Nditọ Israel emi ẹkedide ifịn ẹfiak ẹnyọn̄ isọn̄ mmọ ke isua Jubilee ẹkedu ye ubon mmọ

MME AKPAN N̄KPỌ KE IKỌ ABASI

Isua Jubilee Anam Iti Ini Emi Kpukpru Owo Ẹdiwọrọde Ufụn

Isua Jubilee ama anam nditọ Israel ẹkûkama owo isọn ke nsinsi, ẹkûnyụn̄ udi ubuene ke nsinsi (Le 25:10; it-1-E 871; se ndise ikpaedem)

Ke ini mmọ ẹnyamde isọn̄ ẹnọ owo, eketie nte ẹda isọn̄ oro ẹnịm ubiọn̄, ndien ẹkesinyam isọn̄ ẹtiene ibat mbun̄wụm emi odude ke isọn̄ oro (Le 25:15; it-1-E 1200 ¶2)

Jehovah ama esidiọn̄ ikọt esie ke ini mmọ ẹnịmde ibet oro aban̄ade isua Jubilee (Le 25:18-22; it-2-E 122-123)

Ibịghike, nti owo ẹyedia ufọn ndamban̄a Jubilee ke ini Abasi edinamde mmọ ẹwọrọ ofụri ofụri ke ufụn idiọkn̄kpọ ye n̄kpa.—Ro 8:21.

Nsio nsio ndise: Mme owo ke ẹdiọn̄ isọn̄ man ofụri itie akabade edi Paradise. 1. Mme owo ke ẹtan̄ mbio ẹkeduọn̄ọ. 2. Ke ẹbọp ufọk. 3. Ke ẹtọ flawa.

Nso ke nnyịn owo kiet kiet ikpanam man itiene idu ke ini Jehovah edinamde iwọrọ ke ufụn idiọkn̄kpọ ye n̄kpa?