Kwọ Ikwọ Toro Jehovah ke Ofụri Esịt

Paul ye Silas ẹma ẹkwọ ikwọ ẹtoro Jehovah ke ini mmọ ẹkedude ke ufọk-n̄kpọkọbi. (Ut 16:25) Anaedi ikwọ oro ama an̄wam mmọ ẹka iso ẹyọ. Nso kaban̄a nnyịn mfịn? Mme ikwọ oro isikwọde ke mbono esop ye mme ikwọ nnyịn eken ẹsisọn̄ọ nnyịn idem ẹnyụn̄ ẹn̄wam nnyịn iyọ se iwọrọde nnyịn. Ata akpan n̄kpọ akam edi ke ikwọ nnyịn esitoro Jehovah. (Ps 28:⁠) Esop Abasi ẹdọhọ nnyịn imụm ndusụk ikwọ emi ke ibuot. Ndi ọmọtọn̄ọ ndinam oro? Imekeme ndida ini Utuakibuot Ubon nnyịn n̄kpep mme ikwọ emi nnyụn̄ n̄kwọ ndusụk mmọ ke ibuot.

ẸSE VIDIO ORO NDITỌWỌN̄ ẸDA IKWỌ ẸTORO JEHOVAH, EKEM ẸBỌRỌ MME MBỤME EMI:

• 

  Didie ke ndikwọ ikwọ Obio Ubọn̄ ekeme ndin̄wam nnyịn?

• 

  Nso ke itieutom Audio/Video ẹsinam man ẹben̄e idem ẹnọ nditọwọn̄ emi ẹdide ndikwọ ikwọ ke studio?

• 

  Didie ke nditọwọn̄ ye mme ete ye eka mmọ ẹsiben̄e idem mbemiso ẹkade studio ẹkekwọ ikwọ?

• 

  Mme ikwọ Obio Ubọn̄ ewe ke ama akan, ndien ntak-a?