Mme Usụn̄ Unyene Nneme

Nditọn̄ọ Ukpepn̄kpọ Bible ke Akpa Saturday ke July

“Ke mme isua ndondo emi, ediwak owo ẹsiwak nditịn̄ n̄kpọ mban̄a mme angel. Ndi emekere ke mme angel ẹnen̄ede ẹdu? [Bet ibọrọ.] Se mi se n̄wed emi etịn̄de.” Yak Enyọn̄-Ukpeme eke July 1 nọ enyeneufọk, nyụn̄ neme se idude ke idak akpa ekpri ibuotikọ ke page 16 ye enye, nyụn̄ kot ke nsụhọde n̄kaha itie N̄wed Abasi kiet. Nọ mme magazine, nyụn̄ diomi ndifiak n̄ka n̄kọbọrọ mbụme oro etienede.

Enyọn̄-Ukpeme July 1

Kot Psalm 65:2. Ekem dọhọ ete: “Ediwak owo ẹnyịme ye se ẹtịn̄de emi, nte ke Abasi edi ‘Andikop akam,’ ẹsinyụn̄ ẹbọn̄ akam kpukpru usen. Edi mbon eken ẹsibụp ete, ‘Edieke edide Abasi odu, ntak emi ediwak mfịna ẹdude ke ererimbot?’ Afo ekere didie? Ndi Abasi odu emi esikopde akam nnyịn? [Bet ibọrọ.] Magazine emi eneme ibọrọ oro Bible ọnọde ke mbụme emi: ‘Ntak emi Andikop akam ayakde ndutụhọ odu?’”

Awake! July

“Edieke afo ekpekemede ndikpụhọde n̄kpọ kiet ke ererimbot emi, nso ke oro ekpedi? [Bet ibọrọ.] Bible owụt ntak emi se mme owo ẹkemede ndinam enyenede-nyene adan̄a. [Kot Jeremiah 10:23.] Magazine emi etịn̄ se Abasi aduakde ndikpụhọde.”