owo anam man Abasi okop akam esie.”