Abasi Ọyọdiọn̄ Mbon Emi Ẹsin̄wamde Owo

Ediwak owo ke ererimbot inyeneke udia ye ufọk. Ndusụk owo ikam inyeneke idotenyịn ke n̄kpọ ọyọfọn ke ini iso. Edieke in̄wamde utọ mbon oro, Abasi ọyọdiọn̄ nnyịn.

SE BIBLE ỌDỌHỌDE

“Owo eke owụtde usụhọde owo mfọn ọnọ Jehovah ebuọt, Enye oyonyụn̄ ọnọ enye usiene edinam esie.”—MME N̄KE 19:17.

SE NDIN̄WAM MBON EN̄WEN ỌWỌRỌDE

Jesus ama ọnọ mbụk aban̄a ete kiet emi mme inọ ẹkemiade tutu ekpere n̄kpa. (Luke 10:29-37) Owo emi enye mîkọfiọkke ama atuak ada an̄wam enye, okposụkedi emi mmọ mîkotoho ebiet kiet.

Ete oro ama ọbọp owo oro unan, emen enye aka itie usọbọ, onyụn̄ ọnọ okụk ẹda ẹse ẹban̄a enye.

Nso ke mbụk emi ekpep nnyịn? Jesus okowụt ke ikpenyene ndinam se ikekeme man in̄wam mbon en̄wen. (Mme N̄ke 3:27) Bible ọdọhọ ke ibịghike Abasi ayanam ufen ye ubuene etre. Edi imekeme ndikere m̀mê didie ke Abasi edinam emi, m̀mê ini ewe ke oro edinyụn̄ etịbe. Ibuotikọ oro etienede eyeneme nte Abasi edidiọn̄de nnyịn ke ini iso.