Nte Ẹtịmde Nnyịn Man Ikeme Ndikwọrọ Ikọ Nnọ Kpukpru Owo

Kpa nte Jehovah eketịmde nditọ Israel, enye etịm nnyịn mfịn man inam utom oro enye ọnọde nnyịn. Mme n̄kọk itieutom, mme circuit, mme esop, ye mme otu an̄wautom ke ofụri ererimbot ẹdiana kiet ẹnam utom man ikeme ndikwọrọ eti mbụk. Imesikwọrọ ikọ inọ kpukpru owo, esịnede mbon oro ẹsemde usem en̄wen.—Edi 14:6, 7.

Ndi emekeme ndikpep usem en̄wen man ekeme ndikwọrọ ikọ nnọ owo ke usem oro? Ọkpọkọm ekere ke imọ inyeneke ini ndikpep usem en̄wen, emekeme ndida JW Language n̄kpep n̄kpri ikọ ifan̄ emi afo ekemede ndida n̄kwọrọ ikọ. Ke ini adade se ekpepde oro ọkwọrọ ikọ, esịt eyenem fi nte ekenemde mme Christian eyo mme apostle ke ini mmọ ẹketịn̄de “ikpọ utom Abasi” ẹnọ mbon oro ẹketode idụt en̄wen ẹdi Jerusalem. Idem ama enen̄ede akpa mbon oro ndikop nte ẹkwọrọde ikọ ẹnọ mmọ ke usem emana mmọ.—Ut 2:7-11.

ẸSE VIDIO ORO DI UFAN JEHOVAH—KWỌRỌ IKỌ KE USEM OBIO OWO, EKEM ẸBỌRỌ MME MBỤME EMI:

• 

  Ini ewe ke JW Language ekeme ndin̄wam fi?

• 

  Nso ye nso isịne ke JW Language?

• 

  Mme usem ewe ke ẹsisem ke efakutom mbufo?

• Nso ke akpanam edieke okụtde owo emi amade ukwọrọikọ, edi enye esem usem en̄wen?—od 100-101 ¶39-41